[حرف وشعر]

طول زماني بالعنا والغرابيل=وانا هقيت الوقت بالصبر يحلو
وعادت معاميلي بليا مراسيل=وانا اتحرى بيّض وجيـه ماجـو
وجتنا علـوم ماتسـر الرجاجيـل=مير الكلام احيان ياصاحبـي سـو
يبخسك من لاسار في دالج الليل=من لا يميز بيـن نجم (ن) ولا نـو
والطير بايوقع اذا هده الحيل=ونفس الشجاع احيان تفزع من البو
اوصيك انا ياصاحبـي بالتساهيـل=ارزاق ربـك دوم ماتنـوخـذ قــو
قد صابنا ماصاب بالامس هابيـل=تاتي الظليمه وينعفس صافي الجو
والجود عنوان الرجـال المطاويل=خطلان ليدي ماحكـو للعـرب لـو
وحنا بعدهم قد جرف دربنا السيـل=قش الهشيم وموقد النـار والضـو
والذيب ديس وسند الحصني الذيـل=والبوم يلعي والقطامي هجـع تـو
محدن يشيل امن الحزن كثر ماشيل=ومحدن بني حلم الاماني علي لـو