[حي الضمير]

المشاركة الأصلية كتبت بواسطة عبدالله راشد الثويني

السلام عليكم ورحمة الله وبركاته

متواضعه للتواصل لعلها تروق لكم

لا تنادي .. دام ماعندك .. كلام = خلـّـني لا رحت عنـّـك .. لاتنادي
نكتفي لا جيت صوبي .. بالسلام = السلام العـَجل يكفي . بإعتقادي
وكان همّك حالنا ؟ .. حنا تمام = نحمد اللي معتلي .. ربْ .. العبادي
ماشكيت الهمْ .. وسهوم الغرام = والله إني عقبكم .. ماعفت زادي
إن ذكرتك .. أذكر الواحد .. وآنام = بعد ذِكـر الله .. يحلالي رقادي
وإن تعبت وتهت .. مابين الزِحام = للملا هيجنت [ .. تحيااا / يابلادي ]
يابرودي ؟ .. مير مثلي مايلام = لو يقول الجوْ .. من فارقت هادي
ليه آبهتم .. دام ماشفت إهتمام = ليه أشبْ النار .. وآتوسد رمادي
ليه آعوّد بعد نوُري .. للظلام = وآترك الهاجوس يسلك كل وادي
الحلال اللي لفالك .. / والحرام ؟ = كانني آعطيت لك كل إجتهادي
سلْ سيف الهجر .. لا عاد الغرام = وإذكر إن الوضع لو فارقت ... عااادي

جزلة وتستحق الرجوع
والمرور مجددآ
صح لسانك