في الجزيرة قصيدة للشاعر مبروك بن ماضي20/9/27هـ
 

قصيدة لشاعرنا مبروك بن ماضي في جريدة الجزيرة اليوم
بعنوان اصبر ولا تجزع


[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إنك تظن الوقت في ركبْك يسير =أكيد واهم يابن آدم وغلطان

كل الدلايل نحو خسرانك تشير =إلا التقي: من بُدّة الناس ربحان

طبع الزمن يجري وتجري المقادير =بتقدير ربك لك. وما قدّره كان

ناظر بعمرك وش تبي من مثل غير =مع مرور الوقت يزداد نقصان

وأظن ما تحتاج لك زود تذكير =لله أمر بالعدل دايم والاحسان

صلِّ واغتنم دنياك واعمل عمل خير =بالآخره تلقاه. مانته بندمان

واصبر ولا تجزع لكثر المخاسير =ترى الخساره قلة الدين يافلان

لي صار ما عندك حدود ومحاذير =وتمشي بليا هدي واضح وعنوان

ولا تشعر بزلات منك وتقصير =وتعيش في دنياك لا هي ونسيان

غافل وما تدري مصيرك وش يصير =متناسيا ان فيه جنة ونيران

هنا هنا!! تحتاج وقفه وتفكير =تصدق مع خالقك فيها من الآن

تدخل على اسلوب منهجك تغيير =ثم توزن أعمالك دواما بميزان

خذها نصيحه قبل تندم وتحذير =واعلم بأن غفلتك من ضعف الإيمان

واحسب حسابك واتعظ دوم بالغير -شف كم ترك هالدار قبلك من انسان

يمكن يجد هالأمر في القلب تأثير =وتبصر له عْيون وتصغي له آذان [/poem]مبروك بن سالم بن ماضي

[URL="http://www.al-jazirah.com/192504/tr6d.htm"]http://www.al-jazirah.com/192504/tr6d.htm[/URL]

الف مبروك

لشاعرنا المتميز

وصح لسانه

ومشكور يالجارح