يااااااااااااااااا يمه
 

يااااااااايمه .. قصيده محزنه حقا .. اذرفت لها دمعي

وإليكم القصيدة :

يمه .. منتهي جيتك وطالب منك الغفران
أقبل قاعة أقدامك وغسلها بدمعاتي

يايمه .. كل مافيني يناديلك أنا ندمان
طلبتك ؟ .. قولي سامحتك وردي لوجهي بسماتي

أنا أدري قلبك الطيب كسرته بصدمة النكران
غلطت .. وغلطتي هذي تغير كل غلطاتي

تشوفي الشيب يايمه ترى ماجا وأنا فرحان
وربي إللي رفع ذاتك ونزل للردى ذاتي

فقدت الراحه من بعدك .. فقدت الطيبه والتحنان
بدونك .. راحتي غاية بدينك هذي راحاتي

أنا بعدك ولا حاجه أنا بعدك ترى عميان
أشوف .. ولا أشوف إللي يوريني مساواتي

أنا وسيد الشقى والهم غدينا أخوان
يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان
رميتك في بداياتي .. ورموني في نهاياتي

أنا من شالك بيده بأسفل البركان
نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم يمه قلبي هان
رموني وضعتهم فزعه .. وأنا الدمعات فزعاتي

يايمه لاتظني أنا من فعلهم زعلان ؟
سوات فيك سويته وسوو فيني سواتي

يايمه .. يالله ضميني ودفيني بها لأحضان
أنا أدري فيك مشتاقه .. وهمك بس ملاقاتي

يايمه ( حييييل ) ضميني أبي أرتاح أنا تعبان
تعبت أهرب من ذنوبي أبيك آخر مسافاتي

أبسمع منك كلمه .. لصوتك مسمعي ولهان
أبسمع ( يمه ) بصوتك أبذكر فيها نشواتي

أشوفك ساكنه يمه ؟ !! .. غفيتي ولا أنا غلطان ؟
غفيتي يابعد عمري ؟.. تعبتي من مواساتي ؟

يايمه طالبك قومي .. إذا لي في عيونك شان
أشوف الموت بعيونك عساها تخيب هقواتي

تعالو يابشر شوفوا أنا محتار أنا تلفان
أنا أمي مدري وش فيها أنا مدري أنا أحاتي

شنو ؟؟ أمي أنا ماتت ّ!!! لا لا .. لاترى غلطان
أنا أمي ماتخليني على حزني ووناتي

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

يايمه قومي .. وقولي الموت لا ماكان
أنا جيتك وأنا ناوي أببدي فيك جناتي

تركتيني ومتى وليه وأنا غرقان ؟
ولا مسموح ياوليدي !! .. ولاتلعنك لعناتي

أنا الجاني .. وأنا المجني .. وأنا المخطي .. وأنا الندمان
وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران
تركتيني على ناري أعدد فيك زلاتي

ولاني مرضي ربي .. ولاني تابع الشيطان
أنا بعدك ترى مابين نهاياتي وبداياتي

يايمه منتهي جيتك وكلي مرتجي غفران
وشفت الناس تلعني .. وتحذرني من الاتي .. !!






اتمنى انني وفقت في الاختيار

منقول

اكيد اختيار موفق

وقصيدة رائعة وان كانت فعلا محزنة

غفر الله لوالدينا

واطال بعمر الاحياء منهم


امتناني اختي لذوقك الجميل


مودتي وتقديري

غاليتي ،،

أبكيتني ،،

تذكرت والدتي يرحمها الله ،،

اختيار موفق ،،

رحم الله أمواتنا وأمواتكم ،،

مرحبا بك شاعرنا ثامر الشبيلي

والحمد لله انها اعجبتك لان في هذا استمرار لي

ورحم الله جميع الاموات

اختي الرموح لقد سقطت دموعي عندما قرأتها

ولكن ياليتني بقرببك حتى امسح دموعك الغاليه

ولكن افضل الا تمسحيها ............

والله يرحم والدتك ويسكنها فسيح جنانه وتلتقينها هناك

بإذن واحد احد

قصيده جميلة في أغلى شخص بالدنيا ..

شموخ مشكورة


تحياتي ..

يا أهلا وسهلا بالفاضل ذييييييييييييييييييييييييييب السنافي


لقد انور المكان بوجودك ,,,,,,,,,,,, والشكر كل الشكر لك

أنا أمي قلبها طيب ولا يمكن تبكي إنسان
أنا أمي ما تبكيني .. ولا تتمنى آهاتي

يايمه صح مامتي ؟ .. وصح الموت تو ماحان ؟
إذا متي أنا بعدك أبقضي وين ساعاتي

يايمه قومي .. وقولي الموت لا ماكان
أنا جيتك وأنا ناوي أببدي فيك جناتي

تركتيني ومتى وليه وأنا غرقان ؟
ولا مسموح ياوليدي !! .. ولاتلعنك لعناتي
غاليتي شموخ نقل مؤثر لاغلي الناس
نقل بوجع القلب ويدمع العين
احن قلب الام التي اعطت بلا حدود
سلمت وسلم نقلك الهادف
تحياتي

ياهلا بك اختي الخنساء

والله يطول عمر امك واعمار امهاتنا

آآآآآآآآآآآآآآآآآآآمين

يااااااااابري حالي برياااه

الله يرحمها ويغمد روحها الجنه ..

انشهد اني بكيت يوم سمعتها ( قصيده صوتيه )

تسلمين فديتج ياشموخ سدير ولاهنتي ..

تحيتي لج / مشاعر حالمه ..