محاوره جديده وحقوق طبعها محفوظه للفطاحله
 

هذه فكرة جديدة لفن المحاوره
والتي سوف تكون جديده ولم تطرح من قبل وهي صعبه بالبداية وأنا متأكد بأن لدينا شعراء فطاحلة لن تعجزهم وهي بطريقة تشابه الكلمتين الا أن الشطر الأول تكون القافيه فيه مثلا مجروره بالياء والثانيه نفس الكلمه ولكنها مثلا مرفوعه بالواو أو جمع بالأولى ومفرد بالثانيه كما بالمثال التالي ونستمر على هذا النسق الى أن يشيب القاف ثم يغير بالاتفاق وتكون على نفس النسق مع مراعاة أن تكون على نفس الطرق والتفعيله فسوف أبدأ بالبيتين التاليين ويأتي الذي بعدي ويلتزم بالقافيه ( يق) (وق ) مع مراعاة تشابه الكلمتين في الشطرين في البيت الواحد فقط واختلافهما بالبيت الثاني مع مراعاة الالتزام بنفس القافيه (يق)(وق) وهكذا حتي يشيب القاف

اليكم كلمات مثلا الكلمه الأولى في الشطر الأول والثانيه في الشطر الثاني
طواريق/طاروق
تفريق/مفروق
تعليق/معلوق
ريق/روق
سيق/سوق
ميق/موق

وهكذا

هذين البيتين مثال وبدايه

[poem=font="Simplified Arabic,5,red,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
نبي نجدد يالفطاحل طواريق=ونجيب فكره فطحلية لطاروق
نبي يصير النا مع النت تفريق=ويصير به قوه مميز ومفروق[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اخاف بعد ايام تشعر بتحريق= وقاف تشابه يعتبر خبز محروق
معنى قريب وصار له كم تطريق= لكن ضعفه ما يخليه مطروق[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لالا تخاف انت طير كما الميق=اكفخ بجنحانك وعينك بها موق
مهما تشابه فالمعاني توافيق=يجيبها وال السموات من فوق[/poem]

وينكم يالفطاحله تراها محاوره للجميع
ورونا ابداعكم
وترا اللي مايشارك نحرمه من الكتابه بالنقط لمدة اسبوع يعني تصير كتابته صلعا ولاتنفهم

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الرسول افتي بسبعه على الريق=وحنا لك الله مانبي غير مرقوق
سناعيس كساب الثنا والتواهيق=لاتبلش اخوانك ورى بعضهم سوق[/poem]

ياعلي ما أبكيك ياخوي منيع
ماشاء الله عليك ماتعوق عندك على طول تهذها
بس ودي يالغالي ترجع لشروط المحاوره في البدايه وأنا متأكد بأنك لم تنتبه لها والا كان جبتها أحسن من بدابها

تحياتي

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
سناعيس تاه القاف مني بتشريق= والشمس لاغابة لها صبح مشروق
بعض التعجل يخرق القيل تخريق=والا التأني ماخبر قيل مخروق[/poem]
----------
اخوي سناعيس
منك السموحه ترى قريت من البدايه بس ماتمعنت
وعساها هالمره صايبه

[size="3"][center]وهدي سلامي مزخـــــرف الوردويليق *** لهل اشعر الي لهم كـــل مليوق

ومع شاهي الكيف على جمر وبــريق*** في آخر الليل مع أرعود وبروق[/center][/size]

لاهنتو
منيع
همس الخيال
ماقصرتو الله يقويكم

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وش قولكم باللي يبالغ بتصفيق=مايدري انه يوم لابد مصفوق
ومن يلتزم يومه مراجل وتطبيق=للشرع قلبه لين ماهو طابوق [/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
من لايفكر بالعواقب بتحقيق=لايبلش العالم الاصارمحقوق
ومن رابع الهبلان وبعض المطافيق=عده مثل ربعه سفله ومطفوق[/poem]