سلطان الخير
 

بمناسبة قرب عودة سمو ولي العهد الأمير سلطان بن عبدالعزيز آل سعود حفظه الله

الى أرض الوطن من رحلته العلاجية

-----------------------------------


أنا أحمد الله قيل سلطان محري
---
عسى السلامة دايمه له مطايا
---
لوان كن اليوم لاغاب شهري
---
ساعة رجوعه من عظيم الهدايا
---
العام أبيع من الهواجيس وأشري
---
واليوم كن كنوز كسرى معايا
---
ياحرف من طيبة رسمتك بحبري
---
ومعطرك بالود وأحلى التحايا
---
على جناح اللي به الظن محري
---
به منطلق من شامخاتِ علايا
---
عانق به عنان السماء الصبح بدري
---
مزبنك شيخِ مامشى بالدنايا
---
لامن تبدل يسر الأيام عسري
---
ملفى الوفود الكالحات العرايا
---
لااقفى بهم الوقت والحظ حدري
---
تزبنوا سلطان وردوا كسايا
---
سلطان ولي العهد يفداه عمري
---
نجم السعد اللي شعاعه تضايا
---
اسمه مع اسم الخير لابد مطري
---
كفِ تعين وكف تهدي هدايا
---
خصه بشكوى الحال ومخفاه سري
---
يكفيه علمه مايبي له وصايا
---
يوم استضاق الحال من جورفقري
---
ولجت هجوس القلب كيف السوايا
---
له انبثق رجاي من وسط صدري
---
يقول تزبن عون جزل العطايا
---
شيخِ عطاياه كنها مد بحري
---
تسقي عروق الفقر سم المنايا
---
كم واحدِ جاله مع الناس عبري
---
ورجع وهو موهوب زين المطايا
---
وجمعت على صفحة سجاياك فكري
---
ولقيتها حازت جميل المزايا
---
ونثرت على بيض السجلات شعري
---
مدح بسموك ياكريم السجايا
---
امدحك وتسمو فوق مدحي وذكري
---
ويشدني لك موقعك بالحنايا
---
والنعم ياشيخِ حوى الجود حصري
---
يامن ملكت الجود بين البرايا
---
جادوا وجا جودك قراحِ وفطري
---
أصفى من الصورة بصاف المرايا
---
انت الذي جوده مع الناس يسري
---
فوق البسيطة ماانحصر بالزوايا
---
يسري مسار الريح والريح يسري
---
حتى شمل اهل الوبر والسرايا
---
مدت يمينك لاعدمناك ذخري
---
وجودك رجاي يوم انهشتني الحيايا
---
فقرِ ودين وهم بالقلب ممري
---
مثل الكحل يمري عيون الصبايا
---
بس الكحل بعيونهن شيء يغري
---
وانا غرس في وسط قلبي شظايا
---
حتى كرهت العيش من طول صبري
---
على طرف جرفِ وحده تهايا
---
حبيس قل مافيه ماشد به ازري
---
غيرالرجا بالله عليم الخفايا
---
الله يدري وخافي الحال يدري
---
ان مابقى من الصبر عندي بقايا
---
وان كان سبوحي قصرت عنك عذري
---
معدم حصيل وانته مكانك تنايا
---
ولو المسافة تنطوي لي على امري
---
جيتك وظني فيك حسن النواااااااايا

رد: سلطان الخير
 

[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
أنا أحمد الله قيل سلطان محري=عسى السلامة دايمه له مطايا

[/poem]

امين

[size=6]من طيب القلب نقول امين [/size]
[size=6]حياك الله ما قصرت ويستاهل راعي الطيب ممدوحك [/size]

رد: سلطان الخير
 

صح لسانك يالسكرانى

والله يسمع منك

ويرجع لنا سيدى ابا خالد

بالشفاء التام

رد: سلطان الخير
 

السكراني
صح السانك ملايين
جزلة من شاعر جزل
انت تقول والأمير سلطان يستاهل الكثير وأكثر
حفظه الله في حله وترحاله ويرده الى بلاده وشعبه سالما غانما ان شاء الله
شكرا لك

رد: سلطان الخير
 

جزل ولا تأتي إلا بالجزل أخي حمود

تقديري ,,,,,,,

رد: سلطان الخير
 

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

رد: سلطان الخير
 

[font=comic sans ms][size=6][color=purple][i]حمود السكراني[/i][/color][/size][/font]
[font=comic sans ms][size=6][color=purple][i]سلمت وصح لسانك[/i][/color][/size][/font]
[font=comic sans ms][size=6][color=purple][i]جزلة من شاعر جزل[/i][/color][/size][/font]
[font=comic sans ms][size=6][color=purple][i]لاهنت وبيض الله وجهك[/i][/color][/size][/font]
[font=comic sans ms][size=6][color=purple][i]تحياتي[/i][/color][/size][/font]
[font=comic sans ms][size=6][color=purple][/color][/size][/font]
[font=comic sans ms][size=6][color=purple][i]زهرة[/i][/color][/size][/font]

رد: سلطان الخير
 

صح لسااااااانك مليون

و صح بدنك

بوووووح رائع

تحيتي و تقديري

رد: سلطان الخير
 

ابيات رائعه ومعبره
بارك الله فيكم
تحياتي

رد: سلطان الخير
 

صح لسانك ياحمود
قصيده رائعه وابدعت بارك الله فيك
أجزل التحايا والاحترام