بي أم دبليو Bmw
 

[poem=font=",5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
راكب اللي صانعينه في مصانع هتلر=وارد البي ام دبليو والبلد الالماني
افخم شعار المواتر فوق خشمه لبتر=كنّه زميّم هنوفٍ خدها ملياني
كن ماطوره قعودٍ باركٍ في المنحر=مالي الكبوت لازودٍ ولانقصاني
اثنعش بستم تعاون في جنوبه لا احتر=لااشتغل قامت تخابط كنها ديباني
لانصاه معزّبْه واقبل عليه وكبّر=قال بسم الله على بدْيك من الشيطاني
وان لمس بابه فتح له كل شي مسكّر=بصمة ابهامه مبرمجها على البيباني
وانحنى قُدمه دركسونه تقول مكسّر=باسطٍ عنده كفوف الشكر والعرفاني
والكبينه تبتسم له بين عاج ومرمر=ودها تاخذ طويل العمر في الاحظاني
رايحٍ جو الغماره طيب عود وعنبر=مابعد مرّت عليها ريحة الدخاني
قدمه الشاشات فيها كل شي محضّر=ماعليه الا يوازنها على الميزاني
واشتغل حسه تقول انه بريق مخدّر=مايبيّن شغله الا هزة الشكماني
واشرقت شمس الضحى من نوره اللي نوّر=مثل برّاقٍ سرى ليله على الصمّاني
عشّق النمره ولاكنه عليها ما اصبر=مايبي الاول ولايصبر بعد في الثاني
مايبي الا راحته لامن قيره دقّر=لاخذا الخامس وطالت سجة الميداني
فرّه السواق من فوق الكباري وافتر=فرّة النمر الجويع وشايف الغزلاني
وارتخى خشمه تقول انه بعِلم مخبَّر=طايره فالليل الاسود مالها جنحاني
انحذف مثل الشهاب اللي ولع هم جمّر=باجدٍ ليل الظلام بضوّه الفتاني
ما يوكَّد منه كود اصطب نوره الاحمر=لاتهيّا له رفاعٍ في بعَض الاحياني
سايقه لاكان يسرع مايطب المخفر=هيبة الموتر تخلّي صاحبه سلطاني
كنه مسوّي حجابٍ في عيون العسكر=لاوصل عند العساكر غمّضوا الاعياني
بين اساطيل المواكب حاضرٍ ومقدّر=فارهٍ فيه المدايح مالها حدّاني
ماركبته غير مره وحده وماتذكر=حالمٍ به حلم ليل وفيه من صحّاني
موترٍ حتى حضوره في المنام معبّّر=علموا عبد اللطيف وعلموا الحمراني
لاحضر راعي القصيده هرجهم لايكثر=الحقايق ثابته والمجتمع فهماني
راعي البي ام يكبر والهقاوي تكبر=من يسوقه مرةٍ مايمدح الياباني[/poem]

رد: بي أم دبليو Bmw
 

[align=center][size=5][grade="ff4500 4b0082 0000ff 000000 f4a460"]
سلمت وصح لسانك
واعتلى شأنك
نص رائع من شاعر رائع
لاهنت ياسعيد
دمت بخبر
[/grade][/size][/align]

رد: بي أم دبليو Bmw
 

لا هنت ياسعيد
وصح الله لسانك اخوى..

رد: بي أم دبليو Bmw
 

التميز يفرض نفسه
حضور انتظره
صح لسااااااااانك

صعووب

رد: بي أم دبليو Bmw
 

الشاعر القدير سعيدمقبل الأكلبي

صح لسانك مدد لا عدد

لقد أسعدني تواجدي هنا

حيث الإبداع والمتعه

دمت ودام تميزك

رد: بي أم دبليو Bmw
 

صح لسااانك



القصيدة فكر وقاق وروح



روعه لله درك

رد: بي أم دبليو Bmw
 

سعيد ا|لأملبي
صح السانك ملايين
شوقتنا للبي ام دبل يوووووووووووووووووووووووووو
كلمات صيغتها ووزنها يسوى الذهب
جزلة من جزل متمكن لافض فوك
شكرا لك

رد: بي أم دبليو Bmw
 

ياسلام عليك
[u]تصوير وابداع[/u]
[u]يستحق التميز[/u]
[u]بارك الله فيكم[/u]
[u]تحياتي[/u]

رد: بي أم دبليو Bmw
 

[color=black][font= ][b][right]واشتغل حسه تقـول انـه بريـق مخـدّر[/b][/font][/color][/right]
[color=black][font= ][b][left]مايبيّـن شغلـه الا هــزة الشكمـانـي[/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left]=======================================[/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left]والله مبدع يالغالي [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] [/b][/font][/color][/left]
[color=black][font= ][b][left] هالبيت هذا في حركه شعريه جميله [/b][/font][/color][/left]

رد: بي أم دبليو Bmw
 

[b][center][size="6"][font="decotype naskh"][poem=font="decotype naskh,6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ماركبتـه غيـر مـره وحـده وماتذكـر=حالمٍ به حلم ليـل وفيـه مـن صحّانـي[/poem]
[color=#006600]سعيد الأكلبي [/color]
رائع رائع شاعرنا في معانيك وفي وصفك
أبدعت وليس بغريب عليك الأبداع
رعاك الله ونولك كل أحلامك
صح لسانك ملايين ملايين
ولك فائق تحياتي وتقديري [/font][/size][/center][/b]