منتديات الفطاحله - أطرف سعودي يقنعه ويعلقه في مروحه ..!1

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - أطرف سعودي يقنعه ويعلقه في مروحه ..!1 (http://ftahilah.com/showthread.php?t=27552)

أطرف سعودي يقنعه ويعلقه في مروحه ..!1

[color="red"]للتواصل مع من يصعب فراقهم[/color]

,,

,,,

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

البارحه يوم العرب كلٍ عن السجه سلى=أنا سهير وناظري بين القلم والمسبحه
أخايل بروق السما ودور فسوق الغلا=عن مهرةٍ خيالها وقت المزاحم تربحه
لن الخبر ما هو غرام مع البني ذقته ولا=زحمة كلامٍ يجتول في خاطري جيت أشرحه
السالفه بالمختصر قمة مواثيق الولا=لأرضٍ غلاها من عصر عوج الحنايا مسرحه
يا هاجسي أما كذا سج القدم ولا فلا ..!=خلك معي في طرقتي واليا انغلق باب افتحه
المملكه هي دارنا واللي عرف ما يجهلا=بأن السما إلنا غطا ولا ثراها مطرحه
من حبها فاض الحشا ثم امتلى ثم امتلى=واللي مشكك فالبحر قله يطب ويسبحه
صحيح أنا ماني عليم بخافي قلوب الملا=لكن ترى مالي ورا هرج التخمن مصلحه
مشاعر الشعب الوفي لو جيت أترجمها على=بيض الورق ما ضمها لو نفرشه فأرض ابرحه
الدار هذي دارنا واللي على العرش اعتلى=آل السعود ملووكنا وطويق محدٍ زحزحه
تاريخهم نقش الصخر فيما مضى واللي تلا=ونقشٍ على صم الصخر ياهل الوفا من يمسحه ..؟!
في ظلهم مهما جرى شرع الولي جل وعلا=مثل الذرى يضفي على عنق الوحش والاجنحه
من يوم أبو تركي لفا نوره عن المرقب جلا=ليل الدجى والغطرسه ناوش علمها واطرحه
وبأمر الولي ثم الدها حوم على وحوش الخلا=واستانست ما بينها عقب استحالت مذبحه
واليوم في عهد الحكيم ابن الحكيم الأولا=في عهد أبو متعب ضوى ذود الأمان ومسرحه
اللي سطاوة هيبته راس العدو منها غلى=وأطلق ملك لا من نظر يمه غدى له كحكحه
وحنا معه في سلمها واليا عوى ذيب الفلا=قلبٍ نداوي علته والقلب الآخر نجرحه
واليا لقانا من شكى في قلته زود البلى=قلنا الجبل عانه قدم خذ لك عزم ثم انطحه ..!!
ولا من طرى ذكر الوطن قلنا هلا يعقب هلا=يا طاريٍ صدر السعودي لا تضايق يشرحه
واللي مشكك فالغلا لأطهر وطن ولا الولا=أطرف سعودي يقنعه ويعلقه في مروحه[/poem]