سقى الوقت الاول
 

بعد الغيبه هاذي هدية للمنتدى وهي تحاكي الطبع القديم للباديه حيث مررت بها شخصيا وجربتها ،، الا ان بعض الكلمات قد لاتكون مفهومه للجيل الحالي لذا فان من يرى اي كلمه غريبه لايعرفها يبينها لي في رده وانا اشرحها له
تابعو عسى ان تنال اعجابكم
[poem=font=",6,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سقى الوقت الاول يوم بيت الشعر بقطاب=ويرفع على العمـدان بيديـن مزيونـه
الى انوو الشدود وقربوله قوي اركـاب=يشله برهوٍ حيـث الاطـراف موزونـه
والاخريشل اخروج من تحتهـن اعيـاب=والاخـر غبيطـه ماالدنايـا يحوفونـه
الاقـوظ المظهوريتبـع سلـف شيـاب=يبون المكان اللـي علـى الله يعشونـه
الى مال ظل العود قدهم كثير اتعاب=نووو بالنزول بخايعٍ مختلف لونه
وبنات البدو قامو يتمارون بالحطَاَب=بعد مابنو بيت الشعرواسمتو اركونه
شعم ضوهم عودٍ بفتيله وقدح اشهاب =وصوت النجريصدح بصوتٍ له افنونه
ونادو بصوت ياهل الكيف يالشَراب=وتلافو كبارالسن للكيف يبغونه
بعد وهلة من وقتهم شافو الهرَاب =اكبارالعشايرمقبله والحشو دونه
غشتهم وهم في فيضةٍ ريحها مطراب =بخليط مع الزملوق عشبٍ يطرونه
وصوت الفحل يزجر بصوته وهو منصاب =يبي التاليه والاوله تظهر اشطونه
وجتهم مصاغير تدرَج وهي تلاَب=شعفها الحلال اللي تقافى مع اظعونه
ضوت بعد ماداجت ونجم العشى ماغاب =ترازم وراعيها بصير وعلى هونه
الى راح هود الليل قدهو وقت حلاَب=تنادو الجماعه كلٍ ايجيب ماعونه
وقربو من اللي ديدها كنه المشراب =وتوالو اثنين وامتلا الطشت لركونه
وقفَو بملالٍ تتعب اللي لها شراب=طعم غند من صافي لبنها يذوقونه
بعد ذا تمالو واخذو الراي وهم اصحاب=وكبير الجماعه رايه اللي يدارونه
وهاذي طراه البدو ياللي لها طلاب =ماهي مثل وقت الحين اللي تشوفونه
تخالط رعاوين من جناس وطبع اغراب =غريبين طبع وهرجهم ماتعرفونه
ولا عادبه عدٍ ودلو في يد الجذاب =وصدير يراوس في المضامي يكفونه
كفتها التناكر واجهزه واغنيه لعتاب =وشديد بقلصٍ وبالمواتر يجرونه[/poem]


وقع لبس بأختفاء احد بيوت الشعر رقم (( 15 ))حيث لم اضع علامة = بينهما وتمت اضافته اخيرا،،،، شكرا لجميع

رد: سقى الوقت الاول
 

يازين عصرآ فات

ومليااااااار صح لساااااانك شاعرنا الجزل الطامي
قصيده جزله ذات مضمون رائع ومحبب للنفس
وبيض الله وجهك حلقت بنا الى ذاك الزمن الجميل

رد: سقى الوقت الاول
 

[font="comic sans ms"][size="6"][color="darkslateblue"]الله الله
قصيدة ولا اروع
تصوير وخيال لحياة الباديه محكم
صح لسانك وبيض الله وجهك يابو محمد
ولاهنت


تحياتي[/color][/size][/font]

رد: سقى الوقت الاول
 

وهاذي طراه البدو ياللـي لهـا طـلاب
ماهي مثل وقت الحين اللـي تشوفونـه

تخالط رعاوين من جناس وطبع اغـراب
غريبيـن طبـع وهرجهـم ماتعرفونـه


صح لسانك يالطامى

عذب وجزل بكل حظور

رد: سقى الوقت الاول
 

غشتهم وهم في فيضةٍ ريحهـا مطـراب
بخليط مـع الزملـوق عشـبٍ يطرونـه
وصوت الفحل يزجر بصوته وهو منصاب
يبي التاليـه والاولـه تظهـر اشطونـه
وجتهم مصاغيـر تـدرَج وهـي تـلاَب
شعفها الحلال اللي تقافى مـع اظعونـه




الله الله


يازززززين هالتصوير عزالله كني اشوفه بالعين المجرررده



وش سويت فينا يالطامي



مليوووون صح السانك ياشيخ


وهذا الشعر اللي يصور الماضي ليذكر الحاضر


الله عليك



بس فيه كلمات اتمنى لو شرحتها للشباب والا انا ماعندي مشكله هههههه



وبعضهم ترى يستحي لايقول ماعرفتها

يعني لو حطيت لها هامش تحت القصيده كان سويت خير بشبابنا وشاباتنا

وانت على كل مسوي خير مايحتاج بس زيادة الخير خير يابو محمد



الف مليون صح السانك وعلا شانك


تحيتي وتقديري

رد: سقى الوقت الاول
 

الله الله

صدقت يابو محمد

صح لسانك مدد

والله انها ايام خوالي ومجالس رجال


مصافحه وافيه من وافي

جزل


لاهنت

تقبل مروري

وتقديري

رد: سقى الوقت الاول
 

الجزل / الأستاذ الطامي


صح لسانك

نص وافي من وافي لله درك

يالغالي

سعدت بمروري هناء

تقديري ,,,,,,,,,

رد: سقى الوقت الاول
 

صح لسانك ونبضك

صعووب

رد: سقى الوقت الاول
 

القدير الطامي

حبك بدقه وإتقان

تصوير خيالي ولا أروع

دمت ودام تميزك

تقبل من التحيه أغلاها

ودمت بود

رد: سقى الوقت الاول
 

[font="comic sans ms"][size="5"][color="darkred"]الله
رااائع ما قراناه هنا
حتى وان كان فيه مفردات ما عرفنا معناها
فهي تنفهم من سياق القصيدة
صح الله لسانك مليون مليون
نص جميل وتصاوير رائعه
ابدعت



ولاااهنت[/color][/size][/font]