مشاركتي بالمليون
 

انا كنت ضمت المشاركين بالنسخه الثانيه من شاعر المليون مع شاعرنا الكبير /ناصر الفراعنه شاركت بالدمام كنت اول متسابق دخل على اللجنه وتم اجازتي من الجميع وصار بيني وبين الدكتور نقاش زعله مني وتم إختياري من 1200 متسابق ثم تم إ ختياري
من ضمن الـ700 ثم من ضمن الـ100 كان المنعطف الاخير إلى الـ48 ولكن هنا؟؟؟؟؟كان للتدخلات والواسطات إبن عم صديق إلخ....
ياما يصير خلف الكواليس ولكن ماندمت على شان لم أكن من ضمن الــ48 يكفيني معرفة ابو فارس وع العمري أستاذ الاشاره.....
أما الاّّن يهمني رايكم بدون مجامله.



توفى وعمره10+8اسنين



[poem=font="Simplified Arabic,5,black,normal,normal" bkcolor="transparent" bkimage="backgrounds/2.gif" border="none,4,gray" type=1 line=0 align=center use=ex num="0,black"]
شقتني بروق ٍ مجنبه تجذب السارين=على الديره اللي ماسكنها سوا مخلوق
غزاه المرض واستوطن هناك من عامين=وجته المنيه عاد قلبي معه مسروق
توسد يمينه بس زوله بقى بالعين=ونفسي لقبره كل ليله عليه (إتوق)
توفى وعمره عشر زايد ثمان اسنين=على اول شبابه واشتعل في حشاي الشوق
دياره خلا وان جوه ناس ٍ يجوا عجلين=وانا أجيه وأقصر خطوتي بالحزن مخنوق
أزور القبر والدمع مافارق العينين=وأشوفه يسبح مبتسم والنواظر فوق
صفاته جمال وخلق عالي وعلم ودين=عفيفٍ جنابه لا خفيّف ولا مطفوق
عسى الله بعد موته يموج الحزن ويعين=ويلهم ذويه الصبر ويداوي المحروق
تربى على حسن التعامل بعطف ولين=يطيع لأوامر وآلدينه بدون إعقوق
يحب الصلاه ولايفرّط في البردين=على الواجبه يحرص وإلى أدّى الفروض يروق
يصوم الخميس وعاد عينه على الاثنين=محافظ مطيع وكل مسلم عليه إحقوق
حدوده حدود البيت ماساير الغاوين=حياته نقى يشره على طلعته للسوق
ولسانه محصّن ماتكلم على المقفين=يحب الستر ماهوب للمخطيه مسيوق
خذا القلب مني والوداعه معه للحين=يحفظ الأمانه زين والسرّ في صندوق
عطيته محبه لو تقسم على ميتين= من اهل الهوى غطت عليهم غلا وتفوق
ولكن خذاه الموت مني بشوف العين=وهو يحتضر وادع بدمعه حضنها الموق
بعدها مشيت وكن وسط الحشا سكين=أعيد الزمن للخلف وأتذكر المعشوق
وأسولف مع السمّار وأضحك مع السالين=مجامل وأنا في داخلي بعد ذاك إفتوق
عسى الله يصبرني ويحقن دموع العين=ويستر علي لاصار ثوب الزمن مشقوق
توفى وليفي بس حبه ليوم الدين=مخلّد ولا ساواه في ذا البشر مخلوق[/poem]

رد: مشاركتي بالمليون
 

............. 1 ...............
توفـى وليفـي بـس حبـه لـيـوم الـديـن
....................مخلّـد ولا سـاواه فـي ذا البشـر مخلـوق

القدير سالم الجعيدى

رغم ما بها من الالم والحزن

اخذت الحق الاعلى من الجزاله

رحم الله من قصدت

وبها خصال لو جمعها المقصود فالجنه مثواه

جمعنا الله واياك بمن نحب من الاهل والخلان بالفردوس الاعلى

تقبل مرورى المتواضع ياجزل

رد: مشاركتي بالمليون
 

الجعيدي
صح السانك
وافية للغايه
شكرا لك

رد: مشاركتي بالمليون
 

صح لسانك يا رجل

ابداع بمعنى كلمة ابداع

اعجابي

مع اجمل تحياتي لك

رد: مشاركتي بالمليون
 

جزل ومبدع
صح لسانك
ولاهان راسك
تحيتي واحترامي
اذا اردت النقد فانشرها في مرآة الشعر النبطي في الأكاديميه

رد: مشاركتي بالمليون
 

صح لسانك ياسالم
وعلى ماقال مشرفنا اذا كنت تريد النقد
فهناك قسم خاص بالنقد وهو مرآت الشعر
وابشر بمن يقيم قصيدتك بكل حياديه
تحياتي

رد: مشاركتي بالمليون
 

صح لسانك شاعر مُبدع ومتمكن
تسلم يمناك على ماخطت
كل الوُد

رد: مشاركتي بالمليون
 

العزيز الغالي سالم منصر الجعيدي سلمه الله


الف مليون صح السانك


صفاتـه جمـال وخلـق عـال وعلـم وديـن


وخلق عالي

الياء سقطت هناك



وبالحقيقه ابيات قمه ياسالم قمه قمه


لله درررررررررررررررررررررك


لله درررررررررررررررررررك


ولافض فوك



تحيتي وتقديري

رد: مشاركتي بالمليون
 

أخي المبدع : سالم منصر الجعيدي

:

نص رائع

وحضور جميل

صح قلبك شاعرنا

:

دمت بخير

لك تقديريـ

رد: مشاركتي بالمليون
 

اخوي سالم صح لساااااااانك

شاعر جزل


تقبل تحياتي

اخوك