منتديات الفطاحله - مطعم افوكادو في الرياض

[FONT="Arial"][SIZE="5"]
[COLOR="Red"]مطعم افوكادو
Avocado[/COLOR]

كما عودتكم ، اليوم أقدم لكم تقرير عن مطعم جديد زرته أنا و المعزبة.
المطعم هذا تكلم عنه الكثير من قبل و حتى أنا حاولت ازوره من قبل لكن كان دائم مزحوم و أنا من النوع اللي ما يحب الانتظار.

لذلك للي مثلي ما يحب الزحمة ففضل وقت للذهاب الي أي مطعم هو بعد صلاة العصر.

[IMG]http://www.50005000.com/Resturants/Avocado/001.JPG[/IMG]

[IMG]http://www.50005000.com/Resturants/Avocado/002.jpg[/IMG]

صور للمطعم من الخارج

المطعم يقع على طريق الملك عبدالله و قبل تقاطعه مع طريق الملك عبدالعزيز ، المطعم يجيك على اليمين و أنت متجه شرق ([COLOR="DarkGreen"]في الجهة المقابلة لأسواق صحاري[/COLOR]).

[IMG]http://www.50005000.com/Resturants/Avocado/003.jpg[/IMG]

[IMG]http://www.50005000.com/Resturants/Avocado/004.JPG[/IMG]

هذي صور من داخل المطعم

[IMG]http://www.50005000.com/Resturants/Avocado/005.JPG[/IMG]

هذي صوره لأحد الجلسات في المطعم.

لان المطعم كان شبه فاضي فنا أخذت راحتي في اختيار الطاولة المناسبة ، و كانت أفضل طاولة هي اللي بجانب النافورة الموجودة في الصورة الرابعة.

جانا الجرسون و أعطانا قائمة الطعام.

[IMG]http://www.50005000.com/Resturants/Avocado/006.JPG[/IMG]

هذي صورة لقائمة الطعام

أكثر ما أعجبني في قائمة الطعام أنها مقسمة لعدة أجزاء ، جزء للأكل الاسباني ، جزء للأكل الفرنسي ، جزء للأكل الايطالي و جزء لمأكولات خاصة بالمطعم.
لكن الشيء اللي ما أعجبني في قائمة الطعام هو ربعنا اللي أذا استلمو قائمة الطعام بدو يشخمطون عليها و كإنهاء الكلمات المتقاطعة في احد الصحف المحلية.

بعد ما انتهيت من تصفح قائمة الطعام طلبت أنا و المعزبة ما يلي:

- دايت ببسي = 4 ريال
- كوكتيل للمعزبة رهيب بس نسيت أسمة = 15 ريال
- شوربة استكوزا لي أنا = 35 ريال
- شوربة حريره مغربية للمعزبة = 18 ريال
- و مقبلات فرنسية زي السبرنق رول بالجينة = 18 ريال

طبعاً قبل ما تجئ الطلبات جابو لنا خبز عربي بر حجمه صغير و شوي مهروس الافوكادو و مهروس الزيتون.

[IMG]http://www.50005000.com/Resturants/Avocado/007.JPG[/IMG]

هذي صورة للمقبلات الفرنسية و إمامها مهروس الافوكادو و الزيتون.

[IMG]http://www.50005000.com/Resturants/Avocado/008.JPG[/IMG]

هذي شوربة الاستكوزا

[IMG]http://www.50005000.com/Resturants/Avocado/009.JPG[/IMG]

و هذي شوربة الحريرة

شوربة الاستكوزا الحقيقة كانت مهبولة و حتى شوربة الحريرة تقول المعزبة أنها ممتازة و حتى ازين من حقت مطعم مراكش المغربي.

أما بالنسبة للمقبلات الفرنسية فهي أيضا كانت ممتازة.

إثناء ما كنت أنا و المعزبة نشتغل على المقبلات ناديت الجرسون و طلبنا الوجبة الرئيسية ، جى الجرسون و الحمدلله ما كان نفس الجرسون اللي اخذ الطلب الأول لأنه كان شوي شايف نفسه مدري ليه و حتى ابتسامه ما تلقاها على شفايفة.
أما الجرسون الثاني فكان جداًُ ممتاز و خفيفة نفسه ([COLOR="darkgreen"]كان لابس قميص كحلي مندون جكيت[/COLOR]).

أنا و بعد تقليب مطول في قائمة الطعام ([COLOR="darkgreen"]كل اللي في القائمة من الأكل كان مشهي[/COLOR]) قررت اطلب أكله اسبانية اسمها (بيلا) أو زي ما يسميها المغاربة ([COLOR="darkgreen"]بقايا[/COLOR]) ، أما المعزبة فهي ما عرفت وش تطلب لذلك طلبت بالنيابة عنها اسكلوب دجاج ([COLOR="darkgreen"]هي تحب الاسكلوب[/COLOR]).

[IMG]http://www.50005000.com/Resturants/Avocado/010.JPG[/IMG]

هذي البيلا

[IMG]http://www.50005000.com/Resturants/Avocado/011.JPG[/IMG]

و هذا اسكلوب الدجاج.

البيلا و الحق يقال هي أفضل ما ذقت ألي ألان في الرياض ، أما الاسكلوب فكان زين لكن اعتقد لو استخدمو دجاج امتن شوي كان ازين.
المأخذ اللي أنا أخذت على البيلا هو المقلات أو الصحن اللي هم قدموه فيه ([COLOR="darkgreen"]تلاحظون إطراف المقلات في ألصوره[/COLOR])، صحيح أن البيلا تنطبخ في الفرن لكن وجود سواد واضح على أطراف المقلات شوهت من منظره و اعتقد كان ممكن يستخدمون صحن من الزجاج المخصص للفرن.

بعد ما انتهينا من الأكل و أنا نظفت صحن البيلا تنظيف طلبنا الفاتورة و كانت بسعر معقول نوعاً ما ، 230 ريال منها 30 ريال رسم خدمة.

[IMG]http://www.50005000.com/Resturants/Avocado/012.jpg[/IMG]

هذي صورة من الفاتورة

[COLOR="Blue"]ملاحظات على المطعم:[/COLOR]

- ديكوراتهم جداً ممتازة.

- اعتقد أنهم بالغو شوي في موضوع الأنوار الخافتة ، صحيح أن المقصود منها هو الجو الرومنسي لكن لو يزيدون الإضاءة شوي كان احسن.

- الجرس اللي هم حاطينة عشان تطلب عن طريقة الجرسون ، ما عندك احد سواً دقيت الجرس أو لا محدن جايك ولا فيه غير انك تنتظر احد يمر و تنادي علية.

- السعر كان جداً معقول.

- صحن البيلا ضيق صدري و يبي لهم يشوفون له حل.

- المطعم له موقع الكتروني هو:

[url]www.avocado.com.sa[/url]

- اعتقد يبي لهم يراجعون موضوع طريقة استقبال الجرسون لزوار المطعم.

- المطعم انصح فيه من جد لان الأكل فيه يستأهل.

لكم مني جميعاً الشكر و التحية[/SIZE][/FONT]