منتديات الفطاحله - عسى الغيث يسقي بالنوازي طويلها

[poem=font="Simplified Arabic,6,white,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]

عسى الـغيث يـسـقـي بالـنـوازي طـويلـها=ويـاطـاه من وبل الـسـحـايـب شلـيلها
مع الوسم ورعـود الـسـحــايـب يـا كـنـها=ذياب(ن)بوسط الليل يطنب عـويـلـها
عـلـى مـرقـب(ن)يـامـا تـعـلـيـت نـايــفـه=وعـيـنـي عـلى مزن الشمـال استخـيلـها
اخـايل مزون(ن)بارقـه يوضـي الـدجـى=عـلـى ديـرة الـمـحـبـوب يــقـدح فـتـيـلـها
تسيل الـشـغـايـا من مـهــابـط فـيـاضـهـا=وتـسـقــي بـساتـيـن الــغـــلا مع نـخــيـلـها
وتـخـضـر جـوانـبـهـا من الـشـيـح والنفل=ومع الـصـبـح تـطــرب للـحـمـام وهـديلها
ديار(ن)بـها من صاب روحي وسـلـنـي=تشادي من خـشوف الجوازي كـحـيـلـها
فلا شافت عـيـونـي من الـزيـن والـحلا=مثـل زيـن من غـطـى ظـهـرهـا جـديـلـها
تشادي عيون الـريـم فـي خـايـع الـخـلا=اذا زاد من خـوف الـضــواري جـفـيـلـها
يهيـض الـحـشى بالقاف من جرح خافقي=ويــنـقـى من اشـعـار الـضمـاير جـزيـلـها
رمـتـنـي بـرمـح(ن)مـن نـواظـر عـيـونــهـا=ورمـح(ن)كـوانـي والـسبايـب رحـيـلـها
والاحباب تصدق فـي وثـايـق عـهـودهـا=ولا ترسـل رمـاح الجـفــى فـي خـلـيـلـها
فلا هي حـمـت قلبي مـطـاعـن رمـاحــها=لاجل تــهـــتـنــي عـيــنــي بـلــذة مـقــيــلـها
ولا هي سقت روحـي غــرام(ن)يــبــلــهـا=ويـطـفـي عن الـروح الرهـيـنـه غـلـيـلــها
فلا فـادنـي مـيـثــاق الاحـبـــاب والـنــقــى=ولا نـي طـلـبــت الـريـم تـحـضـر كـفـيلها
فـدع ذا وياسـاري عـلـى دار من سكن=جـبال(ن)تـعــز اللـي بـضـيـمه يـجــي لها
جبال(ن)يـنــابـيــع الـصـخــى فــي ركـونـها=وعــجــزت دوالـيـب الــذواري تـزيـلــها
تـجـي بـيـت ابـن عـمـي ودمـي ومـنـبـعـي=لـو انــه تــبــع قــول الـحـواســد وقـيــلـهـا
وتلـقـى قـبــالـك نـقــوة الـطـيـب والصخى=زمول(ن)تـشـيل من الـشدايـد ثـقــيـلـها
وقل لـه تـرى طـبـعـي على ماهـقـيـت بـي=وتـرانــي مـن الـلــي مـاتـسـلــم دخــيـلـها
وانا لك صـمـيـل الـقـيـظ في منهك السفر=اذا بــــار بـربـــوع الــــردايــــا صـمــيـــلــهـا
وعـلـيـل الـعــرب لاطـاح بالـقـاع وانتخى=من الـطـيـب نـفـســي ماتـخـلـي عـلـيـلـها
واذا شـح غـيـري فـي جـمــيـلـه وبـاقــنـي=لك الـلــه طـبــوعــي ماتـخـلــي جـمـيــلــها
ولا ارضى هـمـيل الـدمـع بعيون صاحبي=ولا ضــاق جــاري بـالـعـيــون وهـمــيـلـها
والاصحاب لو يـخـطـون نـصـبـر على الخطا=ولا اجـزى رفـيـقـي بـالخـطـيه مـثـيـلـها
فـلا الـمـال يـطـغـيـنــي ويـقـلـب طـبـايـعي=والاموال حـطـت من عـشـقـهــا ذلـيلـها
ولا الـفــقـر مانــعـنـي عـلــى بـذل قــدرتــي=وشــر الـخــلايــق بـالـطــبــايــع بـخــيــلــها
ومن رافـقــن يـشـهــد عـلـى طيب معدني=والاقــوال تـلـقــى بـالـفـــــعـــايـل دلـيـــلـها
على درب شـايـبـنــا مع الـلــيــن والـــقـسـى=ودرب الشغـايـا دايم(ن) مــع مـسـيـــلـــها
واشوفك سـمعت هروج من خـاب شاربـه=من الـلـي نـشـر ربــي لـخـلــقـه غـسيـلـها
ولا تـعـتــقــد صـمــتــي دلـيــل(ن)لـصـدقــهــم=وبـالـكـون تـسـمــع لـلاصـايـل صـهـيـلـها
وترى الناس مثل الـقاع بالـطـيـب والـردى=ولا احد(ن)قـدر يـحـصـي عداله وميلها
وحــــذراك ســـرك لاتــبـيــحــــه عـلــى الـمـــلا=تــرى الـنـاس تـمـشـي فـي جنازة قـتيلها
واذا ذقــت مـيــلات الـلـيــــالـــي وجـــورهــا=كـثـيـر الـعــرب حـذراك لا تـشتـكـي لها
سوى صاحب(ن)جـربـت طـيـبــه ونـخــوتـه=من اللي ثـقــيــلات الـعــرب يـرتـكـي لها
مثل طـبـع ابن عـيـسـى الـتـمـيـمــي اذا زمـى=كـمــا الـطـيــر يـرمــي بـالـحباري جلـيلها
فـيــا حــي رجــل(ن)قــومـتـه تـبـهــج الـحـشى=ويـا حــي والـلـــه لابــة(ن)يـنـتـمــي لها
فلا احـد(ن)قبل كـفــه غـلـبـنـي على الصخى=مع اني خـذيـت من الـخـصـايل اصيـلـها
ولـكــن شــعـــاع الـفـــجــــر لابــــان شـــــارقــه=يـبـــدد مـن الـظــلــمـــاء حـنـاديـس ليـلها
مـشـى سـيـل طـيـبــه لـيــن غـطــى ثـمــايـلــي=وشال الـحـمــول اللي عـجــزنـا نـشـيلها
ايـا كـثـر مـاجـيـــتـــه مـن الـضـيـــق والــكـــدر=سبـايـب هـروج اللـي قـديـم(ن)موديلها
قـلــوب(ن)مـن الــغــيــره تـلاطــم بـحـــورهـا=وتـفــرح بـعـيـبــي فــي سوالـف هـبـيـلها
واذا ماحـصـل مـثــلـه فـيـا طـيــب وحـــدتـــك=دع الـنــاس تـمـضـي فـي مـعـابر سبـيلـها
ولـنـا فـي عـيـوب الـنــفس شــاغـل عـن الـملا=وعـن ذكـر جــزل الـنـاس والا هزيلـها[/poem]