منتديات الفطاحله - مطعم زعفران الهندي في الرياض

[FONT="Arial"][SIZE="5"]السلام عليكم ورحمة الله

[COLOR="Red"]مطعم زعفران
SAFFRON[/COLOR]

يوم الخميس قبل حوالي أسبوع أو أسبوعين ، والله ما اذكر بالضبط ([COLOR="Green"]يالله حسن الخاتمة[/COLOR]) ، قرصني الجوع قرصه ما بعدها قرصه ، و أكل المعزبة كنت بديت أمل منه ، و لخوفي أن بطني يصير حقل تجارب للمعزبة زى العادة ، تداركت الوضع مبكراً و قلت للمعزية إني عازمها على ألغدا بعد صلاة العصر في أي مطعم هي تبية (أعرفكم الحين بتغثوني و تقولون يا كثر ما تعزم مرتك ، بس بكيفي إنا حر) ، المعزبة بدورها قالت لي أنها مالها نفس في شي محدد و تركت لي الخيار في اختيار المطعم اللي إنا أبية.

قلبت الشغلة في راسي مراراً و تكراراً و أخذت في الاعتبار الجو البارد في مدينة الرياض فقررت أدور لي على أكل يدفي ، و طبعاً ما فيه أكل يدفي كثر الأكل الهندي.

لكن المشكلة ألان أي المطاعم الهندية نروح ، فيه مطعم على شارع التحلية جنب مطعم الريف اللبناني أسمة الظاهر أفاد ، أكلت فيه قبل فترة ولا جاز لي أكلة ، جئ في بالي مطعم مكاني الهندي لان الكثير مدح أكله بس ذم نظافته ، لكن ما بغيت أروح له لان النظافة عندي تجي في المقام الأول.

لذلك توجهت إنا و المعزبة للمطعم و خلال 20 دقيقة وصلناه ، ديكوراته الحقيقة من الخارج كانت مهبولة ، لكن و للأسف كان المطعم مقفل ولا بعد فتح و كان مكتوب علية لوحة تقول الافتتاح قريباً.

[IMG]http://www.50005000.com/Saffron/001.JPG[/IMG]

[IMG]http://www.50005000.com/Saffron/002.JPG[/IMG]

هذي صور المطعم من برا.

إنا ألان طحت في ورطة لأنه مسكت معي على أكل هندي ، بعد تفكير مطول تذكرت إني قبل ما يقارب السنة كنت معزوم على العشا في مطعم هندي على شارع بليس ([COLOR="green"]شارع محلات الدشوش[/COLOR]) اللي في السليمانية و قبل التقاطع مع شارع التحلية و كان اسم المطعم (زعفران) ، الحقيقة إنا يوم إني انعزمت في المطعم ما أخذت راحتي كثير في الأكل او تذوق الأكلات المختلفة فيه لذلك ما كان عندي تصور كامل عنه في ذاك الوقت.

لذلك قررت أتوجه للمطعم هذا و أتفحصه مضبوط ، خلال 5 دقائق كنت واقف قدام بابه.

[IMG]http://www.50005000.com/Saffron/003.jpg[/IMG]

هذي صورة المطعم من برا.

دخلنا مع باب العوائل في المطعم ولا لقيت احد يستقبلنا ، بس الشي هذا ما كان غريب لان الوقت كان عصر و المطعم ما كان فيه احد ، تنحنحت و شوي و يجيني ذاك الهندي اللي يمشي ألف و خذ ترحيب و حب راسي أنا بس و كان شكلة ناوي و يشيلني على ظهرة و يوديني لم طاولتي لولا إني كنت اكبر منه جسم ولا كان فيه أمل يحركني من محلي.

[IMG]http://www.50005000.com/Saffron/004.JPG[/IMG]

هذي صوره من المدخل.

ودانا الهندي لقسم العوائل و اللي كان موجود في الدور الثاني ([COLOR="green"]يا ليت أنهم يركبون اصنسير[/COLOR]) ، يوم وصلنا للدور الثاني قال لي الهندي اقعد في أي مكان أبيه.

[IMG]http://www.50005000.com/Saffron/005.jpg[/IMG]

هذي المنطقة يسار الدرج و فيها جلسات معزولة للي يخاف احد يقز حرمته او يفضل الخصوصية اكثر عشان محد يعرف وش كثر يأكل

[IMG]http://www.50005000.com/Saffron/006.JPG[/IMG]

هذي احد الجلسات المعزولة.

[IMG]http://www.50005000.com/Saffron/007.JPG[/IMG]

[IMG]http://www.50005000.com/Saffron/008.JPG[/IMG]

و هذي الجلسات الموجودة على يمين الدرج و جميعها مكشوفة على بعض.

[IMG]http://www.50005000.com/Saffron/009.JPG[/IMG]

انا اخترت اجلس على الطاولة هذي في المنطقة المفتوحة لأني ما أحب الجلسات المغلقة.

[IMG]http://www.50005000.com/Saffron/010.JPG[/IMG]

هذي بعض التحف الهندية الموجودة أسفل الزجاج الموجود على الطاولة ([COLOR="green"]أنا جازت لي الحركة هذي[/COLOR]).

جلست أنا و المعزبة على الطاولة ، لكن كانت أول ملاحظة لي على الجرسون الهندي انه ما حاول يسحب الكرسي حقي أو حق المعزبة عشان نجلس ، و المفترض الحركة هذي هي أساس في أي مطعم فاخر.

جاب لنا الجرسون قوائم الطعام ، و تنقيت منها أنا و المعزبة المقسوم من الأكل و الشرب.

[IMG]http://www.50005000.com/Saffron/011.JPG[/IMG]

هذي صوره من قائمة الطعام.

أنا طلبت لي ببسي بسعر 4 ريال و المعزبة طلبت لها لبن بالنعناع يسمونه لاسي بسعر 6 ريال ([COLOR="green"]ذكرني اسم شوربة المعزبة بالكلب لاسي اللي كان يجي على القناة السعودية الأولي قبل قرن[/COLOR]).

أول شي جابه لنا الجرسون كان الظاهر خبز هندي مقلي مع شي يغط فيه مصنوع من النعناع و شي ثاني مدري وشو.

[IMG]http://www.50005000.com/Saffron/012.JPG[/IMG]

هذا الخبز.

[IMG]http://www.50005000.com/Saffron/013.jpg[/IMG]

و هذا الجرسون

بعد كذا جاب لنا الجرسون الشوربة اللي طلبناها و كانت شوربة عدس لي بسعر 14 ريال و شوربة اسمها دال للمعزبة بسعر 14 ريال.

[IMG]http://www.50005000.com/Saffron/014.JPG[/IMG]

شوربة المعزبة

[IMG]http://www.50005000.com/Saffron/015.JPG[/IMG]

شوربتي

الشوربة و الحق يقال كانت جداً لذيذة سواً حقتي أو حقة المعزبة.

بعد ما خلصنا من الشوربة جاب لنا الجرسون المقبلات اللي طلبناها و كانت عبارة عن سمبوسة هندية بالخضار بسعر 9 ريال بالإضافة ألي ما يشبه السبرنق رول بالدجاج بسعر 12 ريال ، و المقبلات بدورها كانت جداً لذيذه.

[IMG]http://www.50005000.com/Saffron/016.JPG[/IMG]

هذي السمبوسة

[IMG]http://www.50005000.com/Saffron/017.JPG[/IMG]

و هذي سبرنق رول الدجاج ([COLOR="green"]اعتقد انه كان بالإمكان زخرفة و تقديم الصحن بشكل أفضل من كذا[/COLOR]).

بعد المقبلات جئ دور الوجبة الرئيسية و اللي كانت مكونة من صحن مشويات مشكلة تحتوي على الدجاج و اللحم و الربيان و السمك و اسم الطبق الكباب الملكي بسعر 55 ريال ، و دجاج مسلة بسعر 36 ريال بالإضافة إلي رز برياني بالربيان بسعر 30 ريال ، و رز برياني دجاج بسعر 23 ريال.

[IMG]http://www.50005000.com/Saffron/018.JPG[/IMG]

هذا صحن المشويات

[IMG]http://www.50005000.com/Saffron/019.JPG[/IMG]

و هذي الدجاج مسلة.

[IMG]http://www.50005000.com/Saffron/020.JPG[/IMG]

و هذا برياني الربيان.

عاد الأكل ما أمداه يجي إلا و عينك ما تشوف النور و خذا ضرب في الأكل.

[IMG]http://www.50005000.com/Saffron/021.JPG[/IMG]

[IMG]http://www.50005000.com/Saffron/022.JPG[/IMG]

هذي صورة الصحن حقي و فيه مجموعة من المشويات و الدجاج مسلة و الرز قبل ما يختفي في بطني. ([COLOR="green"] و ترا البقعة اللي موجودة على الطاولة مهيب مني ، هذي من الجرسون[/COLOR])

بعد ما الحمدلله ترسنا البطن بكل ما لذ و طاب من الأكل الهندي قمت عشان اغسل و سألت الجرسون عن مكان دورة المياه ، لكن تفاجئت بأنه ما فيه دورة مياه للرجال في قسم العوائل و كنت مضطر انزل لقسم العزاب عشان اغسل.

لكن هيهات اسبرانزا ينزل الدرج و بعدين يطلعها مره ثانية و هو توه مأكل ([COLOR="green"]كان يبي لي كرين[/COLOR]) ، لذلك قلت للجرسون يوقف عند دوره مياه الحريم فيما أنا ادخلها و اغسل.

عقب ما غسلت و رجعت للطاولة لقيت الجرسون معطي المعزبة ورقه استبيان عشان تعبيها عن خدمة المطعم ([COLOR="green"]كانت بادره حلوه من المطعم[/COLOR]).

[IMG]http://www.50005000.com/Saffron/023.jpg[/IMG]

هذي ورقة الاستبيان.

طلبت من الجرسون يجيب لي الفاتورة و قلت له يحرص على الخصم عشان أجيب لهم أعضاء الإقلاع يأكلون عندهم ، و الظاهر صدقني لأنه سوا لي 10% خصم.

[IMG]http://www.50005000.com/Saffron/024.jpg[/IMG]

هذي الفاتورة

كان إجمالي مبلغ الأكل بعد الخصم بالإضافة لرسم الخدمة 220 ريال و اعتقد انه جداً معقول مقابل كمية الأكل اللي إنا و المعزبة طلبناه.

طلعنا من المطعم و كانت الدنيا بدت تظلم و ركبت سيارتي و رجعت للبيت.

[IMG]http://www.50005000.com/Saffron/025.jpg[/IMG]

هذا المطعم من برا في الليل

[COLOR="Red"]ملاحظات على المطعم:[/COLOR]

- ديكوراتهم جداً جميلة و متعوب عليها.
- في المطعم مجموعة من التحف الهندية الجميلة.
- أكل المطعم بصفة عامة لذيذ.
- لو فيه اصنسير يطلع للدور الثاني يكون أفضل.
- ضروري راعي المطعم يحط دورة مياه للرجال في الدور الثاني.
- الطاولة اللي انا كنت قاعد عندها كانت البوية متخدشة من إطرافها بشكل ملحوظ و الشي هذا ما كان زين بالمقارنة بجمال ديكورات المطعم.

[COLOR="red"]في النهاية انصح و بشدة اللي يحب الاكل الهندي انه يروح للمطعم هذا لان اكلهم من جداً لذيذ.[/COLOR]

لكم أجمل تحية[/SIZE][/FONT]