منتديات الفطاحله - محاورة ليلة الأربعاء 27 فيراير

المحاورة تمت صباح الأربعاء حوالي الساعه 1

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
المهاجر=
يقولون الزلامي ناوي بالعرس في آخر سنينه = واقول الرجل فولاذ لو قدم ما يصدي
ابلحق ابوزايد عساي اقدر بعد حينه = ولكن الزهر مكسور واقول اليوم مابدي
عبدالكريم=
الطرس عرّق يالزلامي جبينه=ودي على درب القوافي ينهدي
أحد(ن)على الصمان واحد(ن)بلينه=ياربعنا والله ماهي تحدي
المهاجر=
العرس مرسٍ للرجال السمينه = ومن قال انا عنتر اقول انت ياجدي
عبدالكرم=
نبغى البيوت الوافيات الرزينه=والمزح ليته ياجماعه يعدي
صنداح=
العود مزري مادرى والله انه يعينه = وانا عن الجزلات مابي تردي
المهاجر=
ماهوب بارودٍ ولا هو مكينه = المشكله اكبر بجزر ومدي
عبدالكريم=
العودلعرس يالله إنك تعينه=بيصد عنّا ولحياته يبدي
المهاجر=
كل الاناثي لو تفكر غبينه= وردٍ تحته الشوك يلسع بيدي
عبدالكريم=
دكتورنا ذاالليل عاود حنينه=لسنين راحته ليتها له نردي
المهاجر=
حلفت انا ما اعرس وربي ضمينه= إلا بدار الخلد والحور عندي
صنداح=
ياعود خل الهرج لطف وسكينه = تراك مانته قادرن للتحدي
عبدالكريم=
بعض النساء وتقول خوخ(ن)وتينه=معها ياكيف العمرسرعه يعدي
والبعض شوك ياجماعه بطينه=أوامره ياكيف لاماتردي
المهاجر=
ياعنترٍ بوش وراحت سنينه= البدي يلمع والمكينه تردي
صنداح=
تبي السعادة وانت حالك حزينه = مانته مش احد ولا انته مغدي
والبت تبغا واحد ويش زينه = وانته من الايام زيتك يندي
المهاجر=
كان السعاده في الحريم الضنينه= راح العمر ما بين صدٍ وردي
عبدالكريم=
كتبت قافي وانتقي من حسينه=وأقول ياعثمان مثلك يلدي
المهاجر=
اخذت من جماتها كل عينه = ولقيتهن ياخوك زيرٍ يندي
عبدالكريم=
من كان جازم ربيناله يعينه=لاهروج الليل لا ماتودي
المهاجر=
يروح عمرك بين جيمه وسينه =ولا كبروا الورعان تدفع بنقدي
ابومياس=
الليل روح والمخده ثمينة= والنوم هد الجسم ياناس هدي
عبدالكريم=
غلا الحطب والناس شبّت بكينه=والشام كله بدناأومابدي
صنداح=
البنك غلق مابقى به خزينه = والصبر غلق والزمان متردي
المهاجر=
يفدع بجسمك كاللغم في كمينه= وتفقد لعزمك وناظرك ما يقدي
عبدالكريم=
القل يرّث بالرجال الغبينه=والا البخيل المال بيده يعدي
المهاجر=
صنداح خطك لو مسكت يمينه = اشلى من الايسر ترى الأمر جدي
عبدالكريم=
بنات حواء لو ملو للمدينه=أعمارهن مابين جزر(ن)ومدي
صنداح=
ياهل الفهامه والعقول الفطينه = لا تاصلون الشي ماهوب ودي
المهاجر=
يجيك مطفوق ركب له لومينه = ويصدمك تقلب فوق خدٍ وخدي
عذرك معك مادام فيها دفينه = ويعينك اللي عان جدك وجدي
عبدالكريم=
يادرة(ن)بالكون عشتي ثمينه=العمريمضي والليالي تعدي
تزوجي يابنت وأرضي بدينه=ودرب السعد بالورد الكم يمدي
المهاجر=
رجلٍ بلا حرمه يضيع وجنينه = وبيتٍ بلياها على الطول هدي
صنداح=
بن خزيم اليوم خرج دفينه = عليك يالعود الكبير المصدي
المهاجر=
ولا من لقى اللي من عروقٍ متينه = يرفع عمد بيته بعزمٍ وشدي
صنداح=
التييلفون ان كان تسمع طنينه = حطه على اذنك ساعتين ويردي [/poem]