الروم
 

[poem=font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
محتار وأرجع في خيالي إلى الـروم =وأشبّهك يالغرب تنزح على قروم
طالع عراق الأمس ثم طالع اليوم=وين المصانع صدق وألادعايات!
قالوا يصنّع أسلحه شانها شان=تمسح شعوب الأرض ماتبقي إنسان
وحنا نمانع في قوانين وأركان=كيف العرب تملك قنابل وويلات
خايف على ربعه كلاب الصهاين=اللي عثوا بالقدس وحنا نعاين
جابوا جيـوش(ن)تحتمـي بالمكاين=والأرض تجرف والمفاعل على إيلات
كـل(ن)يشاهد برجكم يوم حدّر=والبيت الأسود أشهد إنه تكدّر
بـوش(ن)وكنه وسط ربعه مخدّر=يكذب وشعبه عارف(ن)ٍللسياسات
تمثالهم لاشك له وجهن أسود=حيثه على قهـرالبشـرقد تعّود
بـوش(ن) علامه بالكراسي مجوّد=يبغى زمام الكون ماظـن هيهات
الشرق الأوسط يسبح بوسط دمه=والكنقرس مرتاح ولا عاد همّه
خردة سلاحه العرب جت تلمه=وهويطوّر فكرته بالصناعات
تجديد تحديد الصواريخ لا وين=تحمي يهود(ن)ٍعاثيه في فلسطين
ذولا النصارى مرغمين القوانين=واللي معاهم مايعرف الخصومات
الملتحي يابوش يمكن أرهابي=زايربلدكم في مهمة خرابي
راقب خطوطه عل تلقى جوابي=خص الذي حافـظ جميع الصلواة
يكفي قهرياغرب يكفي تحدّي=بأرض العراق العلج أصبح مقدّي
ماهمه الا يذبح اللي معدّي=والحقد واضح ياذيول الحضاراة
الظلم هذا يابشر من يطيقه=بانت بيدنيا يالخواجه حقيقه
والغرب لمّع للسلام وبريقه=يكذب وكذبه في جميع المحطات
الدين ثابت يابشر مابه ميول=أصفا من عيون البحروأبيض اللول
مع الشريعه مامشيناعلى طول=بذنوبنا ساق اليهودي أهانات
بعض الشباب اليوم علّق قلاده=قلّد خشاش محليين الإباده
شعب(ن)ولكن ماعرف للسعاده=حيّن ويحسب مندفن بين الأموات
كلبه وريثه أشهد إنه مصيبه=أكبرهمومه يلتقي بالحبيبه
وأما حصل مطلبه نفسه كأيبه=راحت حياته ملتهي بالملذات
أبن العرب بالغرب لاشك منهان=بأمريكا اللي ميّلت كل ميزان
والناس كله مع قضـية حميدان=أرفع يدينك ناج رب السماوات
يـالله يامـنزل طيور(ن)ٍأبابيـل=ياحافظ(ن) بيتك من الجيش والفيل
تفرج عن اللي ظالمينه مخابيل=أهل الخناء والظلم وأهل التفاهات
قالوا أوربا منبع(ن) للحضاره=أكبرحكم قد طال ليله نهاره
واليوم كنه الحنش بالمغاره=وبليرساهم في حروب الإبادات
كم مسلم{ن} منهان في قنتناموا=يمكن ليالي بعضهم مايناموا
جزيرة(ن)وسط البحر قد أقاموا=لإبن العقيده هالسجن خص بالذات
وختامها صلوا على راعي الغار=محمد المبعوث في كل الأمصار
سيّرجيوشه ينشر الدين ماحار=بأمرك إلهي رافع(ن)للسماوات[/poem]

[size=2][B][align=center]
تقديري .[/align][/B][/size]

رد: الروم
 

الله الله الله يا اخ عبد الكريم

لامست جرح الامه و مؤرقات الشعوب

قصيده راااائعه فعلا و لك كل احترامي و تقديري ........

صح لسانك ولا هنت

رد: الروم
 

نبض الامة

كاد ان يصحوا من

هذه الابيات

ولكن تظل نائمة تلك

القلوب التي بليت بها

الامة


آآآآآآآآآآآآآآآآآآآآآآآآآآآه من احوالنا

ومن اوجاعنا

ومن ما آآآآآآآآآآلت اليه امتنا

بليت بكل متخاذل



عبدالكريم ايقضت الجرروح

ونزفتها دما


لله درك

رد: الروم
 

قـالـوا يصـنّـع أسلـحـه شانـهـا شــان
تمسح شعوب الأرض ماتبقـي إنسـان
وحـنـا نمـانـع فــي قوانـيـن وأركــان
كيـف العـرب تمـلـك قنـابـل وويــلات
خايـف علـى ربعـه كــلاب الصهـايـن
الـلـي عـثـوا بالـقـدس وحـنـا نـعـايـن
جـابـوا جـيــوش ٍتحـتـمـي بالمـكـايـن
والأرض تجرف والمفاعل على إيلات

//////////////

[COLOR="Blue"][B]تسلم اخي الشاعر تسلم
على هذه الرباعيه الزينه
وعلى ايضاح الحقائق لمن لا يعلم

تقبل مني تحياتي[/B][/COLOR]

رد: الروم
 

[B][COLOR="Blue"]ابن خزيم

انت ضمير حي

نص يبرز ما تمر به الامه العربية

من احداث يندى لها الجبين

صح لسانك وبيض الله وجهك

دمت بخير[/COLOR][/B]

رد: الروم
 

صح لسانك

قصيده وافيه

لاهنت

رد: الروم
 

صح لسانك اخي الشاعر عبدالكريم

لاهان راسك قصيدة راائعة

سلمت وسلم شعرك

دمت بخير

رد: الروم
 

عبدالكريم الخزيم
نحن من اوجدنا الثغرات ليتسللوا الغرب للعمق
اختنقت الشعوب العربية ازهقت ارواح وستزهق ارواح اخرى
ونحن مازلنا نردد الغرب سبب دمارنا سرقوا الآمان والسلام منا!!
لنكن يد واحدة ولنتحلى بالشجاعة كما كنا في سابق عهدنا
قصيدة اثارتني
صح لسانك

رد: الروم
 

ابن الامه الشاعر الفذ / عبدالكريم بن خزيم
ما اجمل الشعر الذي تكتبه النابع من غيرتك على هذة الامه
لاحرمك الله الاجر 00 ولله درك ايها الشامخ ولنا دررك
سجل قوافل اعجابي بحروفك المشرقه وكلماتك النيّره
ودم بسمو يشبهك 00مع تحياتي وفيض ودي
أخوك / بن ماضي

رد: الروم
 

ابن خزيم

قصيده رائعه تحمل المعاناة الواقعه

لاهنت على هالطرح الرائع الحي

صح لسانك

تحياتي