منتديات الفطاحله - صوت وصدى --(( سعيد الشهراني

[size=5][align=center]--(( قصيده من الشاعر: سعيد محمد فلاح الشهراني ))—[/align][/size]

[poem=font="Simplified Arabic,5,black,bold,normal" bkcolor="transparent" bkimage="backgrounds/48.gif" border="ridge,8,burlywood" type=1 line=0 align=center use=ex num="0,black"]
ابدا بذكر الله قبــــل بـــدع الامثال=هذي بدايــة كــــل شــــاعر مثالي
ثم ابتدي وابحث عن اعلوم واقوال=والله يقدينـــــي لـــزيـــــــن المقالي
وســــــلام من قدام ويمين وشمال=غرب وشرق ومن جنوب وشمالي
للشاعر اللي ماوصل منه مرسال=ودي يجـــــاوبنـــي ومنـــي يسالي
الشاعر اللي حكمته تشرح البال=اخ ورفيــــــق وخـــوته شرح بالي
مثل الجبل واشعاره تقول شلال=سعد الخــــوي ويشـيل مالا يشالي
تلقاه في درب النواميــــس بتال=في الاولـــه تلقـــــاه ماهــــو بتالي
تاجر ولو ماعنده بجيـــبه ريال=عنده ذهب مع مـــاس مع كسترالي
وراثة من بـــوه والجــد والخال=هـــــــذي حقيــقه والحقـــيقه تقالي
وافي كريم ومحترم سّــيد ابطال=بالفعل يطلع فــــوق والراس عالي
وان قلت منهو قلت ذا ماله اشكال=مثل الجــدي وسهيل حول الهلالي
وروس النوايب له مرب ومنزال=يحيــــل ويـــــزول العداء مايحالي
وان صار يوم فيه فارس وخيال=يحضــــر معك لو طال يوم القتالي
بو خالد ياجعل يفديه الانذال=راعي الوفاء والطيب بين الرجالي
اسد في غيبته واقـــــوم واحتال= وان غبت انا ســـد اللــوازم بدالي
وصلاة ربي عد ماهــــل همال=واعداد ماتنشــــــي مزون الخيالي
على شفيع الخلق في يوم الاهوال=نبيـــنا يفــــــــداه روحـــــي ومالي[/poem]

[color=#00008B][size=5][align=center]الشاعر : سعيد محمد الشهراني[/align][/size][/color]

[size=5][align=center][color=#FF0000]مجاراة ابو خااااااااالد[/color]
لقصيدة الشاعر : سعيد محمد فلاح الشهراني[/size]
**********[/align]

[poem=font="Simplified Arabic,5,black,bold,normal" bkcolor="transparent" bkimage="backgrounds/47.gif" border="ridge,8,burlywood" type=0 line=0 align=center use=ex num="0,black"]
يامرحبا تــــرحيبة عطـــرها فال=فال الرجال اهل الخصال الجزالي
اللي لهم بالطيب صولات وافعال=والــــرايه البيضاء بروس الطوالي
ترحيب مايرســل رسـاله بجوال=واحلى مــن البــان البــكار الزلالي
واحلى من احلى شي يطري على البال=بالشـــاعر اللي كل ما ابطيت جالي
شاعر علم يبهرك في كل الاحوال=من كــثر حبــــي له رفعت العقالي
لك خوة ياســـعيد تشــرا بالاموال=جعل الفــــرح والطيب فالك وفالي
اكبر فرح يقاس بعيــــون الاطفال=واكـــــبر سعاده شوف غالي لغالي
واخـــر لقا بيني وبيـــــنك بشوال=ياعــزوتي يصلب جـــــدي وخالي
يوصلك ربي مثل ماجيت وصال=الله يوصل مــــن يحـــب الوصالي
احلى القصايد شطرها الاول بال=وتزينت بالشــــــطر الاخـــر بالي
ابيات شـــعر مثــــل بن بفنجال=في تختخ ممطـــور والجـــو خالي
في موقع مايشتغل فيه الارسال=المنظــــر اللـــي مايفــارق خيالي
من شاعر حبـــه بقلبي ولا زال=يبقى مــــع الايــــام حبـــه لازالي
له خــــوة ماظن تذكـــر برجال=لاما نخيــــته فــــز لــي وانتخالي
والنعم ياللـــي للمناعـــير مدهال=يجود بالموجــــود ياوجــــد حالي
حلحيل لصعاب المواقيف حلال=الموت يــــرده والمنـــــايا يصالي
مايتقي من خوف او ينسحب ذال=ســيف بـــريع بالمـــــواجه يلالي
يفزع معك لاصار حرب وهلال=صنتيت شـــيال الحمـــول الثقالي
غير الزمن قاسـي وويذبح ليامال=من خانتـــه الايــام ســهر الليالي
وقت تسيد فيه خايـــــن ومحتال=والســـيد اصبح عبد والعبد والي
وقت قسى لفــــراحنا عمد يغتال=ولو تنشده يقــــــول مالك ومالي
ماعاد لك بالشمــس ياقلب مقيال=لاتحــــترق بالشمس دور ظلالي
بعد الدهر يمكن يجي نو وخيال=يسقي الديــــار المسنيه والجبالي
وينبت بثر ســـيله حياها لياسال=وتشوف في دنيــاك منظر خيالي
ويغــــرد القمري وتزداد الامال=ويعود لي بعد الخســــاره حلالي
واجــــرمن بعد المعانـــاه موال=والدندنـــــه والسامــــريه ولالي
وبعد الفقر تاجر وشاعر وجمال=واشــــــيّد قصور من اول هيالي
ويسجل التاريخ وتشوف الاجيال=ان الــــزمن دوار مثـــل المحالي
العلم واضح مايبي هرج وجدال=في ذمتي ماشفت في الارض سالي
وصــــلاة ربــي دايم فال وعقال=على شــــفيع الخلـق عند السوالي[/poem]

[size=5][align=center]ابو خااااااااااالد[/align][/size]