صباح الرضا
 

تعالي هزّي ،، أغصان القريحة ،، هزة ٍ بالهون
خذي مالاق ،، من جزل المعاني واتركي الباقي
تعالي أشعلي ،، شمع الأمل ، يالطاير الميمون
تعالي ،، انثري ،، نفح العبير ،، بعطرك الراقي
تعالي فكّي أصفاد الأسر ،، من كاحل المسجون
و روفي بحالة ،، اللي ينتظر إذنك ،، بالإطلاقي
بعد صدّك و هجرك ، ما بقى للشرب طعم ولون
وصار الزاد من كثر الشقاء ،، ما هو ، بينذاقي
أهدّي ،، ثايـر العبرة ،، وعيني ،، تنثر ، المخزون
وبين الرمش و الوجنة ،، أكفّكف ،، نزف الآماقي
مدام الموت سنّه ، وش حدا بعض العرب يبكون
إذا جت سكرته ، والتف ،، ساق ٍ من على ساقي
يطيب الوقت لك ساعة ،وساعات ٍ يضيق الكون
ومهما ، طابت ،، الأيام ،، فيها ،، لحظة ،، فراقي

محمد بن عمار

رد: صباح الرضا
 

[quote]يطيب الوقت لك ساعة ،وساعات ٍ يضيق الكون
ومهما ، طابت ،، الأيام ،، فيها ،، لحظة ،، فراقي
[/quote]

ابداع متواصل ياابن عمار
شكرا لك
تحياتي

رد: صباح الرضا
 

[color="darkred"][size="5"][font="arial"]
كتبت فأبدعت واجزلت
صح لسانك ولا هنت
تحياتي الطيبة
[/font][/size][/color]

رد: صباح الرضا
 

صح السانك بن عمار
ابدعت لافض فوك
ولاهنت

رد: صباح الرضا
 

صح لسانك ابا عبدالعزيز

ابدعت

لاهنت

رد: صباح الرضا
 

يطيب الوقت لك ساعة ،وساعات ٍ يضيق الكون
ومهما ، طابت ،، الأيام ،، فيها ،، لحظة ،، فراقي

جزل يابو عبدالعزيز
ومافيك حيلة وصح لسانك مدد