منتديات الفطاحله - من لم يمت في حادث او بكرونا

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - من لم يمت في حادث او بكرونا (http://ftahilah.com/showthread.php?t=172342)

من لم يمت في حادث او بكرونا

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
من لم يمت في حادث او بكرونا = والا برصاصه طايشه بين ثوار
والا ببرميل رماه المجونا = من طائرات جات من غير انذار
تتعدد الاسباب من كل لونا = فشعب العرب في نقص مع وقت الاخبار
يعني كذا والا كذا بكل هونا = ما عاد للعربان بالكون من كار
يقتل بعضهم بعض جهل وجنونا= ويبيع واحدهم هله بنصف دولار
فالغرب خطط دونما يدركونا= فرق تسد مابين مسلم وكفار
مسلم يجاهد عن جهل بالمتونا= ممن يراهم خالفوا دين الاخيار
فمن خالفه بالراي خيّب ظنونا= قتله وجوب ولا يبي شور من شار
الا مشايخ بالفتاوى ابتلونا= من غيرعلم وبعضهم صار سمسار
شراه من يدفع فهو له زبونا = وبعد الفقر تلقاه قيدوم تجار
ماهمه انه للعقيده يخونا = ولا همه اللي صار من قتل واضرار
يخدع شبابٍ ليّنٍ كالغصونا = يوعده بالجنه وحور وانهار
ولا وخذ واحدهم لأحد السجونا= قام يتبرا منه في سر وجهار
الى متى وهالعينه يخدعونا = الى متى وهم ياخذوا ديننا ستار
لابد من وقفه بها يعرفونا = انا كشفناهم فهم شر الاشرار
من خان دينه والوطن من يكونا= ماهوب منا ولا نجله بمقدار[/poem]