غمرة الوقت
 

[poem=font=",6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
يالله يامنشي سحابٌ وهمال=والليل واسراره وسحر الغروبي
ومسير الافلاك ومغير الحال=اغفر لي الزله وجملة ذنوبي
ماعادني قاوي على حَمل الاثقال=الجسم ناحل والمنايا تنوبي
اشقيت روحي بين هقوات وامال=اضحك مع الايام واخفي شحوبي
واليوم جاني من هوى البال مرسال =نقض جروحي واحتوتني الهبوبي
اقبل وانا بين المدارات ! مختال=مصوّب النظرات بالحيل صوبي
وارسل سهومٌ غايره فوق الاحمال=اللي زماني ساقها لي غلوبي
من قبل يسقيني الصبابه بفنجال=ذاب الحلى والمر في وسط كوبي
وتعانقك نبضات وانفاس وانفال =مابين خفاقه وصدرٌ رحوبي
لكن ما اسرع ! قبل تصنيف الامثال=قفل مواويل الامل في دروبي
وارتاع من لمحة عيوني بمدهال=وانا معه في غمرة الوقت دوبي
شرع لي الغمره مع طولة البال=واشعل بها بين الحنايا لغوبي
قلت العفو !! ماني للاسباب ميال =اعرف شراب الكيف والقى شروبي
واقطف زهور الوجد بايمان وشمال=والى حداني الوقت غيرت ثوبي[/poem]

رد: غمرة الوقت
 

ياسلام عليك
مبدع ورائع
تحياتي لكم

رد: غمرة الوقت
 

[color="darkred"][size="5"][font="arial"]
صح لسانك
جزل ومتمكن
لاهنت
تحياتي وودي
[/font][/size][/color]

رد: غمرة الوقت
 

امتعتنا بهذه الرائعه
صح السانك الوف

دمت بمودة

رد: غمرة الوقت
 

ابداع وجمال وجزاله
صح لسانك
ولاهان راسك
مع أطيب تحياتي

رد: غمرة الوقت
 

صح لسانك مليوون يا بو نواف

ابداع لا حدود له يا مبدع

يسلم حرفك و معناك و صح لسانك مدد

ولاهنت

رد: غمرة الوقت
 

صح لسانك يابونواف

جزله من راس جزل

تحياتي لك

رد: غمرة الوقت
 

صح السانك ملايين
جزلة من جزل
الله يعينك
لاهنت

رد: غمرة الوقت
 

منيع

تشرفت بمرورك وجمال حضورك

كل الشكر والتقدير

تحياتي لك

رد: غمرة الوقت
 

الطائر المهاجر

حضور مميز

ومرور رااائع

شكري وتقديري