بالصوت\\بلادي ماحميناها بسورن مثل سور الصين
 

[frame="7 80"]

--------------------------------------------------
بالصوت\\بلادي ماحميناها بسورن مثل سور الصين

--------------------------------------------------------------------------------



بالصوت\\بلادي ماحميناها بسورن مثل سور الصين

--------------------------------------------------------------------------------

هذه القصيده القيتها بين يدي سيدي الملك عبدالله بن عبدالعزيز في قصر السلام بجده

ويسرني ان اهديها لكم بالصوت عند القاها بين يدي خادم الحرمين الشريفين الملك عبدالله

في 13\8\1426
اتنمنى ان تحوز على رضاكم تحياتي للجميع اخوكم\ثواب زيد الحارثي\الحرس الوطني
هذا الرابط للاستماع
[url]http://www.mshaheer.com/dewan/thwab.3gp[/url]

تحياتي ,,,للجميع

[/frame]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا البارح بعد ليلي سرا وامضى منـه ثلثيـن=طلبت الله يحقق مبتغـى مـن طالـت همومـه
على هذا المكان اللي كما نـوره نجـي باديـن=أنول أعلى شرف وأبدي ونار الشوق مشعومه
وتحـرك للمحبـة والـولا بقلوبنـا عرقيـن=تعبرها الحروف اللي من الأشـواق منظومـه
نجدد مـن ولانـا بيعـة الإخـلاص للركنيـن=لبو متعب وابو خالد منـار المجـد ونجومـه
نبايعهم على الدين الحنيف وعاشوا الأخويـن=سلالة من بنى الصرح العظيم ثبـت رسومـه
ولو الشعر يوفي حق أبو فيصل كتبنـا ليـن=نوفي حق من مجّـد بـلاده واتعـب خصومـه
ولكن يرحـم الله مـن تفانـا للبـلاد سنيـن=عسى روحه ما هي من رحمة المعبود محرومه
سلام الله سلام له مكـان ولـه زمـان وحيـن=سلام ودام راس اللـي يعـز الحفـل بقدومـه
سلامٍ عـارفٍ منصـاه غالـي قـدر للغاليـن=بعد نور الفرح شعـش علينـا وابتـدا يومـه
منصا من صدق ذات وعلى الأقصين والأدنيـن=أزف اسمى تعابيرٍ عـن التقصيـر محشومـه
بعد هجرس بها الصدر الوسيع ومرحبا وأهلين=عدد وبل الغشين اللي يهل وتسبـح اغيومـه
هجوسي ما يهيضها حمام الورق لـو أيزيـن=بصوتٍ شاديٍ لحنـه وصافـي جـوٍ يحومـه
يهيضني وقوفي وامتثال العـز بيـن أيديـن=مليكٍ ما تغيـر فـي نهـار الشـدة عزومـه
حبيب الشعب أبو متعب لاجت وحده من الثنتين=طناخة راسه الراسي تخل الـروس ملخومـه
أبو متعب ذر اللي يشكي الظلم ويشوف البيـن=مليكٍ مـا تعـداه المواقـف غيـر محسومـه
أبو متعب لاجا اليوم العبوس القمطرير الشين=نشوف العز بحجاجه يلـوح وللسعـد قومـه
أبو متعب عما عين الحريب ومزبـن اللاجيـن=صليب الرأي يا شر النفوس اللي بهـا زومـه
ملكنا اللي لعدوانه يكيـل الصـاع بالصاعيـن=سنام المجـد عـداه ابدهـاه وحقـق أحلومـه
يمكن كل مظلـومٍ شكـا لـه مظلمـة تمكيـن=ويضفي به كما يضفى على العريـان بهدومـه
وأبو خالد بجنبك تاجده فـي عسـر ولا ليـن=أمدله كل نفس من صدوف الوقـت مضيومـه
أبو خالد تدون له مواقيـف الشـرف تدويـن=ومشاعرنا تدافع لـه وفـا ماهيـب مرغومـه
ولي العهد عدٍ مورده يقطـع ضمـا المضميـن=وصورٍ للوطن حصنٍ عيـون أعـداه ملطومـه
إلهي نطلبك عونك ولا غيـرك ولـي ومعّيـن=تعـز المسلميـن ودولـةٍ بالشـرع محكومـة
وتكفينا من شرور الضلال ومن غلـو الديـن=ليا بُليت جهاهيـل العـرب بفكـار مسمومـه
بعد دارت رحى الدنيا وشفنـا فعلهـا بالعيـن=دفعنـا ارواحنـا للمـوت والأقـدار محتومـه
لجل أمن البلاد اللـي حكمهـا خـادم البيتيـن=ولا زال الوطن شامخ ينـال المجـد ويرومـه
على أرضه كم طوا البيدا قدم حافي وخف وقين=مناعيـر مذاهبهـا علـى العيـرات محزومـه
نعـم كنـا ولازلنـا ومـن زل تهـاون هيـن=وحنا شعب مـا اختلفـت تقاليـده ولا سلومـه
على شبه الجزيرة والعروبة بالـذرا مضفيـن=نزّبن من نضانـا والحريـب انضّيـع علومـه
وهل التوحيد حنا كالجبال الشامخـة راسيـن=حقوق الرجل فينا وافيه مـا هيـب مهضومـه
نحكم الرأي لا منه غـدا رأي العـرب راييـن=نخوض البر زحفٍ لو محيط الأطلـس نعومـه
تجندنا لجل عز الوطـن يـا بنـت لا تبكيـن=من عدانا يرّبـع كـل ذيـب وياجـد اطعومـه
جنود فالقسا نسمى سما مثل السمـاء ساميـن=يسمى باسمنا الاسـم وأسامينـا لهـا هومـه
رجالٍ حلمنـا دايـم وسيـع وفاللقـا صلفيـن=عوايدنا الشموخ ونعتلـي والغالـي انسومـه
لنا روسٍ يسكرها الغضـب والكايـدات اتليـن=وينعشنا هوى نجد العـذي ولفحـة اسمومـه
تربعنـا علـى دارٍ موانيهـا علـى شطـيـن=بـلادٍ مـا خذيناهـا بوزعـة ورث مقسومـه
وطن ما هو عقيم وينجب ملـوكٍ تفـك الديـن=فعايلهـا نعاينهـا علـى الواقـع ومعلـومـه
مواقفنا مواقف صاملة ما هيـب بيـن وبيـن=مواقـف مـا يحرفهـا هبيـلٍ مـد حلقومـه
على فكر الضياع ومن عطو مع ساقته مخطين=وجميع أيامكم يـا عالـم التضليـل مشئومـه
ألا ياللي سريت ابمحملك يوم العـرب ممسيـن=سريت ابليلـةٍ ظلمـا بهـا الأنـوار معدومـه
وقردك الله وصادمت الجبل يا الوعل أبو قرنين=توسدت الوطـا وقرونـك الثنتيـن مصرومـه
ألا يا المحمل التايه بسـم رب الخلايـق ويـن=سألتك وين متوجـه تـرا وجهتـك منجومـه
فجعت الطفله اللي هلت الدمعه علـى الخديـن=تخايل دم أبوها طفلةٍ فـي حضـن مضمومـه
نواياكم عرفناهـا وقلنـا يـا بشـر غاديـن=وتماديتو وطحتوا طيحةٍ مـا هيـب مرحومـه
دخلتو بين لحيان الجمل ثـم أطبـق اللحييـن=ولا زال الجمـل لمقـرد العربـان لا هـومـه
نعرفك محمل الفكر الدخيـل وزمـرة الباغيـن=وجراثيم البشر عنا تمـوت بمـوت جرثومـه
ولا يدرك عواقيب الأمـور ألا ذكـي وذهيـن=ويجهلها الغبي اللي بعدمـا فـاق مـن نومـه
يدور الوقت باحداث الزمن والخافيـات اتبيـن=وطبع النفس عن فعل الخطا ما هيب معصومـه
ولكن التمادي ما لـه ألا السيـف أبـو حديـن=وحربة حق في فج النحر والصـدر ملحومـه
لا سار الجيل مع نهج صحيح أصبح كما هاتين=ونقـراه بعبـارة واضحـة معنـى ومفهومـه
يغيّر في معانيها السكـون وهمـزة التنويـن=وتصير حروف مسكونة محل حروف مدغومـه
وبلادي ما حميناها بسورٍ مثل سـور الصيـن=بلادي سوره إرجالٍ بصـدق إيمـان مدعومـه
مداغيش العيال اللي فتوق اطعونهـا شبريـن=مداغيشٍ بحب الـدار وأهـل الـدار مغرومـه
إلهي نطلبك عونك ولا غيـرك ولـي ومعيـن=تعـز المسلميـن ودولـةٍ بالشـرع محكومـه[/poem]

يامرحبا والله ومسهلا بالشاعر الكبير ثواب بن زيد الحارثي
مصافحة اولى ولا أروع
صح لسانك مليون قصيدة جزلة من راس جزل ،،، لايمل من سماعها
لاهنت يالغالي ونتمنى تواصلك العذب
تحيتي وتقديري

صح لسانك اخوي الشاعر ثواب قصيدة جزلة لاهنت
ومرحبا بك بيننا تحياتي

هلا ومرحبا بك اخي الكريم والشاعر القدير / ثواب
في محلك وبين اخوانك واخواتك في منتدى الأسرة الواحدة
التسجيل لم يعمل لدي ، فاضطريت أن اضع النص مكتوباً
حتى يقرأه من لم يستطع الإستماع مثلي
صح لسانك وبيض الله وجهك
ولي عودة تليق بهذا المقام
ارحب يالغالي
تحياتي الطيبة

ثواب الحارثي

صح بدنك .. مشاعر صادق

وللوطن جزيئات في دمائنا

ثواب / سجل اعجابي ومتابعتي

ابداااااااااااااااااااااااااع حتى الثماله


لا هنت


اخوك / ماجد

بن زيد الحارثي

التعليق على مثل هذه الرائعة يفسد الإستمتاع بها

صح لسانك مليون ولايسدون

ودمت طيب

صح لساااااانك

ابيات وقصيده جميله .. يعطيك العافيه :)


تحياتي لك

الشاعر ثواب الحارثي ..

سعدت ُ بمشاركتك معنا في هذا الصرح

قصيده جزله من راس جزل .. صح لسانك وسلم قلبك

الشاعر ثواب الحارثي ..
حياك الله معنا في منتداك
وصح لسانك الجزل وعاش راسك

رد: بالصوت\\بلادي ماحميناها بسورن مثل سو
 

ترفع لمزيد من الردود
التي تستحقها
صح لسانك
ولا هنت
تحياتي