منتديات الفطاحله - قصيدة شاعر يعترف ويخاطب العريس بعلاقته بالعروسه ليل الزفاف

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

قصيدة شاعر يعترف ويخاطب العريس بعلاقته بالعروسه ليل الزفاف

[FONT="Arial Black"][SIZE="4"][COLOR="Sienna"][B][frame="7 80"]أبد .. ما جيت ابارك لك ولكن جيت باوصّيـك

على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك.. وحدّت محاكيك

قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني.. لجـل تعطيـك

كذا لازم عشان تفوز إنت .. اخسـر بتجربْتـي

تراها غاليـه جـداً .. وتكفـى .. والله يخليـك

تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك

ولا تسأل بأيـة حـق.. ولا ّ .. وش مناسبْتـي

لإنك لو بتسألني بتسمـع شـيء مـا يرضيـك

لذا ياخوي لا تسـأل .. ولا تسمـع لأجوبْتـي

أبيك تحطها في داخـل عيونـك وبيـن ايديـك

وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك

وشاغبها إليـن تقـول لـك: بطّـل مشاغبْتـي

واذا هي مالها خلقك.. ولا تضحك.. ولا تسلّيك

تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربهـا وهـي تشكيـك

ما يحتاج اورّي لـك بفـن الضـرب موهبْتـي

صحيح انك بتملكهـا ومعـك العقـد بالتمليـك

وانا عارف حـدود الله ومـن حقـك معاقبْتـي

ولكن قلّها "المجنـون" وصّانـي وهـو يعنيـك

يقول انّـه بينتظـرك ولـو شيّـب.. وشيّبْتـي

وانا مجنونها اللي ما نساها وانـت مـا يمديـك

تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضـب حاديـك

لو انّك في مكاني مـا تفكـر فـي محاسبْتـي

كفاك اني تركت الليله اشغالي.. عشـان اجيـك

دخلت القاعه برجلي ولا ادري ويـش عاقبْتـي

وانا ما جيت اخرّب عرسـك الليلـه ولا أذّيـك

أنا جيتك عشان اخاطبـك واسمـع مخاطبْتـي

توصّى.. وانتبه.. واحرص عليها.. والله يهنّيك

ترى كل الكلام اللي طلَع من ضيقـيَ.. وكبْتـي

ولكن ما قدرت انّّي أقوله وانـت مـا يخفيـك

أخاف انّـي إذا قلتـه تقـوم وتقطـع رْقبْتـي

للشاعر محمد الشهري[/frame][/B][/COLOR][/SIZE][/FONT]

بواسطة سعد الحويماني

رد: قصيدة شاعر يعترف ويخاطب العريس بعلاقته بالعروسه ليل الزفاف

[COLOR="DarkOrange"]صح لسان قايلها ،،،

قصيده رائعه ،،

الف شكر لك ،،

دمت برعاية الخالق ،،[/COLOR]

رد على: قصيدة شاعر يعترف ويخاطب العريس بعلاقته بالعروسه ليل الزفاف

صح السانك والسان قايلها رائعه

رد: قصيدة شاعر يعترف ويخاطب العريس بعلاقته بالعروسه ليل الزفاف

صراحة لو أنا بمكانه الله لا يقوله كان عطيته البشت والعقد وطلعت

رد: قصيدة شاعر يعترف ويخاطب العريس بعلاقته بالعروسه ليل الزفاف

[align=center]بصراحه اخوي تركي قصيده
فوق الخيال والله لايقوله
ولااحد يلومك ومشكور
اخوي سعد الحويماني[/align]