|
ديوان عبدالله الشويمان (الرعد)
[URL="http://www.ftahilah.com/showthread.php?t=7027"]قصيدة القادم من العام حنا انتحراه[/URL]
[URL="http://www.ftahilah.com/showthread.php?t=7033"]المملكه في عزة الله[/URL] [URL="http://www.ftahilah.com/showthread.php?t=6852"]المسرحية[/URL] [URL="http://www.ftahilah.com/showthread.php?t=6775"]مبروك يا المسلم[/URL] [URL="http://www.ftahilah.com/showthread.php?t=6660"]قم جهِّز العزبه[/URL] [URL="http://www.ftahilah.com/showthread.php?t=6583"]رنات الجراسي[/URL] [URL="http://www.ftahilah.com/showthread.php?t=6089"]أثر الطيور الها ملوك[/URL] [URL="http://www.ftahilah.com/showthread.php?t=6063"]النور نورك[/URL] [URL="http://www.ftahilah.com/showthread.php?t=6025"]تجميع فرسان القصيد[/URL] [URL="http://www.ftahilah.com/showthread.php?t=5991"]عصب عمري[/URL] [URL="http://www.ftahilah.com/showthread.php?t=5958"]الله فوق كل شيئ[/URL] [URL="http://www.ftahilah.com/showthread.php?t=5904"]ورد غب البحور[/URL] [URL="http://www.ftahilah.com/showthread.php?t=5486"]ألا يا زمن راح العمر [/URL] [URL="http://www.ftahilah.com/showthread.php?t=5628"]حذرا عباد الله[/URL] [URL="http://www.ftahilah.com/showthread.php?t=5723"]قصيده ورد[/URL] [URL="http://www.ftahilah.com/showthread.php?t=5878"]يمهل ولا يهمل[/URL] [URL="http://www.ftahilah.com/showthread.php?t=7131"] ملاحظات وتبيان [/URL] [URL="http://www.ftahilah.com/showthread.php?t=7461"]دمـــعــــات الــعـــيـــون [/URL] [URL="http://www.ftahilah.com/showthread.php?t=7755"]شفِّي على شفِّك [/URL] [URL="http://www.ftahilah.com/showthread.php?t=7642"]ثياب المسبه [/URL] [URL="http://www.ftahilah.com/showthread.php?t=7530"] هجوس الشاعر [/URL] [URL="http://www.ftahilah.com/showthread.php?t=7989"]رهين الحلم[/URL] [URL="http://www.ftahilah.com/showthread.php?t=7775"]يا بال انس الهم [/URL] [URL="http://www.ftahilah.com/showthread.php?t=8016"] ندااااااااااااااااااء [/URL] [URL="http://www.ftahilah.com/showthread.php?t=8228"]الحـظ للـي كـل حسـنٍ يـدره[/URL] [URL="http://www.ftahilah.com/showthread.php?t=8442"]سود الله وجه من قلبه حضن شر وحقاره [/URL] |
رد: ديوان عبدالله الشويمان (الرعد)
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
((خاطره)) شفت الزهور.. اللي هناك ملونه.. يا عيني.. في وسطهن ورده زهت بالوانها.. هذيك هي.. مفتولة الغصن الرطيب المردنه.. هذيك هي سلب العقول.. ايضا بعد وجنانها.. يا عيني..فيها الصبا.. فيها الصفا.. فيها الندا.. وفيها بسبب الله شفا.. لكل الجروح.. منها تفوح..طيب الروايح..ومنها يجي حلو العسل.. آه..اغار انا من النحل.. والوردة اللي زاهية وسط الزهور الملونه.. يا عيني.. وعليَّ انا فات الأوان..ما عاد يمدي قطفها.. الورده االي شفتها.. هذيك هي.. سلب العقول ايضا بعد وجنانها ///////// ((خاطره)) حرامي..حرامي سألت وقلت وين انتي؟ بكل ادروبي وين انتي؟ سألت الصبح المقبل سألت المغرب المقفي سألت وقلت وين انتي؟ ايبله قلت وين انتي؟ فقدتك من خذك مني وشفتك في حسب ظني مع الجاير على الطاير خذاك وصرت انا انوحي على روحي وعليها تنزف اجروحي حرامي..حرامي هو اللي سارقٍ روحي ترى الجاير على الطاير هو اللي سارقٍ روحي ///////// ((همسه)) وش فيك قلِّى حبيبي وش فيك ؟.. أجاك الخطا مني ونا مدري؟ وش فيك ؟.. ألا تبدي الاسرار وتعلنها؟ ***** *** وش فيك ؟.. سببت لي ضيقات في صدري! وش فيك ؟.. أما تدري ان النفس يحزنها؟ ***** *** وش فيك ؟.. محتار انا في غفلتك بدري! وش فيك ؟.. أما ترحم بحالي و توطِّنها؟ ***** *** وش فيك ؟.. قلّي حبيبي يا بعد عمري... وش فيك ؟.. كان الغلا لك ناقص اعلنها؟ ***** *** ////////// ((همسه)) اراعى للنجوم اللي رفيعاتٍ منازلها=وادير الفكر بالدنيا الين الراس جاه صداع وش اللي صار وكيف الناس تبدل في عمايلها=عقب كانت على مبدا وتمشي به شبر وذراع انا مدري قلوب الجيل الاخِر مع بصايرها=لعلوم المرجله نسيت او انه للعمى تنصاع قطاعة يا الله الخيره وبعض الجيل حاملها=طفت عيعات عيعات المنادي وكل شيٍ ضاع ///////// ((همسه)) يامن على مضجاعٍ ابيض تعاني=صلف المرض أَطلب عسى الله يشفيك ياخوي يابن العم عضل الزماني=تقدير رب الكون علام وش فيك لا تشتكي ضيم الدهر والليالي=خلك قوي باللي عيونه تراعيك خلك على الايمان فيما تعاني=واصبر على الاقدار الله يرضيك صبرك أجر ومطهِّر الذنب عالي=والعالي الله اطلبه ثم يعطيك سبحانه اللي من ترجاه نالي=نال السعادة والاماني وتبريك ///////// ((خاطره)) عذرا بها عيني شخصت من حلاها=غصبٍ عليها قلت عيني معذوره صلَّب معاها الفكر حتى نواها=وبسجته قلبي تحرك شعوره من غير مدري جبت جهدي وراها=يا شين سحرٍ يفقد العقل طوره القت علي نظرة وفي محتواها=وش فيك مثل اللي مصابٍ بدوره قلت الجمال اللي بعينك تباها=ومن نظرتك لي بالسهوم الجسوره قالت اجل لو تعلم اللي سواها=كان الضرر من سبتي ذقت جوره يا عين ابوها ضامنة في غلاها=تبيني اغرق في هواها وبحوره ///////// ((خاطره)) يا بدايات النهاية وش تغيربالبداية؟! يا بداية كم فقدنا من بدايتك العناية كم لقينا من نهايتك الشقاية ما يهم ان جت بداية ما يهم ان جت نهاية . البداية..ناقصة النهاية..ناقضة . البداية..كيف ما كانت فلا تكتب نهاية النهاية..كيف ما كانت فلا تكتب بداية والنهاية كيف ما كانت تكون وش تغير بالنهاية؟! لا رواي ولا ضمايه لا شفاي ولا دوايه يا نهايات البداية وش تغير بالنهاية؟! لا حكاية لا رواية ////////// ((همسه)) الفلج مـن مجموع الافـلاج ينبوع=غزيـر مـاه وسـايغٍ مـع عـذابه عسـاه دومٍ نـابعٍ ما بـه قـطوع=يـروي كـبود الوارديـن لـشرابه ان غار قلنا يالله تعيده يـفوع=وان نار تسقي منه مزون وسحابه ينبوعنا ما عنه مغنا ولا رجوع=كل الضمـا له والعـطش والرحابه ///////// ((خاطره)) يا رب تقبل طلبتي يالله يا مسهِّل امورٍ عسيرات=سهل امور اولادننا والبناتي اقبل عليهم موعد الاختبارات= اللي بذل مكِّنه درب النجاتي يارب ساعدهم بحفظ القراءات=صح العقول اِلهُم تجي فاهماتي من جد وابدا الجهد في كل الاوقات=لا تخيِّبه يا الله بالمقبلاتي عسا النجاح فوالهم والشهادات=تحملهم العالي الرتب بالحياتي ويارب تقبل طلبتي في هالابيات=يا القادر اسمع طلبتي والرجاتي ////////// ((خاطره)) يا عين 00 راحت سنين وجت سنين ما فادت اللي بالـضنا من هـجر خـلٍ له تزين راحت سنين وجت سنين 00 يا عين كفي بـكا لا تـشتكين يا عين ياللي تسكبين الـدمع فوق الوجـنتين كفي بـكا لا تـشتكين 00 يا عين في ذالنياحة وشتبين حيث الـذي تـهوين أقفا قـاسي وعـيا يـلين في ذالنياحة وشتبين خلِّي الزعل لا تزعلين 00 يا عين انـسي غرابيل الزمان انـسيه لا..لا.. تحزنين خَلِّي الزعل لا تزعلين 00 يا عين..يا عين ///////// ((همسه)) حرك احساسك يا نما ياللي لغيرك ما تعير=اهتمامـك لا يـجي نـاقص عقيم الـتفت يمنى ويـسرى بالمسير=حـرك احساسك يجي عقـلك فهيم لا تــكبر الـكبر للـي كـبير=والكـبير الله ولا غيره عظيم الطغـا ويا البطر مافيه خير=لا يغرك وقــتك الليبه تـهيم يا نما لا ..لا يجي فكرك ضرير=عامل الانسان عـملات الكريم المماشي بـالغرور امـرٍ خـطير=من مشاها خوفي يهوي بالجحيم والانـانية تـرى طــبعٍ حـقير=والحقير اللي يجينا منه ضيم افهم المقصود ياللي له اشير=كـان راسـك فيه مخٍ جـا سليم /////////// ((همسه)) يا جليس الخير.. لحظة.. بس لحظة لو سمحت شوي صمت لو تبي تسأل أقول لك.. إسمع..إسمع فيه صوت صوت مبحوحٍ سمعته..مع مهب الريح جا صوت حصني..أو حصاني من مزاعقها بحناجرها نشوفه أعتقد والله أعلم امغلوثه الله أعلم امغلوثه لا تهمك يا جليسي لا تهمك شي عادي هذا حر الموت فيها مبتليها المغلث عاريات جلود تمشي من مواجعها مخفوفه لا يهمك يا جليسي أقرا وردك وانا مثلك أقرا وردي والله الواقي من الضر اوصنوفه لا يهمك..لا يهمك يا جليس الخير /////////// ((قصيده)) مبروك.. مبروك بوكيه ورد اهديه للعايله عـد=وخذ يا سعد منا التعابير عطرات بالفرحة انلازم مـلازم محمـد=نزف زينات التهاني بالابيـات مبروك .. مبروك التخرج ونسعـد=معكم ترا حنا نعيش المسـرات عسا السعد فاله مديـم يتجـدد=يلقا حلاه براحة البال والـذات الله يعينه والتوافيـق لـه شـد=بمسيرةٍ يمشي بهـا للمعـزات مبروك له ولوالدينه ولا سـد=مبروك لاخوانه بنول الشهادات هذا بما في خاطري ود من ود=اللي لهم بالقلب قدرٍ وحشمـات اقولها من قلبي تستاهل وقد=وبيات شعري تبتسم لك مِحبات الرعد 19/5/1425ه ////////// ((خاطره)) يا سلة النسيان استوعبي زود=نسيت ونسياني أبرميه في فمك عل الذي كدر على النفس مايعود=اللي مضى حبيت انا فيه اضلمك تحملي يا سلتي دون محدود=ابدفنك في حفرةٍ بعد ماحزمك ودعتك الماضي وشهدت ال شهود=من بعدها ما تلزميني ولا الزمك /////////// ((قصيده)) ارسل سلامي والمحبه تخاويه=صوب الرجال اللي عريبٍ نسبها عبر الأثير وصفحة النت تعطيه=ذاك الرفيق اللي بإسمه صحبها ابو حمد عز المراجل تباريه=كل العلوم الغانمة منتسبها خذ يا صخي النفس شعري مهاديه=مخصوص لك..وللربع انتدبها اللي على بالي واعزه وداريه=له ذكريات بخاطري محتسبها مسكن غلا الخلان القلب حاويه=والبال في ذكرالرفايق شعبها ياما بجال الساسكو بيننا هيه=جلسة معزة..الردي ما قربها نسمر ليال الصيف والجو حاليه=نور القمر ومذعذعه في هببها في باطن(ن) يا جا المطر في اراضيه=طاب الزبيدي والمراعي طربها ما جال بالخاطر يجيك وتوديه=يالنشمي.. قبل العين يرمش هدبها //////////// ((خاطره)) يازين هالريم تلعب جنب والدها=سبحان ربي منحها زين فتاني قرة عيون الذي قلبه يمجدها=ابو محمد لها ذخر(ن) وصيتاني الله عليها اذا لفت مناكبها=يمنى ويسرى كما ورده ببستاني انا اذكر الله عليها الرقص مجهدها=ريمه برية عليها زي كتاني سترك عليها الهي دوم واسعدها=بحماك عن كل ضر وشر بهتاني يازين هالريم تلعب جنب والدها=سبحان ربي منحها زين فتاني //////////// ((قصيده)) غيمة الرعد هطلت يا الأنامل عانقي عشق القصيد=احمليه ويحملك احلا كلام سيريه بحرف مع حرفٍ اريد=يصنع الكلمات عذبه يا سلام عن عباراتي انا مبغي يحيد=لازمٍ ينزع عن الوجه اللثام الخيال يصور الشكل الفريد=هقوته في رسم لوحاتٍ تمام المعاني مظهر اللون الجديد=ريشة المعشوق صاغتها غرام تبتسم للي يشاهد من بعيد=والتعابير بسلاستها عظام غيمة الرعد هطلت والما يزيد=يا عساها تروي قلوب الحشام يالرعد ارعد وردد بالشديد=يا أنامل عانقي عاشق همام /////////// لغز من تأليفي.. ويش شيٍ دفن بالشعر كانك عرفت=حل لي ما خفا معناه بالكاتبين مرجهن امتماسك ان مشيت وقفت=فيه زود الشجاعة ما يجي منه لين هو عضيد البنية ان طلع انكشفت=انك بفال طيب منت شخصٍ حزين ثابت القاعدة تبيني احلف حلفت=انه اعلا مكانه في مكانٍ حصين ويش يا صاح لغزي كان إنك عرفت=فنت بالعرف شاطر راعي عقلٍ فطين وللكشكول بقيه [/poem] |
رد: ديوان عبدالله الشويمان (الرعد)
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
//////////// ((همسه)) يا ليلةٍ فيها عشاشيق الاعياد=كرسمسٍ في عرفهم يفرحوني ميلاد عيسى للمسيحي به أمجاد=ذكراه يلهو فيه جوني وطوني يا مسلمٍ خلك بعيدٍ على احياد=مالك صلاحٍ في طقوص المجوني البدعة اللي تِحسب بدينك افساد=خلها لهلها جعلها ما تكوني ////////// ((خاطره)) ليه ياللي لك غلاي.. ليه يا للي لك غلاي=وش تغير بالطبوع يا صباحي يا مساي=ما حسبتك لي قطوع هل بعادك ذا جزاي=صار وصلك في رجوع أنت ودك في شقاي=ما تبي ترضى خضوع ليه يا للي لك غلاي=وش تغير بالطبوع ///////// ((خاطره)) هكذا بالتجني تخلى عني .. .. بالتجني.. مضى ..ابتعد وخاب ضني.. أناديه..أتوسل اليه.. حاولت عودته.. بكيت على بعده.. تغلب عليه الكِبر والغرور.. طغت عليه القسوة والجور.. لماذا؟.. لست أدري!! لم أكن له مغضبا.. لم أكن عليه قاسيا.. لم أكن عنه بحبي حاجبا.. لا..لا..بل كنت له حاجبا.. له مطيعاً دائبا.. مشاعري وأحاسيسي معه.. حاضراً كان أو غائبا.. ولكن دون جدوى.. تخلى عني ومضى.. مضى.. هكذا بالتجني .. تخلى عني.. /////////// ((خاطره)) وااا حرفاه.. توقفت السواني.. واختفت الأغاني.. وضاعت الأماني.. آه...آه أين ما كان بيننا؟.. تلك العقود.. تلك العهود.. يحملانها فيما بيننا.. تلك الحرفان الجميلان.. حرف حاء! حرف باء! أين هما؟.. ماذا صار لهما؟.. الجواب.. حرف حاء! حرفٌ التهبَ تحت أشعة شمس الصيف وتبخر.. حرف باء! حرفٌ تجمَّد تحت جليد الشتاء وتكسر.. لم يعد بينهما تآلف.. حرارة وتبخر.. وبرودةٌ وتكسر.. ولم يعد هناك حرفين يحملان فيما بيننا.. تلك العقود.. تلك العهود.. فيا أسفاه.. توقفت السواني.. واختفت الأغاني.. وضاعت الأماني. /////////// ((قصيده)) هو خير من له نشكي الحال قدار بسم الله الخلاّق عللام ما صــار=في ماضى الدنيا ومازال بـاقي الواحــد المعبود عمار الاعمار=من نعمته للعبد عن الشر واقي اطلبه ربي عالم السر وجهـــار=يرحم بحال اللي معاني وشـاقي شكواي له يرفع عن امي الاضـرار=ويسخر لها عجل الشفا بلا عواقي اللي على دينه دؤوبه بالاسحـار=تركع وتسجد له هو الدرع واقي هو خير من له نشكي الحال قدار=على استجابة من دعا باشتياقي وصلاة ربي عد ما طار طيـــــار=على النبي اللي سرى به براقي ////////// ((خاطره)) صدفة تعود.. هذي بشاير طيبة.. ردت على القلب المعنى من صدود.. لمدة طويلة بلا حدود.. كانت شرود.. صدفة تعود.. واليوم اصبح عالمي كله ورود.. عطره يجود.. بلا حدود.. وهذي بشاير طيبة.. حسن الصدف .. صدفة تعود //////// ((همسه)) لقيته واقف ينطر خطرت النشمي اللي بالثمامه بانيله بيت=لقيته واقفٍ ينطر متى الضيفان له يلفون دلاله حيةٍ والنار حطبها حي ما هو ميت=وراثة أب وجد بجِد الى جا ضيوف له يشفون تزهل للكرم راضي نهار وليل وش خليت=علومٍ طيبه مع مرجله بالزود له يضفون عسى بيته عمارٍ دوم على هاشاكلة والكيت=وماهي باربعة ابيات ضني بالذكر يكفون /////////// ((خاطره)) من عيوني من عيوني.. يا عيوني.. تسكب الدمعه عيوني.. كان لك تسهر عيوني مع جفوني.. يا عيوني بطول ليلي..بكل ليلي..السهر راحة لأجلك يا عيوني.. والشقى لاجلك حلاوة.. والوفاء لاجلك حفاوة.. يا عيوني يا عيوني وش تبين؟.. بس قولي..انتي اللي تأمرين.. اطلبي كلش ثمين..يا عيوني والله اني ما تأخر.. يا عيوني لك انا كلي ومن لي..يا عيوني غير حبك ما ابي.. غير قربك ما ابي.. يا عيوني ذي حياتي.. ما تساوي انمله دونك عيوني.. يا عيوني من هو انتي؟ بالحقيقة انتي أمي يا عيوني.. يا عيوني ///////// ((همسه)) الاذن تسمع الاذن تسمع لصوتٍ من بعيد=من يخبرني وش اللي اسمعه مستجير او للصدى حبه رديد=لاهي بصوتٍ قويٍ مرجعه يا نديبي روح واسأل ما يريد=مانع لصوته جبالٍ تردعه وكان يقدر عالي القمة سديد=عل صوته يتفق صوتي معه وكان وده ود نعطيه المزيد=ون تودّع قله انا نودعه //////////// ((همسه)) اللي يحاول دونه اسوار وابواب=حديدها فولاذ ما يكسرني مرتاح ما فكر بلصٍ وسلاب=وعندي مدافع ضدهم يفجرني يا مشغلين الناس افراد واحزاب=خلو وسايلكم بعيدات عني ما فيه عندي كنز مغري لطلاب=حتى نوافذ اوفسي ينقصني وللكشكول بقيه[/poem] |
رد: ديوان عبدالله الشويمان (الرعد)
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
((خاطره)) فهل يدوم الحب.. الحب! أين هو الحب؟.. الحب هنا....والحب هناك... الحب معي... والحب معك... ؟؟.. لمن الحب ؟.. ؟؟.. من يستحق الحب مني؟.. من يستحق الحب منك؟.. الحب لك مني يا عزيزي... فأنت من يستحقه.. أنت من أخلصت بحبك لي.. فلك مني كل الحب.. لك مني كل الإحنرام.. لك مني كل تقدير.. مقابل حبك لي.. ولأن الله منحك حبي واحترامي وتقديري.. فقد احببتني.. احببتني حباً حقيقياً.. بقدرة الله الذي منحني الحب لك .. فهل يدوم الحب؟.. نعم يدوم مادام الحب يرعاه الله فما أحسنه من نعمة.. فحب الله نعمة.. وحب نبينا محمد صلى الله عليه وسلم نعمة.. وحب الوالدين نعمة.. وحب الناس نعمة.. وحب الخير نعمة.. فهذا هو حبي .. وهذا هو حبك يا عزيزي.. ذلك الحب الذي نُكوِّن ركائزه من الحب في الله.. فأنا متفق معك على هذا الحب.. فهل توافقني يا عزيزي بهذا الحب؟ /////////// ((خاطره)) وسيلة التقارب.. ذكر المحبة واردابكل تحرير=وسيلةٍ فيها التقارب سعدها تلقى بها حسن تعايش وتسيير=مع الحبيب اللي يقوِّم عمدها غريزتك بالحب دومٍ بتطوير=ون صار حبٍ طيب النفس زدها انغام حبك لا تجي دوم تزوير=يمضي عليها الوقت ويلغي مددها ///////// ((خاطره)) طلبت منها الوصل.. النفس عانت ثم دانت ضُرها=من مبكية عيناي والوجدان يا كم تجرعت الاسى من بعدها=والبعد منها واضح العدوان ناشدتها بي رحمةً من هجرها=رفقاً فقلبى مفعم الأحزان طلبت منها الوصل ابدت عذرها=والعذر غير مكمل الاركان فإلى متى الانصاف يطلق أسرها؟=لتضمني ولهاً الى الأحضان ///////// ((خاطره)) لا زلت موجودا بداخل قلبها.. احببتها حتى نعمت بحبها=لا لا ولن من حبها اتملل بالحب ضمتني الى احضانها=لأعيش في كنف النعيم مجلل لا زلت موجوداً بداخل قلبها=من عطفها وحنانها اتدلل ابداً فلا يطري عليّ فراقها=لو ان موتي للفراق تسلل /////////// وللكشكول بقيه[/poem] |
رد: ديوان عبدالله الشويمان (الرعد)
[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قصيدة خير الكلام قال الذي يبغي اختصارٍ ما يزيد=خير الكلام اللي يجيبه لايقا ما كل ناظم نظم بابيات القصيد=او ساردٍ نثر بسلوكه صادقا من قال انا ..مداح نفسه بالعديد=قِلة حقيقه في كثيره لاثقا الناس تعرف ثم تحكم للرشيد=الرجل كانه واضحٍ وضح النقا اتميز الصافي من انواع الحديد=الذهب الاحمر من صفاه البارقا مخابر الرجال تخفا شي اكيد=ان بينت بالطيب نورٍ شارقا وان بينت بالعكس شيٍ مايفيد=هذي هي العله وطبعٍ امحقا ثم الكلام اللي احس انه سديد=المرجله الها مواري باللقا /////////// قصيدة فزة قريحه يا ليل ضـافي والقمر فـيك صـافي=ليلة عشر واربع من ليالنا البيض فيـك السوالف مع صـديقٍ اسنافي=تـطرد هموم الـقلب ويهيض تـهييض وفيك الشعر يحلى ونظم القوافي=لا هـب نـسناس الـهوى زاد بالـفيض بأعـلا عـروقٍ مـا تجيه الســوافي=وسـط النفود الـرمل ممحوض تمحيض فـيه الـهبوب مـدغدغٍ بالـهفافي=يـطفي بـراده حر في جـمرة الـقيض خـاطر خـطر للفكر وللبال لافـي=وفـزت قريـحة اجـهضت خـوش تـجهيض ياليل ضافي والقمر فـيك صـافي=ليلة عشر واربع من ليالنا البيض /////////// قصيدة الا يا حسرتي الا يا حسرتــي قـلبي معـنا=سبـايب من عنـه اقفـا ولاذى جفاه ولا عليه اصـبح يحنــا=اضنه نـاوين لـه بالـجذاذى قضـى عـمري وقلبي ما تهنـا=بـلا راحــة تـوذِّيه المواذى حسـافه صـار بحبه لي يمنـا=روي الغصـن مكسي الــرذاذى سبـا المحبوب عقلي لين جنـا=وخلَّا الروح في شفّ النفاذى انا لـو هي غزاوي قلت فنــا=اخذت السيف من دون الخواذى وركبت الخيل عجلٍ ما تونــا=اجيـبه في قويـاتٍ فـــذاذى من اجل القلب بالعشق يتغنا=ويحيـا بالـتمتع والِّـذاذى الا يا حسرتــي قـلبي معـنا=سبـايب من عنـه اقفـا ولاذى //////////// قصيدة كار الكرم يومٍ مـن الأيـام بالريـف دوار=كنت أتمشى بين دور السَّلايـف بآثـار جدانـي تمعَّـنت نظَّـار=الله يسكنهـم بجنـه لفـايـف آل الشويمان الذي فعلهم صـار=معلوم ذكره بالمجالس شرايـف أسلاف وعزوتهم طويلين الاشبار=خلايفٍ منهـم رجـالٍ عسايـف نظرت مجلسهم ووقفت محتـار=ذكرني فيهم والليالي العجايـف محيينه الاجواد بعلوم الاخيـار=على الكرم اللي رقى بالنوايـف ناسٍ الى من المسير لهم سـار=يلقا هلا ومرحب وجزل الصنايف قدامه الدله بهـا البـن وبهـار=النار ما صارت عليها خفايـف وقدامه المِطعَم به التمر سـرار=وقت المقيض وفي وقوت الخصايف والحايل الجزله ذبيحة على النار=للظيف عادة ما تبعها حسايـف حين الثليما عامرة فيها الأنـوار=بنوار أهلها وقتها كـان كايـف هُم عمروها ثم حطَّولهـم كـار=كار المراجل في زمان الكسايف وحلت بي العبره على ذيك الاثـار=وهلت دموعي فوق خدي ذرايف قلت آه وا ويلاه كيف الزمن جار=آثارهـم صـارت هـدامٍ نسايـف /////////// قصيدة وين انت يا المسؤول وين انت يالمسؤول اخونا المسلما؟=تفعل لك اسبابٍ مضاديـد غـارات ما فيه احد بالحي ضنـي سالمـا=من البعوض اصبح بلا نوم بالذات ليل ونهار يغيـر ويمـص الدمـا=وينقل لنا الامراض جرعات جرعات ما نهتني جلسه ومن لدغـه نمـا=على الجلود الطفح وجروح خطرات استبقوا الاحداث يـا ذخـر وحمـا=قبل يصير المجتمـع كلـه آفـات اقضوا على الناموس رشو من سما=عليه في وكره من الريـد رشـات تكفون واجبكم وقومـو بـه همـا=اجره من الله يكتبه لكـم حسنـات ///////////// قصيدة الكيف مشتاق للبر الفسيح ونواحيه=مشتاق انا بالحيل لسهله وتله انا اشهد ان البر اذا جيب طاريه=يفز قلبي حيث ذكره شفله يا زين طلعاتٍ تجي في لياليه=ترد روحي لا الهبوب عتدل له وقرص القمر وسط السما ساطعٍ فيه=سطوع نوره صافيٍ ماتمله احط رحلي فوق عرقٍ يحليه=هبوبه المنعش روايحه فله أشب ناري والحطب سمر شاريه=جمره حجر ناري يدوم بمحله ودني المحماس والبن اسويه=والنجر والم دنته شاهدٍ له حمسة محب الكيف وفنجال يرضيه=من دلة بالهيل تعطر محله معي خويٍ مخلصٍ له وداريه=يسهر معي والمرجله ما تزله سوالفه تحييي وسوالفك تحييه=عن الكرم والجود دقه وجله وليا طلع صبحٍ يدب الحيا فيه=شمة نسيمه تشفي من فيه عله عينك تمتع في ربيعٍ براضيه=زهر الخزاما والنفل مستحله /////////// قصيدة المانعيه قال الذي شاب وتذكر لماضيه=ودع صباه ومشى بالشيب مشواري وداع يا ماضي الطيبان وجلديه=وزبير وكعابها وعظيمها الساري وم التسع والعبيسه وطاق طاقيه=والعابٍ اخرى توارت مالها طاري كانت لنا العاب ضمن العاب شعبيه=في ماضيٍ من زمنا الغابر الواري روح زمنها وودعنــاه كليه=واليوم صرنا بزمان علومه كباري كوره ودوره مع سباقات دوليه=والعاب خطره على كثبان الاقفاري بطر الحناتير مع دراج ناريه=وسط النفود ستباحت عرقه الصاري الله يستر عليها من العطوبيه=ويستر علينا وعلى ركابها الضاري فيها مكاين من الترهيم شريه=لا زمجر قزوزها كذح الشرر ثاري سوت مضامير تشعطها سطاويه=بالمانعيه صباح وظهر وعصاري مانيب حاسد ولكن العجب فيه=بس أتفكر بسخرة ربنا الباري والمانعية بقت بقعه سياحيه=زوارها من قريب وبعاد الادياري سلوى وتشجيع من يقدر بملويه=يطلع الى راس عرق الرمل متماري لعبه جديده بهاذا الوقت دوريه=وسط صعافيق شرق المذنب إدياري /////////// وللكشكول بقيه[/poem] |
كتبت فأمتعت
شكراً لك تحياتي |
رد: ديوان عبدالله الشويمان (الرعد)
تم التعديل للرابط الجديد
تحياتي |
| الساعة الآن 02:48 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة