أبو النبى
 

[CENTER][SIZE="5"][FONT="Tahoma"][CENTER]أبو النبى[/CENTER]
[SIZE="5"][FONT="Tahoma"]
شباك قديم
بتطل روحى منه ...
ع الوطن البعيد
وصوره تنسجها أيدين ...
بتجمع حروف
وبيقولوا إنها عربى
ف تبان خريطه للوطن
بهتان
وكأن كل التاريخ ...
ابتدى بالبدو
وح ينتهى بإسلام
كان شئ مهم
إننا دلوقتى نتخانق
- تسمى ابنك إيه ؟
وعشان أفادى الخناقه
ومعترفش إن أنا مش عايز عيال
قلتلها شوفى انتى
فكرت ...
وتبسمت فجاءه
كأن جالها ملاك الرب...
بالوحى القديم
العرب فى فرنسا
زى الوطن بهتان
مش كلهم لكن كتير
مبيعرفوش غير إن كان ليهم بلاد
وكأنها جنه عدن
فيها رئيس فيها ملك
ظالمين يجوز
المهم وف النهايه
إنهم
زى أجدادهم عرب
- قالت...
- عايزه اسم يكون جميل
- اسم عربى
قالت كده وكأنها ...
بتتكلم عن نبى ..نبى !!
معقول أنا...
اخلف نبى .... إيه المشكله !!؟
وفرحت
معرفش ليه
بس حسيت إنها فكره
مجتش على بالى
وبدأت أفكر ...
لو بجد أتحققت
وبقيت أنا ...
أبو النبى
التاريخ بيقول ...
البدو مش أول حضارة
والعلم والفلسفه والطب
مش اختراع بدوى
ولا احتكار ليهم
- استغفر الله العظيم
قالت حتكفر
يعنى إيه أبو النبى
قلتلها بحلم
- قالت حرام
الحلم زى العلم
فيه الحلال و الحرام
بكلمه تصبح
شيخ
وبكلمه تبقى
كفرت
معقوله كل الأنبيا كانوا يتامى
وكل العرب من ارض الجزيرة
وتقريبا معظم العرب ف فرنسا
م المغرب و الجزائر وشويه من تونس
- تأكل كسكسى
مبحبوش
- تبقى مش عربى
الكسكسى ف فرنسا
بيحدد هوية
وليه معانى الانتماءوالوحده
ويمكن الجنسيه
مصيبه سوده
أبو النبى
ملوش ف الانتماء الكسكسى
ولاحتى بيحب الرئيس
ولا مره قال عاش الملك
مش مهم
بس النهايه انه مصرى
ومصر هى أم العرب
والعرب
جايين بلاد الكفره
مش عشان يتعلموا معنى الحضارة
ويزرعوه فوق أرضهم
مش همهم
المهم يعلموهم
أنهم من جنس تانى
العرب جايين يشوفوا الكفره
ويعرفوهم
ولما القيامه تقوم
ويخشوا ع الجنه
يطلعلوهم لسانهم
وهما جوه النار
وأبو النبى محتار
أنا مصرى ايوه عشان مولود هناك
وكبرت وتربيت هناك
بس مسمعتش
إن مصر حبلت بالعرب
معرفشى أصلى م الفراعنه
ولا اغريقى ... يونانى
ولا عباسى ... يابانى
يعنى إيه الأصل ؟
وليه انتمى للعرب من دون بقيت الناس ؟
ولما تسأل مغربى حيقول
- عندى شجره
- فيها جدودى كلهم عربان
وكأن كل البلاد قبل العرب
مسكونه بالغربان
أنا مصرى
لكن قبل أما أكون مصرى
أنا إنسان
أنا بنتمى للوطن / للحق
مش لشجره
أو بلاد متفرقه ...
عايشه على ماضى قديم
يعنى إيه معنى العرب ؟ ...
إيه اللى جمعهم سوى ...؟
اللغه...؟
متفرقه بينهم
ومش كل واحد بيتكلم زيهم ......عربى
الدين...؟؟
أنهى دين...!!
فيه يهود وفيه نصارى ومسلمين
النظام ...؟؟؟
زمبلك الأمير والرئيس والملك
ما أجملك
يا بلاد بتعشق ف الكلام
م الوحده للسوق للسلام
مش عايز احلم والنبى
مش حبقى يوم
أبو النبى
وأبقى السبب
ف عذاب لحد
أنا مصرى ايوه عربى
لأ
وطنى الحقيقه ف كل شق
لا عندى شجره
ولاحتى فكره
إيه اللى بكره
حيبقى حق
بس عربى
برضه لأ[/FONT][/SIZE][/FONT][/SIZE][/CENTER]

رد على: أبو النبى
 

معاني جميلة وجليلة تعبر عن أحساس جميل وروعة فى التعبير
أحلامنا التى نفتقدها فى أسلوب عامي جميل يجمع بين لغة الحياة واغاني الحياة

أحسنت أخي وأبدعت
مازن

رد على: أبو النبى
 

طيب اش رأيك نقول عنك امر كان ،
انت تبغى الحق وإلا اخوه .... انت مصري ومصر قبل الفراعنه وقبل العرب
واذا فيه حد ترجع أصوله للعرب بعد الفتوحات الإسلامية ، فهذا تمام
زي من الأمر كان بيرجع بعضهم لألمانيا او انجلترا او فرنسا او اسبانيا ...أو حتى الصين.
أنت إنسان وتنتمي للكرة الأرضية التي كانت يوما ما موطنا للإنسانية
شكرا لك
تحياتي

رد على: أبو النبى
 

خاطرتك تضم معانى جميلة جياشة
تسلم لنا اناملك يالغالى
ودمت ولا هنت
اختك
كريمة

رد على: أبو النبى
 

ارجوا منكم جميعا تقبل خالص شكرى وامتنانى
لما لمسته فيكم من موضوعيه
اول مره عربى يسمع القصيده دى وميزعلش
شكرا لكم ايضا لمؤانستى فى هذه الغربه

رد على: أبو النبى
 

الفطاحلة لكل العرب وهو قلبهم النابض في كل ما يتعلق بقضاياهم
ولكن بطرح مفكر يستطيع أن يتجنب ويجنبنا الشعاب المرجانيه
اما المواضيع التي تساعد على جنوح الفكر نحو الغريزه مما تريدنا
الحضارة الغربية ان نصبح عليه ، فالفطاحلة لايرغبونها
شكرا لك ولنبضك الحي
تحياتي

رد على: أبو النبى
 

[B][COLOR="RoyalBlue"]انت انسان وانا انسان

يمكن تجمعنا كلمة التوحيد

ووالباقي لاتسال فيه

والمسلم اخو المسلم بدون التوغل في العرق

هل هو عربي او اعجمي

خاطرة جميلة اعجبتني

على فكرة انا من المعجبين بشعر احمد فؤاد نجم

فوجدت في شعرك صله لما يتحدث به فؤاد نجم

اخي الكريم دمت بخير[/COLOR][/B]

لك الشكر
على ما فاض به قلمك
تحياتي

مشكور
على ما افدتنا به
تحياتي

خالص الشكر والتقدير
على كل جهودك الرائعه
تقبل اطيب التحيه