منتديات الفطاحله - بشروا كل قاتل بالقتل بعد حين

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - بشروا كل قاتل بالقتل بعد حين (http://www.ftahilah.com/showthread.php?t=120564)

بشروا كل قاتل بالقتل بعد حين

[poem=font=",6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
بشروا كل قاتل بالقتل بعد حين = وبشروا كل طاغي فالنهايه قريبه
يمهل الله ولا يهمل وعينٍ بعين= ومن يظنه بمنجا فالله اللي يجيبه
قاهرين الشعوب بظلمهم حاكمين= ما تخافون ربٍ ما دريتوا بغيبه
كل شعبٍ ولو يصبر فربه يعين = ما يخليه لحظه للدعاء مستجيبه
لا تقولون حنا بالظلم جاهلين = لو بكم أي طيّب فالبطانه تعيبه
يخدعونه اذا من قالوا الشين زين= وانت مالك قلوب الشعب وانته حبيبه
في نفاقٍ وكذب ماخفت للفطين= شان يثروا بنهب الشعب من دون ريبه
الله اللي عطى للشعب كنز دفين = بارضهم ليش مايعطى لكلٍ نصيبه
ليش تشكي الشعوب لفقرها بالونين= وانتم اللي وليتم امرهم بالنهيبه
اكنزوا كل نهب بلا ضمير ودين = من سرق مال شعبه فالله اللي حريبه
يوم يندم ولو هو في مكان حصين= يامر الله شعوبه تنتقم ما تسيبه
الشعب لا تحرك بعد قهر السنين = مثل بركان خامد ينفجر من لهيبه
ومن تهاون بشعبه في ضلاله سجين = بالوهم دوم عايش ماتفكّر مغيبه
اكسبوا للشعوب بعدل مابه ملين = واعطوا الشعب حقه بكل رحبٍ وطيبه
واحرصوا ف اختيار رجال عقلٍ رزين = كل واحد نزيه وما به اللي يعيبه
لا تقولون ذا ولد فلان اصله متين = وذا قريبٍ نعزه ماهو اية جليبه
الكفاءات واجد من شمال ويمين = ومن يجيكم (بواوٍ) فادروا انه هزيبه
اعلنوا للخلايق كل مركز ثمين = ونقوا اللي كفاءه ينتهض به بهيبه
وراقبوا من تنقوا بين حين وحين = ومن تبين فساده فالعقوبه تصيبه
تكسبون الشعوب ولا لحقكم مدين= وتكسبون الرضاء من رب عينه رقيبه[/poem]