كــي بــو ردْيــــّـه ( مجارات ورديّه يابوو عبدالله )
 

[CENTER]ابيات كيبورديّـه .. ونت خابر يجي منها القصور وابيك تستر ماقصر منها .. وأستلم :[/CENTER]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
قبل السلام وقبل كل التحيّه = اهدي سلام الهم للي هويته
اهديه من هميّ ونا اسقيه ريّه = هو من سباب الهم والحق جيته
خذ له من الملبوس بالزين زِيّه = سحر الحكي ماقال والقول صيته
لوّى ثنايا القلب بلسان حيّه = حيّـه تزور القلب و تبيت ميته
منه القمر يشكيه بأنوار ضيّه = وٍدّه يسد النور والود ليــتـه
ون جزت فالوصف ماوفيت شيّه = هذا القمر لا جاك هاليوم فيتــه(1)
قد جاك هالبيت كيّ بو ردْيـّه = وقد جاك هالطبخ لو زاد زيته
وابغيك فالبيت وافي بردّيـــّـه = تردّ لي بيت ٍ على صفّ بيته[/poem]

[CENTER]-----[/CENTER]
[SIZE="1"](1)ايته : " رح له باللهجه النجديه "[/SIZE]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]

يامرحبا بك والهلا اجمل هديّه = من دون هم وعارف ما شكيته
يوم اني بسنك ونفسي شقيّه = وقلبي مشى دربٍ اشوفك مشيته
الله خلقهن للقلوب الفتيّه = سنّارةٍ من قربها طاح صيته
صيّاد مصيود ويصبح ضحيّه = مسجون قلبه منسجن وسط بيته
ان كان تشكي لا تشكّى عليّه = تحيي جروح سالفه تقل ميته
حلقت راسي فالهوى به بليّه = وخليت دربٍ كنت يومٍ هويته
ودامك وقعت بدون فكر ورويّه= الله يردك من طريقٍ غويته[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يا سعد حظي بالردود الوفيّه = واغلى هديّـه مالفى القلب ليته(1)
نور ٍ يبان ٍ للذي ينويّ مجيّـه = افدا لفاه اليوم جـزل ٍ فديته
عاش السنين وعاش سنّ الفتيّه = وذوق المراره ماهو لقم الفتيته(2)
يجني الخبر منها سنين ٍ رديّه = يشقى بها المهيوم ريم ٍ هويته
جيت الخبير اسجع بيوت ٍ نديّه = وش مايشور اليوم كله وفيته
للي فتنه الريم عذراء البليّـه = ضوّ ٍ لهبّ تبّاً له اليوم جيته
وابغى يشور الشور مرسول ليّـه = ويعْلم بهالمعلوم كيت ٍ وكيته[/poem]
-----
[SIZE="1"](1) ليته : من ليت ، النور باللهجة الكويتيه .
(2)الفتيته : أكلة شماليه معروفه .[/SIZE]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شورى تبّعد لا تطب الركيّه = من طبها ملسوع لسعه مميته
فيها حيايا لو وطتها المطيّه = جابت اجلها في ضحى ماهقيته
ومن قال احبك صادقٍ بالطويّه = اثقل الينه ينكشف ماخفيته
هالوقت وقت القرش مابه مريّه= كلٍ يبيع اللي يبي لو بشيته[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
شورك وماقلته وربي الهديّـه = بأبعد عن المفتون لو طال صيته
وختامها سبحان خـلاّق البريّـه = ينصونه العبّـاد في وسـط بيـتـه[/poem]
------------

صح لسانك ولاهان حرفك استاذي .. كلمات رائعه وفوائد جمه ، اقتبستها من مجاراة ابياتك الجزله
سعدت بذلك استاذي ،، تقبل تحياتي العطره ..

ياسلام عليكم

صح لسانك يا نسناس الهوى

وصح لسانك يابو عبد الله

تحيتي لكما جميعا

[quote=يزيد النمي]ياسلام عليكم

صح لسانك يا نسناس الهوى

وصح لسانك يابو عبد الله

تحيتي لكما جميعا[/quote]

صح بدنك .. واسعدني مرورك
تقبل تحياتي

أها متوزين فيذا وتاركينا في الصاله لا شاهي ولا قهوه

بس يا زين ما كتبتوا وصحت ألسنتكم ....

[QUOTE=أبو الفيصل]أها متوزين فيذا وتاركينا في الصاله لا شاهي ولا قهوه

بس يا زين ما كتبتوا وصحت ألسنتكم ....[/QUOTE]

صحّ بدنك وتوما الموضوع نوّر والله

وبعدين ماتوزينا طالعتن روسنا .. والقهوه مهيب زينتن لك :rolleyes:

ماشاء الله تبارك الله

روعه

واصلو