وردة العـــــشــــــق
 

[poem=font="Simplified Arabic,5,black,normal,normal" bkcolor="transparent" bkimage="backgrounds/24.gif" border="none,4,gray" type=0 line=0 align=center use=ex num="0,black"]
خيروني بين فرقاك ولقاك=فأصعب اللحظات وأشد الظروف
وجيت أغامر بأجمل أحلامي معاك=واترك الدنيا ولذتها تطوف
خفت لقطف وردة العشق فهواك=والورود تموت من بعد القطوف
يكفي أعطر حياتي من شذاك=واترك الحاسد يموت من الحسوف
كل همي كيف أحقق لك رضاك=لو رضاك أسهل طريق للحتوف
سم وآمر كل ماتحتاج جاك=والكرم طبع المعزب للضيوف
يا قمر لو غبت ليلة عن سماك=والقمر لحظات ينتابه خسوف
النجوم بكثرها ما هي كماك=ما تكفي عنك لو هي بالألوف
إنت تاج الزبن عندك في حياك=والحيا تاج على كل الوصوف
ما نويت أقدم الحب لسواك=حيث قلبي عن هوى غيرك عزوف
جيت ألبي من شقا الدنيا نداك=بالمواقف والمشاعر والحروف
كيف تسأل عن محبتك وغلاك=وانت تسمع بأذنك وعينك تشوف
قلبي اللي كل ما جابوا نباك=صوت نبضاته مثل ضرب الدفوف
أدرك العاشق قبل حد الهلاك=قبل شمسه لا يغطيها الكسوف
ليت ما جاني من الأشواق جاك=وليت قلبك مثل قلب أمي عطوف[/poem]

رد: وردة العـــــشــــــق
 

صح السانك يا اخ عماد

قصيده جزله من شاعر جزل ..

كعادتك ما تجيب الا الجزل

دمت بخير وصحه وسلامه ولا هنت

ويا ليت يا اخ عماد تشاركنا بالصوتي على هذا الرابط اذا عندك مجال من بعد العشاء..

يشرفنا تواجدك معنا

[url=http://r6e226f47.foxarab.com.roomsserver.net/]الشات الصوتي[/url]

رد: وردة العـــــشــــــق
 

ابيات رائعة
بارك الله فيك
دمت مبدعا
تحياتي لكم

رد: وردة العـــــشــــــق
 

عماد الشريف
صح السانك وبنانك
جزلة منجزل متمكن
لاهنت وشكرا لك عيني

رد: وردة العـــــشــــــق
 

صح لساااانك اخي عماد
قصيده عذبه ورائعه وابدعت
سجل الاعجاب والتقدير

رد: وردة العـــــشــــــق
 

العزيز الغالي عماد الشريف سلمه الله


الف مليون صح السانك وعلا شانك

قصيده جزله لاهنت

تحياتي
مع اسمى ايات الشكر فائق الاحترام واطيب المنى رعاك الاله

رد: وردة العـــــشــــــق
 

[size=5][align=center][grade="00008B FF6347 008000 4B0082"]
صح لسانك يالشاعر عماد الشريف

قصيدة جميله ورائعه بروعة شاعرها

صح لسانك مع التحية لك ،،،[/grade][/align][/size]

رد: وردة العـــــشــــــق
 

أخوي عماد الشريف



صح لسانك واعتلا شانك


رايعه بروعة حضورك


لك احترامي وتقديري

رد: وردة العـــــشــــــق
 

الغالي عماد الشريف:

صح لسانك وقلبك وفكرك..

قصيدة رائعه بروعة حضورك لاهنت..

تحياتي لك..

رد: وردة العـــــشــــــق
 

الاخ الفاضل / عماد الشريف
صح لسانك لاهنت
قصيده جزله من شاعر جزل
تحياتي
أخـــــــوك
س / ص