منتديات الفطاحله - يقولون من لاجرّبوا للتعدّد

[rams]http://www.fatahilah.com/up/utt3dod2.mp3[/rams]
[poem=font="Simplified Arabic,6,darkblue,bold,normal" bkcolor="transparent" bkimage="" border="double,4," type=2 line=0 align=center use=ex num="0,black"]
يقولون من لاجرّبوا للتعدّد = تجوّز لك اخرى وش تبي بالزلايب
تجدّد شبابك مثل من قبل جدّد= فعذب الثنايا فيهن الشهد ذايب
ورودٍ تفتّح في عروقك تبدّد= وتنعش لقلب مل طعم الغبايب
ولكني ادرى بالبشر لو اعدّد = فكلّ اللذي قالوه ماهوب صايب
ترى القلب لا منّك رخيته تمدّد= ويجرّك لدربٍ حافلٍ بالمصايب
اذا تنوي الاخرى فشوري تردّد= وتفكّر قبل تدفع شديد الضرايب
وتذكّر ترى للورد عمرٍ محدّد= مصيره هشيم ما يقاوم هبايب
ولكن ترى به فرق مهما تعدّد= به اصلي وبه تقليد فيه الشوايب
تعرفه من الأولاد مهما تودّد= تشوف الجفا منهم بليا سبايب
غشيش الورد يبدا بشوكه يهدّد= فلا تامنه يتعبك لاصرت شايب
وغزالٍ حميته من سهامٍ تسدّد= تشوفه تحوّل ذيب في كل نايب
يبي يرغمك تسكت ولا به تندّد= يركب على علباك ماهوب هايب
مدام إنّ بيتك بالذراري تمدّد= لْغلاهم على قلبك رضيت الهزايب
وتحتار بين امرين فيها تردّد= سكوتك عليها أو تشنّ الحرايب
خضوعك لها لاجل الظنا لو تلدّد = وترجيه ينفع يوم لاصرت عايب
ولكن يقال "الولد لامّه" محدّد= وللي يضمّه كل ويل وعقايب
إذا هي معك طابت لقيت التودّد= اذا هي معك خابت غدا الكل خايب
ولو قلت مالي حل غير التعدّد= تحوّل لدابٍ يلدغك بالمصايب
ومن خلفها جيشٍ بيدها يهدّد= تعيش النكد والهم فالسعد غايب
فكل يتشاوى الحق دايم يندّد= يشوفك مكينة صرف تدفع ضرايب
فلا بد من تخطيط فكرٍ مسدّد= تخيّر بدقه من حرار النجايب
وخلك حذر فالبومٍ شر ملدد= قبل ما يفرخ اركنه بالخرايب
نزولٍ من اول زلفه ابلا تردّد = ولا طيحةٍ من فوق عوج الركايب[/poem]