منتديات الفطاحله - رحلـــه الكــــــــويت

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - رحلـــه الكــــــــويت (http://ftahilah.com/showthread.php?t=28620)

رحلـــه الكــــــــويت

[align=center]السلام عليكم ورحمة الله وبركاته
هذي قصيده او قل سالفه
قلتها بعد مارجعت من الكويت بعد زياره لبعض ربعنا هناك
امل ان تحوز على رضاكم والمعذره من القصور

[poem=font=",7,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البارحه ماغمــض الجفـن بالعــين =اونــس بوسط العين مثــل الشراره
مـن ضيقتي ثوبي غــدا تقــل ثوبين=افتـــح زراره ثــم اسكــر زراره
لاشاكين فقــر (ن) ولا شاكين ديــن= ولاحـــط في كفي ورجلـي جبــاره
ماصيدي الا فـراق ربـــع(ن) عزيزين=اهــــل الشجاعه والكــرم والنعـاره
في اثنين واحد عام سبعه وعشرين=يـــوم الــربوع امقـررين(ن) قــراره
رحنا لهم يــــوم اسمح الوقت عانين= في مــوتر الـلي مايحسب الخساره
فانــن مظله حـــروت الفيـــن واثنين= هـي حـروته ( ماشفت انا الاستماره )
انــا وبوعســاف جيناك مــومـين= في مــوتره ماغيـرنا في الغمــاره
جينا الكويت الفجر تــوهم مصليـــن= في حــز ّتن مــا تستحب الـــزياره
قلنا نبي نـرقــد وبعدين مـمــــدين= ماهوب حق(ن) نـاخــذ القـوم غــاره
وعقب الظهر قمنا من النوم فزعين= وكـل(ن) على ماقـــال صفـــط وزاره
ثمن من الفــندق على الفـان عجلين= قـــد سّـلـم بليهـان لـهـله اجـاره
رحنا لبو جاسم على الوصف ماشين=نضبطه تـــاره ثـم نغــديه تــاره
وحـــزت لقينـاهم لقـــونا مهـلــين= بفنجال بـــن(ن) فايـح(ن) بـه بهـاره
فــزو لنـا فـــزت فــروخ الشياهــين= لـخــوت على الصيــده من عـلو قـاره
ثمن قلطنا للعشاء فــــوق ثـنـتـــين=مــــن حولهن من كل شئ(ن) اخياره
حــنا وعبدالله ولا حـــنب نــاسـين= عـامـر عسى به عـامر(ن) دوم داره
جـاب الطـلي للبـر نســـــل الكريمين= ولــــزّم علينا نـاصـلـه في العمـاره
وبـو مـحمــد راعـي السمت والــدين= يجبرك تغضــي هيــبتن من وقـــاره
اولاد فضــل! ( اولاد عمــــي عريبين)= رجـالـهم مايطــفي الـــوقت نــاره[/poem]
وسلامتكم[/align]