يابوسعد
 

[COLOR="Sienna"][SIZE="4"]هذه قصيدة كتبتها لأحد الإخوه وكان يحب البر والخلوة بنفسه أو بصحبة قله في نزهات بريه ولو قصيره
وفي أحد الأيام وكان الجو جميلا ممطرا وكنت أتمشى لوحدي بين الرمال والأوديه تذكرته فجاءت البدايهثم أكملتها فيمابعد وبعثتها له وقام بالرد عليها ولكنها غير موجودة لدي في الجهاز لأوردها .ولعلي أجدها وأوردها في وقت لاحق
أحببت طرحها بين أيديكم لتحظى بذائقتكم
فلكم التحية والشكر[/SIZE][/COLOR]

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
باسم الله البادي على كل بادي=اللي رفع سبع(ن) ولا ركّز عماد

المعتلي في العرش ماله مسادي=ماله شبيه ولا مثيل(ن) ولا انداد

ابدع بصنع الكون رب العبادي=ويدبر الأفلاك من حيث ماراد

ارخى علينا نعمته بازديادي=ساق الحيا واسقى الفيافي والاوتاد

حتى جرى الحاير مشى كل وادي=واستبشرت به النخل والرجع زاد

واخضرت اراضي الحظر والبوادي=والبادية عند اهلها صارت بلاد

يابو سعد مني سلام(ن) وكادي=من خاطري سقته وهو سمح منقاد

ومحمل(ن) بالعطر ورد(ن) وكادي=والمسك والريحان والعود زواد

للصاحب اللي حولنا لو ننادي=قريب لكنه بعيد(ن) وشداد

يوم الزهر فتح وخف البرادي=والبر زان وصار للبر ميعاد

ذكرت حبك للرمل والشدادي=واشعال نار(ن) لو على قش واعواد

ياما حلى ضو(ن)من الرمث غادي=دخانهاله ريحه العود او كاد

وبراد شاهي قد غطاه السوادي=مركا على المجمار واسود وش عاد

في مهمه(ن) خالي من الناس هادي=معك وجيه الخير مافيه حساد

سمحه سوالفهم ولا به نقادي=لا ناقل الذمه ولا فيه نقاد

مزح وسواليف(ن) قدام(ن)جدادي=فيها طراة(ن) لو تكرر وتنعاد

ويا زينها لوك على جال وادي=تسمع هديرالسيل والخير يزداد

من مزنة هلت بوقت الهجادي =والصبح علت والعصر نو رعّاد

هذي مناة النفس هذا المرادي=وان كنت مخطي صحح العلم يا ستاد

منكم نحب المعرفه يا سنادي=يابو سعد عطنا من العرف ما فاد

والعذر منكم كان به نقص بادي=ما يكمل إلا وجه خلاق العباد

تمت وصلى الله على خير هادي=من بلغ التوحيد ما انقص ولا زاد[/poem]

حضور اول يابو انس

.
.

ولي عودهـ يا الجزل

الله عليك يابو انس


مبدع الى ما له نهاية

سجل اعجابي وتقديري لشخصك الكريم

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يوم الزهر فتـح وخـف البـرادي = والبـر زان وصـار للبـر ميعـاد[/poem]

فعلاً .. اجزت وصف الطقس المناسب للمكان المناسب ، جزاله تطرب القلب قبل المسامع
ابدعت استاذي ،، تقبل تحياتي ..

[U][COLOR="Sienna"]ذكـرت حبـك للرمـل والشـدادي
واشعال نار(ن) لو على قش واعواد

ياما حلى ضو(ن)من الرمث غـادي
دخانهالـه ريحـه العـود او كـاد

وبراد شاهي قد غطـاه السـوادي
مركا على المجمار واسود وش عاد

الاخ........... ابو انس

نعم ما جمل ابريق الشاى
في هذه الاجواء الجميلة
التي صورتها وابدعت في تصويرها

صح لسانك[/COLOR][/U]

[COLOR="Sienna"][B]اخوي أبو أنس

صح لسانك وقلبك وحروف قلمك

على هالجزله ابداع فى ابداع

اسجل لك عجابي لحروفك الراقيه

تحياتي وتقديري[/B][/COLOR]

ذكـرت حبـك للرمـل والشـدادي
واشعال نار(ن) لو على قش واعواد

ياما حلى ضو(ن)من الرمث غـادي
دخانهالـه ريحـه العـود او كـاد


الله الله

ولي عوده للهذا الجمال

ابو انس شوقتنا للبر والمكشات
الله يجيب الخير
صح لسانك على هالتصوير البديع

اللهم صل على محمد
صح لسانك يابو أنس
اشهد انك أبدعت في الوصف وعسى الله يجيب الخير ويتحقق ماطلبت مثل ابريق الشاهي اللي صاير لونه أسود
ونزيد دلة صفرا وتويس معلق وبهارات ورجاجيل شرواك وشروى من قرأ القصيده والي توه مابعد قراها
ولاننسى أبو سعد لازم يجي
عموما أنا طولتها وهي قصيره لكن ماقول الا لاهنت ياسنايدي

اخوي ابو انس

قصيده جميله .. صح لسانك

تحياتي لك