منتديات الفطاحله - القلب العطشان لشاعرنا الاستاذ باسم

منتديات الفطاحله (http://www.ftahilah.com/index.php)

- منقول الأدب العربي (http://www.ftahilah.com/forumdisplay.php?f=201)

- - القلب العطشان لشاعرنا الاستاذ باسم (http://www.ftahilah.com/showthread.php?t=23722)

القلب العطشان لشاعرنا الاستاذ باسم

[glint]القلب العطشان لشاعرنا الاستاذ باسم عبد الحكيم فى البحرين

من ديوان (القلب العطشان) دار الكتاب اللبنانى لشاعر الجيل الشاعر باسم عبد الحكيم
أنتظروا الطبعه الثانيه فى دولة البحرين احجذ نسختك من مركز دلمون

[/glint] [frame="8 80"]رافض أنهزم
لو ننكر الشمس اللى شارقه
قلب أخضر حاضن الكون والحياه
لو ننكر الفجر اللى نافد من عيون
الليل و عاصى بألف لا...
لو ينكر الدم العروق
لو تنكر الضحكه الشفاه
لو ينكر القلب الضمير
لو تنكر الغربه الآه
يبقوا الجناه متبرئين
ويبقوا المتبرئين جناه
لكن مهما يعلى الظلم
ما لينا فى الواطى جباه
إذا كان العدل غاب
ضرورى يرجع لمبتداه
وإذا كان القهرحاضر
جاى يوم منتهاه
سنين حياته سنين
نعمين.... هاديين
قائمين....ثائرين
شاربين عطشانين
عايشين ميتين
بتقولوا مين... ولا آمين
أنا أبقى مين
أنا قلب زاده عذابه زاد
أنا عبد بين صفوف العباد
لكن بأجيد أقاوم وأنا عايش وليد
وأموت شهيد
أملى الحفيد نحلم نكون
تكونوا أكون أنا من جديد
لا بد فى يوم أعود
أخطى الحدود
أنزع تبيان الغربه فى تيه الحيطان
أكسر قيود الجهل فى قلوب البيان
أبقى الأذان .... وسط الميدان ...
وفى قلبى تغلى الدمعه
وعلى خدى تفور
لكن لا هيه دمعه ضعف
ولا دمعة سرور
يمكن تكون دمعة ندم موفور
أنا السقا....
اللى شايل قربه الميه على ظهرى
وأنا العطشان
لا أنا طايل أقيم ظهرى
علشان أشرب
ولا طايل أموت صابر على الحرمان
أنا الاسم المكتوب بالحروف الميته
فى صفحة عدم
ما توجهوش لى أنا السؤال
اسألوا اللى هدم
ويا كبير يا محترم
مش أنا.. مسئول خراب الذمم

ولا كنت أنا مبعوث خيانة الأمم
لكن أكيد أنا رافض أنهزم

الناشر العربى
[/frame]