الا ياطير يمهاجر على جنح الظلام اسراب
 

بصوت المنشد خازباز
[RAMS]http://www.fatahilah.com/up/KH3lajn7r.ra[/RAMS]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الا يا طير يا مهاجر على جنح الظلام اسراب = تدور للدفاء والاّ ديارك زاهدٍ فيها
الا ياليت لو تاخذ معك من بالحشا منصاب = يدور للدفاء بعيون من بالقلب يغليها
تفرقنا وضاع الحلم وغدينا للزمن أسلاب = يحطّم كل آمالٍ مع الأيام نبنيها
ولا باقي سوى الذكرى تنادي واقفه بالباب = تبي من ينتشلها من عجاج صار يعميها
لك الله يازمانٍ ماصفى في يوم للأحباب = يصرفهم على كيفه ولا قدّر تواليها
حبيبي لا تظن أنساك مهما كانت الأسباب = عليك الله وامان الله دروب العشق ما امشيها
على الذكرى اعيش اليوم وبكره ما حسبت حساب = لأجمل من مشى بالأرض غيرك لا.. ولا..ابيها
على شانك اعيش بعزلتي لا أهل أو أصحاب = ادور فجر واشراقه عسى في يوم الاقيها
الا يا طير لو تهجر ديارك ما عليك عتاب = أجل وش ذنب من يبقى بها مع حر صاليها
ديارٍ ما بها من حب قلبي كلها أتعاب = ولو حاولت ما حاولت اسلّي النفس وارضيها
احس إني غريب الدار من حوله غدو أغراب= كسير ولا دروا عنّه وحاله في ترديها
ظلام الكون في عيني بعد ما بدر عمري غاب = اعيش بلا أمل ينقذ عروق الروح يرويها
انا مليت من جرح لهيبه نازفٍ ماطاب = مسافات العذاب وهاجس الحرمان اخاويها
الا يا طير لو تاخذ معك يمّ الحبيب كتاب = لعله يذكر ايامٍ شربنا من مظاميها
وكيف اليوم ذا حالي بعد ما فشلت الأطباب= ولا لي غير من كان السبب يمكن يداويها[/poem]

رد على: الا ياطير يمهاجر على جنح الظلام اسراب
 

[quote]ولا لي غير من كـان السبـب يمكـن يداويهـا[/quote]

[i]
صح لساانك يبو عبدالله



مبدع دائما وابدا


تحياااااااتي لكـ[/i]

رد على: الا ياطير يمهاجر على جنح الظلام اسراب
 

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
لك الله يازمـانٍ ماصفـى فـي يـوم للأحبـاب=يصرفهـم علـى كيفـه ولا قــدّر تواليـهـا[/poem]

رد على: الا ياطير يمهاجر على جنح الظلام اسراب
 

[FONT="DecoType Naskh Extensions"][SIZE="6"][COLOR="DarkRed"][CENTER]
عانقت هذه الباذخه فـ0 أسرت بي بين طيات جمالها وعذوبة كلماتها
ورست بي على ضفاف الأبداع والتميز كل ما قمت بالقراءة
رجوت ان تطول بي المسيره لا ارتوي بها
اخي الغالي
مرحبا بهذه الدرة الثمينة الرائعة هذه الباذخه
..جمالها في كمالها وتمامها .. اخذتنا الى مافوق السحاب
ونحن نتمتع بهذا 0 الجوا الرائع من الأحاسيس ....اعلم اني من المتابعين لنزفك ..
وقد سعدت بقرأة هذه القصيدة المدويه ..وهنا لا يسعني إلا أن اشكرك 0000000 بما متعتنا به
000 فـ صح بوحك دوما وابدا صح لسانك مدد بلا عدد
لك الود بلا حد
اخوك/سراب الرحل[/CENTER][/COLOR][/SIZE][/FONT]

رد على: الا ياطير يمهاجر على جنح الظلام اسراب
 

الفاضل ابو عبدالله.........................
ان قلت ان لك متع خاصه فقد اتهم بالمجامله
ولكن عشمي انك تعرف رأيي فيك منذقرأت لك
لك الشكر على متعة أهديتها لنا
لك عاطر التحايا

رد على: الا ياطير يمهاجر على جنح الظلام اسراب
 

الله الله يا المهاجر

صح لسانك يا المبدع

امتعتنا بهالصوت والابيات الراقية

أخوووووووووووك

مااجد المهدي

رد على: الا ياطير يمهاجر على جنح الظلام اسراب
 

[B][COLOR="RoyalBlue"]تـدور للدفـاء والاّ ديــارك زاهــدٍ فيـهـا

الله الله عليك يارفيق الدرب

ليس لي شهادة هنا

فشهادتي مجروحة

صح لسانك مدد بلا عدد

دمت بخير[/COLOR][/B]

رد على: الا ياطير يمهاجر على جنح الظلام اسراب
 

ابقول لكم شئ ولا تضحكون علي ،
اليوم وانا اتتبع بعض قصائدي من خلال قوقل والقى هذه القصيدة وقد نقلت لأحد المواقع ،
أعرف إنها من قصائدي ، لكن ماهيب في الديوان ، ولا في الهمس ، وارجع للمسودات
والقاها ، يعني كانت منسية ، لولا الأخ اللي نقلها الظاهر مارايح اضمنها في الديوان.
وللمعلومية هذي ثاني قصيدة يحصل معي كذا ، قد يكون لكثرة قصائدي ، وقد يكون
دلالة أكيدة على بداية التخريف ..

رد على: الا ياطير يمهاجر على جنح الظلام اسراب
 

[quote=الطائر المهاجر]ابقول لكم شئ ولا تضحكون علي ،
اليوم وانا اتتبع بعض قصائدي من خلال قوقل والقى هذه القصيدة وقد نقلت لأحد المواقع ،
أعرف إنها من قصائدي ، لكن ماهيب في الديوان ، ولا في الهمس ، وارجع للمسودات
والقاها ، يعني كانت منسية ، لولا الأخ اللي نقلها الظاهر مارايح اضمنها في الديوان.
وللمعلومية هذي ثاني قصيدة يحصل معي كذا ، قد يكون لكثرة قصائدي ، وقد يكون
دلالة أكيدة على بداية التخريف ..[/quote]

ههههههههههههههههههههه

ترى غصب عني ضحكت:d

الله يحفظك يا المهاجر

وما شاء الله عليك يا القرم

تقبل مروري الثاني

اخووووووووووك

مااجد المهدي

رد على: الا ياطير يمهاجر على جنح الظلام اسراب
 

صح السانك على هالقصيده الجزله وسلمت يمينك مبدع دائما تقبل ودي واحترامي وتقديري