ابغي اطرح ثلث قلبي اكتتاب
 

اولا يسرني ويشرفني ان اكون تلميذا في هذا الصرح الشامخ بين فطاحلة الشعر

ويسعدني ان اصافحكم بهذه القصيدة علها تنال اعجابكم واستحسانكم

ولا نستغني عن ملاحظاتكم

[poem=font="Simplified Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
للبنات اعلن وبالصوت الرفيع = ابغي اطرح ثلث قلبي اكتتاب
قلبي المجنون عيا لا يطيع = ما تمسك في هوى وحدة وتاب
متعب فكري وفكري ذا فضيع = لا سمع بالزين ولع ثم ذاب
قلبي اللي مكتسي لون الربيع = مايميز بين حبل وبين داب
ادري اني في نهايتها بضيع = وادري اني ماشي بدرب سراب
لجل هذا قلت بالصوت الرفيع = ودي اطرح ثلث قلبي اكتتاب [/poem]

رد على: ابغي اطرح ثلث قلبي اكتتاب
 

[COLOR="SeaGreen"]ههههههههههههههههاي

ابيات فكاهيه رائعه سلمت اناملك اخوي الغالي راعي كيف

بانتظار المزيد من ابداعك

تحيتي لك[/COLOR]

رد على: ابغي اطرح ثلث قلبي اكتتاب
 

[QUOTE=الـسـمـح][COLOR="SeaGreen"]ههههههههههههههههاي

ابيات فكاهيه رائعه سلمت اناملك اخوي الغالي راعي كيف

بانتظار المزيد من ابداعك

تحيتي لك[/COLOR][/QUOTE]


بيض الله وجهك اخوي السمح

والله يجبر بخاطرك مثل ما جبرت بخاطري بمرورك العطر

تحياتي لك


دمت بود

رد على: ابغي اطرح ثلث قلبي اكتتاب
 

قلبي المجنون عيـا لا يطيـع=ما تمسك في هوى وحدة وتاب
وشلون تبي تطرح ثلثه فقط ، وهو كله رايح وطي مثل المواشي وبيشه
قلبك الأخضر مثل حمل وديع= منوة الحصني قبل بعض الذياب
فمن طرد للزين يشري او يبيع = خاسر دربه ذهابٍ او إياب
لا دخلت السوق لا تشري رجيع = وطب واختر فالفواكه لك زهاب

صح لسانك
عز الله انك شاعر
لاهنت
تحياتي

رد على: ابغي اطرح ثلث قلبي اكتتاب
 

هههههههههه
صح لسانك ياراعي الكيف على هالأبيات الفكاهية الرائعه
وأبوصيك بعد :
خذ معك قلبي واطرحهن جميع **** واترك الموضوع يمشي بإنسياب
تحياتي

رد على: ابغي اطرح ثلث قلبي اكتتاب
 

صح لسانك
لا بعد وحط علاوة اصدار وبيركضون عليه العالم ركض

رد على: ابغي اطرح ثلث قلبي اكتتاب
 

اضحك الله سنك
تحياتي وتقديري

رد على: ابغي اطرح ثلث قلبي اكتتاب
 

[quote=الطائر المهاجر]قلبي المجنون عيـا لا يطيـع=ما تمسك في هوى وحدة وتاب
وشلون تبي تطرح ثلثه فقط ، وهو كله رايح وطي مثل المواشي وبيشه
قلبك الأخضر مثل حمل وديع= منوة الحصني قبل بعض الذياب
فمن طرد للزين يشري او يبيع = خاسر دربه ذهابٍ او إياب
لا دخلت السوق لا تشري رجيع = وطب واختر فالفواكه لك زهاب

صح لسانك
عز الله انك شاعر
لاهنت
تحياتي[/quote]


استاذي الطائر المهاجر

شهادة اعتز بها اذا صدرت من دكتور مثلك

والف شكر على مروك الذي زادني شرفا

وودي اسألك ...؟

وش تسوي لاقبلن يمك جميع ......... وغمزن لك بين فتحات النقاب
انت تشرد وتلعن ابليس الوضيع........ والا تاقف ترجع سنين الشباب


تحياتي

رد على: ابغي اطرح ثلث قلبي اكتتاب
 

[quote=سناعيس]هههههههههه
صح لسانك ياراعي الكيف على هالأبيات الفكاهية الرائعه
وأبوصيك بعد :
خذ معك قلبي واطرحهن جميع **** واترك الموضوع يمشي بإنسياب
تحياتي[/quote]

اتشرف بمرور الشعراء الكباار امثالك

وعلى كذ ا يلزمنا علاوة اصدا ر .... وبرضه راح نبقا خسرانين

تحياتي

رد على: ابغي اطرح ثلث قلبي اكتتاب
 

وش تسوي لاقبلن يمك جميع ......... وغمزن لك بين فتحات النقاب
انت تشرد وتلعن ابليس الوضيع........ والا تاقف ترجع سنين الشباب

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
اتثيقل كني السد المنيع = وتمقل واكتشف تحت الثياب
يمكن القى فيهن الرجل الوجيع = لو لبس لبس المره واسمه رباب[/poem]