منتديات الفطاحله - *المجاهيم الحشام*

*المجاهيم الحشام*

ياوجودي يوم شفت المجاهيم الحشام
دبرت والحظ طيراً على غصن شجره

والهقاوي تالي الوقت ماصارت تمام
وشرهة الطيب ماتسند على خبل ومره

علمتني قسوة الوقت معنى لانحطام
وعلمتني صافي الوقت يقفاه اكدره

وعلمتني شقت الصف عكس الالتحام
وعلمتني من هدم بيت عزاً ما عمره

وعلمتني انخوة الطيب كنز لايسام
وعلمتني انخوة اهل الردى عود اعشره

وانت ياللي كنت غالي ولك قدر ومقام
لين ماجوك تعكر وجا فيه اغبره

والصداقة ياصديقي تواصل واللتزام
ومايعكر جو الاصحاب مافيه ثمره

واحداً لقبلت يعطيك وجه واهتمام
خير ماللي كل ماقبلت يعطيك ظهره

ولا انا قفيت منك مثل ماقفى الظلام
لافضحه الصبح واضفى ع لارض سفره

مع جزيل الشكر وازكى تحية واحترام
ان رضيت بها خيرة واما ترضيك خيره

*محمد بن ظافر بن عجيم*
..................

مجاراه لشاعر بن عجيم

راحت المجهم وجات العفر حسب النظام
يامحمد مرتع الذود في راس قهره

المجاهيم الغوالي بعضها مايسام
وبعضها لاجات في السوق ماجت بعشره

والزمان تشوف مشيه مثل مشي النعام
يختلف مشي النعامة اذا جت بحجره

يامحمد لاغدت منك على الدنيا السلام
الجمل مايبرك الا بيده ونحره

والله ان بيني وبين المخاليق اصتدام
ادري ان بعض المخاليق يبغا الشوشره

وأدري ان بعض المخاليق يستاهل وسام
مثلكم يامحمد عجيم سيف ً نذخره

سيف عز وسيف هند نقص به العظام
احدب رأسه وحديد بطنه وظهره

والصديق اللي يخليك لاجا لزدحام
اتركه لاحتاجلك لاتقديه شعره

اتركه خله يروح وفك له الخطام
ولا تجي من تو وجهه ولا تقبض ثره

والسلام ختام وقبل تحيات الغلام
عن طريق العاطفي في المجاراه اثمره

*مبارك ظافر ال غازي*
........................

مجاراه لشاعر بن عجيم

مرحباً وأهلين وعداد من صلى وصام
وعد ماهل المطر من مزونه وانثره

وعد ماهب الهوى من على روس العدام
وعد مايمشي على الارض من كل ابشره

لا توجد يابن. ظافر. وذا شيئاً حرام
اطلب الله وارفع ايدك وشوفه وابصره

المجاهيم. ادبرت والله انك ما تلام
والمغاتير اقبلت مابقى منها إ شعره

السنين أ تروح مثل السفر يجلا الظلام
والعمر ينقص ويرجع وصوب المقبره

يفعل الرجال طيب. وينهظ للا مام
والردي كبه وجنب. طريقه وا خسره

والله. الجمعاء معزه على سلم وسلام
مثل ماتجعل مع العود مسك واعنبره

والتفرق يكسر الصف ويرث لنهزام
والعدو يفرح وكل ماطال من شي اكسره

والله. اللي. يعلم. السر. وعينه. ماتنام
يكشف. الغمه. عن. الناس بلطفه وانظره

والسلام ختام في المبتدى واخر كلام
خلكم. في. البيت لاتطلعون من احجره

مبارك مقعد ابو سعيد
..................

مجاراة الشاعر أبن عجيم

هاجس الأشعار يرقى على متن الغمام
ويتقدم ويتمكن ويأخذ ندره

مثل ماقال ابن جدلان جعله للرحام
من يعيش بوقتنا بين أمانه وخطره

والكفو يحفظ حلاله وعينه ماتنام
ماينام اليل والخصم واجب يقهره

راع المجهم على الوضح يدعي بالهيام
اشغلوه العالم اللي بلونه تحقره

وطول الله عمر عود تحزم بالحزام
ويتعزوا دون ربعه وعمر منبره

واعتنا أبن عجيم بالمفرده عرف ونظام
وابن ظافر وابن مقعد كلاهم مفخره

وابن برمان يتقدم لهم بأزكا سلام
والمعزه بالغه والرموز مشفره

شاعر الخوه
فهد بن معيض ال برمان
...............................

مجاراه لشاعر بن عجيم

عدماهل المطر من مقاديم الغمام
وعد ما يثمر على لارض من غصن شجره

وعدمن زارالمدينه ومن صلى وصام
وعد مافي حرة المهد من كل حجره

مرحبا ترحيبة نورها يجلى الظلام
مثل نورالصبح لابان وانور بسفره

مرحبا يامحمد الشهم يالحر القطام
ياولد عود بكل المراجل نذكره

كم صديق يامحمد تعد انه حسام
تفتخر في عرفه ولشدايد تذخره

وان بدا ألازم وجيته تبي العلم التمام
اعتذر يحسب كبير العذر بيعذره

يالحثيثي حث الاقدام في شرق وشام
لين تلقى الصاحب اللي يساوي له عشره

والمجاهيم ان غدت منك في جنح الظلام
العوض عفر لجلها الوجيه مقدره

من عكس سير المسيره يخالفه النظام
وحكمة المولى في كل الامور مقدره

والتحية يامحمد مع مسك الختام
ياولد عود بكل المراجل نذكره

ومانع له الشكر وازكى تحيه واحترام
سجل التاريخ فعله بطيب وسطره

مسلط بن علي بن عجية
...................

مجاراه لشاعر بن عجيم

قال من هو لابغى الشعر يرقى للسنام
ويتخير في خياره وياخذ ندره

وانت يابن عجيم هيضتني وانا هِمام
لان ماجاكم لفانا ومن اول نستره

مثلك ومثلي وإللي تجي واللي إقِدام
كل حي يموت بس العٍبر في دفتره

الشباب يجي ويروح والدنيا حطام
والليالي المظلمه صعب ترجع مسفره

وخِلقت الدنيا تفاخر وزينه للأنام
وتاليتها اعمال وشهود بعد المقبره

يابن ظافر وانت الاستاذ شغموم هِمام
يامحمد انت قايد ونتبعه بثره

من هو اللي ماتعلم من امورٍ عظام
ومن هو اللي دوم الايام بوجهه مسفره

وكم رفيق نحسب انه مكمًل ياسلام
وكم بعيدٍ كل ماجاه امرك يسًره

هكذا الدنيا كنها الرحى على المقام
وكل وقت له رجاله بفعولٍ مسطًره

ويالله تبدلنا بمن شدو بِنْزوُل تمام
بالمعزه ودين مع كل ذنب تجبره

منصور المري
.....................
مجاراه لشاعر بن عجيم

ايه يا عذب السوالف وياطيب الكلام
هيض اللي جر صوته والحياه مدبره

يا وجودي والتوجاد من بعد السلام
وجد عود كثرة أوجاعه بختمان سفره

قل شوفه وممشاه ياضعف المقام
قام يطري له طواري عليه تذكره

ياضرب بكف على كف ما جاه المنام
وداري ان العمر تاليه سور المقبره

يا محمد يعجز الفكر في جمع الكلام
وصرت متغير ونفسيتي متغيره

يا محمد قدلنا كل يوم في غمام
وزمن من طاوله جاك والله بخبره

كل يوم تطلع الشمس وينباج الظلام
نبتهج ونقول قشر الايالي مدبره

مالنا عن تالي العمر عذر ونهزام
استعن با الله والليل بالذكر اعمره

فرج هارون الحميداني