منتديات الفطاحله - دام المصالح تحكّم في ضعاف النفوس

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - دام المصالح تحكّم في ضعاف النفوس (http://ftahilah.com/showthread.php?t=119226)

دام المصالح تحكّم في ضعاف النفوس

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دام المصالح تحكّم في ضعاف النفوس= فلا تامن الغدر ياتي من صديق وقريب
احفظ لقرشك وسرك لا تصله التيوس = وخلك مع الله يحفظك ف الزمان الغريب
لا تقول هذا اثق به خابره عن دروس = ترى الحصاني تغيّر ف اللباس المريب
ولا تقول هذا الذي ربّيت مابه حدوس = دمه ولحمه اصيلٍ من اصيلٍ عريب
ولا تقول هذي ملاكي فتنتي والعروس = ياما سنينٍ مضن لي تحت غصنٍ رطيب
وقتٍ به الناس باعت دينها بالفلوس = ومعه المبادي توارت مثل شمس المغيب
قانونها دوم واضح ما حصل له طموس = خلك حصيني وتفرس لو بغيت الف ذيب
علمني الوقت ما انظر للهرج واللبوس= انظر لفعل الرجل يخطي او انه يصيب
ولا انخدع بالمصلي واللي بدقن المجوس= كم فاسد في صلاته يخفي وراها المعيب
وكم واحدٍ حط دقنه شان يخفي الرموس= كل الخنا فيه يخدع من يظنه حبيب
ما اشوف إلا صور من دون فكرٍ تحوس = واللي بذاته حقيقي صار وقته صعيب
وكلٍ يدوّر على ما ريّحه من عبوس = ممنوع وإلا بوصفه جابها من طبيب
ومعها البعض صار يتقن مكر عند الضروس = حتى يتمكن ويصبح للمبادي حريب
يصير همه يبي جاه ووجاه ومكوس = مهما كسب من حرام ولا يخاف الرقيب
ومن عقب ماهو ذليلٍ ينعرف للجلوس= اصبح هو الشيخ في رايه سديد ومصيب
هذا هو الحال في عصر النفط والفلوس= الخلق ضاعت وكلٍ فيه اصبح غريب[/poem]