منتديات الفطاحله - رثاائيه في والدتي . رحمها الله

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - رثاائيه في والدتي . رحمها الله (http://ftahilah.com/showthread.php?t=172415)

رثاائيه في والدتي . رحمها الله

[center]
،،،،،،،،،،،،،،،،،،،،،،،

[poem=font=",6,black,bold,normal" bkcolor="transparent" bkimage="" border="solid,2,purple" type=1 line=1 align=center use=ex num="0,black""]

يالله ياللي جميع الخلق محصيها = يا عالمٍ بالخفا يا عالى الشاني
ياللي بامرك هبوب الريح مجريها = سبحانك بحكمتك تصريف الاكواني
تلطف لعين بكت لفراق غاليها = يوم الخميس الفجر من عقب الاذاني
ابكي على امي وكل الناس تبكيها = ابكي عليها حزن و كل جيراني
يوم القدر ساعته حانت حراويها = مال للبنادم جدا لو كان ما كاني
جاها القدر عند صلاة تصليها = بلحظة خشوع وقلب زايد ايماني
و بجسمها الطاهر اجلال مغطيها = وقدامها شفت سجاده و قراني
ياكود اهون على روحي و اهديها = والعين تدمع واهدي باقي اخواني
نواف لاتزيد في روحك و تشقيها = اثرت فيني وجرح فراقها باني
عيني من بكاك هلت كل مافيها = واظلم علي النهار وصرت حيراني
اتعبت حالي ومافيها مكفيها = اشيل همي و صدري فيه نيراني
لو البكا يستعيد النفس ويحييها = ولله لابكي عليها كل الاحياني
مير الامر قاضي من عند واليها = امر مقدر و مكتوبٍ للانسانِ
دنيا عسى الله يكافينا بلاويها = ويعين قلب من اللي صابه يعاني
من عادتي كل يوم اجلس واحاكيها = وانسى ضروف الحياه و كل الاحزاني
يالله طلبتك من الاهوال تنجيها = وتكتب لها برحمتك عفوٍ و غفراني
وتنور بقبرها نور حواليها = و تفتح لها باب من ورد و ريحاني
ارجيك ، و بجنة الفردوس تجزيها = و تجعل لها دار في جناتٍ افناني[/poem]

^^^^^^^^^^^^

^^^^^^^^[/center]