يمه ترا فرقاك ماهي بسيطه
 

[center][font="arial"][size="5"][color="blue"]

يمه ترا فرقاك ماهي بسيطه
من بعدكم ذقت الهموم السلايط
أي والله أن الفكر زاد اتخبيطه*
حيران يايمه ونومي غطايط
الزلفي في عيني تضايق محيطه
كني طريحٍ ذاق ضرب السوايط
من فوق ضلع اطويق صوتي أعيطه
ونّات قلبي شبه موس الشلايط
نفسي حزينة والمواجع شطيطه
حد الرماح ابوسط جوفي لاعايط
بيتك بعد فرقاك ظلمة تحيطه
والحزن وشّح كل ركنٍ وحايط
يمه حياتي دون شوفك وريطه
كني يتيمٍ طول وقته يعايط
قربك دوا يبري الهموم الغويطه
تسوين من يسكن جميع البسايط
بوسة قدمكم كل جرح*ٍ تخيطه
وكل الحواس الخمس عندك ربايط
انتي الحنان اللي زهورك يحيطه
وانتي الدفا لازاد برد الشبايط
نفسي لبرك يا بعدهم نشيطه
ويضا الخوافي كلبوهن نشايط
دامك معي تبقى حياتي ضبيطه
ومجملة يمه بحلو الشرايط
عنك الأذى يمه بيدّي أميطه
وحبك سكن قلبي بليا وسايط
يازين ماضيكم ونغمة شريطه
فيه علوم الطيّبات اللقايط
[/color][/size][/font][/center]

رد: يمه ترا فرقاك ماهي بسيطه
 

[size="5"][center][color=#cc0066]
صح لسانك عبدالمحسن

و الحمدلله ع السلامه

و الله يعينك و يصبرك يالشاعر

ولاهنت [/color][/center][/size]

رد: يمه ترا فرقاك ماهي بسيطه
 

صح السانك
ابداع الله يعينك
والحمد لله على سلامة الأسفار
لاهنت

رد: يمه ترا فرقاك ماهي بسيطه
 

[color="darkred"][size="5"][font="arial"]
صح لسانك يالقرم
جزل ومتمكن
لاهنت
تحياتي وودي
[/font][/size][/color]

رد: يمه ترا فرقاك ماهي بسيطه
 

[size="5"] الله الله عبد المحسن العمر تعبير من احساس حقيقي وصادق غفر الله لوادتك وادخلها فسيح جناته اللهم امين [/size]

رد: يمه ترا فرقاك ماهي بسيطه
 

صح لسانك
والله يغفر لها - امين

رد: يمه ترا فرقاك ماهي بسيطه
 

صح منطوقك وحرفك

رائعه من رائع

تحياتي لك

رد: يمه ترا فرقاك ماهي بسيطه
 

مبدع ورائع
رحم الله والدتكم
تحياتي

رد: يمه ترا فرقاك ماهي بسيطه
 

صح لسانك وفكرك
مليون × مليون ولاتكفي
لاهنت يالغالي
تحياتي واحترامي

رد: يمه ترا فرقاك ماهي بسيطه
 

[font="comic sans ms"][size="6"][color="darkslategray"]رحم الله ولدينا ولديك
يعطيك العافيه
صح لسانك ملايين
لاهنت
تحياتي[/color][/size][/font]