يابراد الصيف
 

[poem=font=",6,black,bold,normal" bkcolor="transparent" bkimage="" border="none,4," type=1 line=1 align=center use=ex num="0,black""]
يابراد الصيف ياظـل الهجيـر =يامعاليـق الحشـا يالغالـيـه
ليت لي جنحان باطرافي واطير= مايهمّن حـر شمـس القايلـه
يابعدهم من طريف ليـا عسيـر =ومن بقيق لحد سبـت العاليـه
ذقت طعْم الحب يوم اني صغير= بس حبّك حيـل كاسـه حاليـه
في وجودك أنتشي كنّـي أميـر = والملابس كـان غبتـي باليـه
ان عطشت القاك لي ميّ غديـر =أو ينابيـعٍ الوجـام السايـلـه
وان رضيتي منطقك لين الحرير = وان زعلتي اووب غلطه قايلـه
ما يجنّ الخود لك انـداد غيـر =من صفات الزين كلـه شايلـه
ان وصلتيني مثل جبر الكسيـر =وان هجرتيني عزومـي مايلـه
للهوى جيشٍ ليـا مـدّ النفيـر =قوّتـه لاهـاج قـوّه هايـلـه
ذا يصيح وذا يطيـح وذا يغيـر= وذول كسّابـه وذولا جالـيـه
حرب كل اللي يواجهـا خطيـر =صايلـه والا جموعـه زايلـه
لكن انتي مالنـا عنّـك مِطيـر =كـل ذره منْـك ماهـي خاليـه
نوب نرشح دمع من شانك غزير =ونوب نضحك والمشاعر ساليه
حبنا مبطي مهـو تـوّه غريـر =له غصـونٍ بالثمـر متْداليـه
عاذلي شف شعر بشّار وجريـر =والعصـور الاولـه والتالـيـه
لا .. بكيفك خل لومك لي كبيـر =مالك بلومي وانـا بـك ماليـه
اكتب الاشعار من دون استشير= أو أخاف من الهـروج الطايلـه
كل حاكم له وزيـر ويستشيـر =وكل شاعر بالقصيد الراي لـه
صحّ .. به شاعر مع العالم أجير =مـع قصيـده رمتّـه متمايلـه
صورة الاطماع لصقت بالنظيـر=يستـدر العطـف والا يحايلـه
لكن الحب المشـرّك بالضميـر=يجبر العاشـق بنـارٍ صاليـه
كان صاغ الشعر جابه مستطير=فـي بيـوتٍ ترتجـل متْتاليـه
هاك يا ريحانتي ماهـو كثيـر= مالقيت الا الشعِر مشكـى ليَـه[/poem]

رد: يابراد الصيف
 

اثاريك رايح وطي
قليبك لايزال اخيضر
لكن حقيقة نص غير
من شاعر غير
صح لسانك
ولاهنت
تحياتي

رد: يابراد الصيف
 

ياسلام عليك
ابيات صفق لها القلب طربا
زدنا بارك الله فيك
تحياتي وتقديري

رد: يابراد الصيف
 

[font=courier new][size=5]ماشاءالله[/size][/font]
[font=courier new][size=5][/size][/font]
[font=courier new][size=5]نص رائع جدا[/size][/font]
[font=courier new][size=5][/size][/font]
[font=courier new][size=5]صح لسانك[/size][/font]
[font=courier new][size=5][/size][/font]
[font=courier new][size=5]وبيض الله وجهك[/size][/font]

رد: يابراد الصيف
 

صح لسانك وعلا شانك
قصيده رائعه وابدعت يامميز
أجزل التحايا والاحترام

رد: يابراد الصيف
 

الطائر المهاجر
يالغالي القلب اللي مافيه خضار فهو هشيم
أشكرك على إعجابك وردك

رد: يابراد الصيف
 

الشاعر حمود المزيني
صح لسانك جزلة ومن جزل
رائعة جدا الله يعطيك العافية
بيض الله وجهك تحياتي واعجابي

رد: يابراد الصيف
 

الاخ : منيع
أسعد الله قلبك
تقبل تحيتي

رد: يابراد الصيف
 

[font="comic sans ms"][size="6"][color="blue"]أحسنت أخي العزيز/حمود المزيني أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز [/color][/size][/font]

رد: يابراد الصيف
 

[font=comic sans ms][size=6][color=purple][i]ابدعت[/i][/color][/size][/font]
[font=comic sans ms][size=6][color=purple][i]صح لسانك [/i][/color][/size][/font]
[font=comic sans ms][size=6][color=purple][i]جزلة من راس جزل[/i][/color][/size][/font]
[font=comic sans ms][size=6][color=purple][i]لاهنت[/i][/color][/size][/font]
[font=comic sans ms][size=6][color=purple][i]تحية طيبة[/i][/color][/size][/font]
[font=comic sans ms][size=6][color=purple][/color][/size][/font]
[font=comic sans ms][size=6][color=purple][i]زهرة[/i][/color][/size][/font]