منتديات الفطاحله - بيضاء الجزء الثاني ....

رجع المرسول لخال منصور وعلمه بطلب الشيخ صاطي وركب حصانه ولاوقف الا عند بيت ابو منصور
ابو منصور: وش جايبك
خاله: جابني راس منصور كان تبيه
ابو منصور: ولدي وش جاب راسه لك لايكون ذبحه صاطي ماخبرت الاسير يذبح
خاله: صاطي يبي العوض بيضاء بدال منصور
ابو منصور:انا ابو منصور مابعد صرنا حريم يسوق بناتنا وعيالنا صاطي
خاله: لاتعجل يابو منصور خل نفكر و شالسواة
ابو منصور:مافيها تفكير هالحين نركب مع ربعنا ونتسلح يانعود بمنصور يانموت معه
خاله: خل نشوف لنا حل بدال الحرب
ابو منصور: الموت ولا بيضاء تلحق منصور
خاله: ياجعل الرجال فدوة لك يابو منصور انا طالبك تسامحني على ماجاك مني وعقب زعلك عشان بنتي رقبتي فدوة لك
ابو منصور: اعوذ بالله من ابليس مابينا الا مطاوعتنا له
خاله: يالله صح في ربعك وانا باعود اجيب ربعي وسلاحنا والوعد عند الشيخ صاطي
وصل العلم للشيخ صاطي ان العرب غازينه وركب فرسه وركب منصور معه على فرس وقابلهم بالطريق ووقفهم
الشيخ صاطي: يابمنصور ابرك الساعات اللي جابتكم مالي الا هالحيله عشان اوفي بوعدي لمنصور ياخذ بيضاء زوجتن له
ابو منصور: اعوذبالله من ابليس اللي حرم ولدي من عطفي عليه عشان زعلن مايسوى
خاله: اجل يابو منصور نبارك لبيضاء ومنصور؟
ابو منصور: الا باركوا لي بك وبالشيخ صاطي تعال يابوك منصور نروح لامك نطمنها ونسير على خالك نخطب بيضاء لك وتراك ياشيخ صاطي انت الشاهد على زواجه
الشيخ صاطي: ابرك الساعات وبالمبارك يامنصور
منصور: وعدت ووفيت ياشيخ واسمع وش اقول
الشيخ صاطي: قل يامنصور يازين طروقك
ياعين طاب الكيف وامسيت في خير**** ورجم السعادة بايناتن شروفه
ربي عطاني طلبتي ومابي غير*** قرب التي ودي دواما اشوفه
وافيتها وكانت وفاء دون تقصير*** ومن شانها اوردت عمري حتوفه