حلم الفطاحل
 

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياعجوز شفتها قامت تناظر = واذهلتني بالعيون المستحيه
قلت وش بك قالت انت الي تطامر = انت وشبك تفتكرها مسرحيه
قربت يمي وشاهدت المناظر = عينها والناب كنه ناب حيه
خفت وسط السوق تبلشني المحاضر = قلت انا غلطان ماسقت التحيه
قالت ايه الحسن ماله فيك خاطر = قلت انا من طرفك الساحر ضحيه
اضحكت وتكلمت بكلام خاثر = قالت انت الحب ياغالي عليه
وابتلشت بحينها والحظ عاثر = قلت يالله فكنا من هالبليه
والتفت وشفت ضحكة طرف ساحر = اثرها بنت الولد للجده جيه
أزهمتها قالت الشيطان شاطر = ودعتني والدموع ابها طريه
يوم راحت والعرق مني تقاطر = قمت من نومي وجبت احلى هديه
استراحه بين غايات المسافر = للفكاهه مالها غايه رديه[/poem]

قمت من نومي وجبت احلى هديـه

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
غيرها العب ترى الملعوب ظاهر = ولا تحاول دبلجة هالمسرحيّه
قلبك ارهيّف ونا لي وقت خابر = دايمٍ في السوق خطواتك ونيّه
حية رقطا وتلسع بالنواظر = ما سلم منها عجوز ولا نبيّه[/poem]

الأخ الشاعر فلاح

صح لسانك
كلام جميل وموقف أجمل
وفعلا تصلح مسرحية مصغره

تحياتي

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياهلا يالي بنظم الشعر ماهر = جيتك خطوه عزيزه صدق نيه
عشت يالطائر توافي بالجواهر = شد حيلك وابشر ابفزعه قويه
لاتخطط خل تقليب المساطر = ماتفيد الهندسه بين السريه[/poem]

اخوي سناعيس

اشكر لك طيب تواصلك
وياليت تكلم ابو عبدالله يخرجها زين


تحياتي واحترامي

فلا ح ابن منشار
لا تعليق الا بصح لسانك
وقصيدتك عذبة والله يعلم بكم
استمتعت بها

تسلم يالغالي

اخوي

ابو زياد
جيتك احلى من كل القصايد
وتواصلك مطلب


لاعدمتك

الشاعر والمبدع .. فلاح بن منشار
تصوير رائع .. وفكاهي .. وراقي لمستوى حرفك المعتاد .. تقبل مني هذه المجارات التي لا تأتي بمقام ابياتك ..

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياعجوز ٍ ناظرت جزل المحابر = واذهلته وخالطت فيه البليّه
الهواوي مايخطفه طيف عابر = والهقاوي بالغزال العارضيّه
والوجوب اليا سمعنا بالمنابر = نتبع المنصوص لو ماجا هقيّه[/poem]

اكرر اعجابي .. برائعتك ..

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
تبغي التخريج والمونتاج حاضر = ارفع الستره ولا ترفع قضيّه
واكشف اللي صار من خلف الستاير= قبل مالمخرج يكمل للبقيّه
ظاهرك طيب واخاف العكس صاير= ما توفر من تشوفه لو شويّه
شايل سيفك وتضرب لو تخاطر = فالمحلي او صناعه اجنبيه
كان تنسى فالمهاجر دوم ذاكر= يوم تاخذني معك ليله هنيه
سبحتي بافلها ما نيب صابر = لو تغطي او تغير للهويه[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
انت يانسناس قدرك فوق ظاهر = مثل نجم اسهيل مايخفى عليه
انت غالي وانت لي ياشيخ تامر = جيتك تسوى قصور الفيصليه
جزل قافك هزني لو كنت عابر = وفقك ياصاحبي رب البريه[/poem]