منتديات الفطاحله - بالغش فاز ...بوش

[poem=font="Simplified Arabic,5,purple,bold,normal" bkcolor="transparent" bkimage="" border="double,4," type=0 line=0 align=center use=ex num="0,black"]
بالغش فاز اللي على الطول غشّاش = طبع الحصيني بوش حتى مع الجيش
المرّه الأولى كسب "دول" بخشاش = والثانيه "كيري" ولا صار تفتيش
ذاك "بميامي" .. ثم هذا ولا هاش = "بوهايو" المسكين حطوه بالخيش
لا ذا ولا هذا له الأمر لو شاش = الأمر للي لا بغى يمكع الفيش
خلف الستار ولا قرب نور ينحاش= من كل صهيوني نظنه بتهميش
يشري بماله صوت بوم وخفاش = واسرار لاسرائيل لو هي تناتيش
بوشٍ مثل دميه تحرك على فلاش= و"شيني" هو المخرج لفلم الخفافيش
ومن خلف "شيني" طغمة الشر الاوباش= اللي بدرب الشر صاروا مطاريش
والراس لامن مال للحقّ ينداش= والاّ يدبر له "مونيكا" على الطيش
هذي هي امريكا وكر كل هتاش= مابين حصني او طيورٍ بلا ريش
من كل فجّ اقبلوا بين لطاش= وآخر فقيرٍ ساقته لقمة العيش
والكل عطشانٍ يبي ميّة غراش = تغسل بقايا العقل والدين تطنيش
يسعى كمالحيوان في وسط الاحراش= عهر وسفاحٍ بالمحارم وتحشيش
يمشون كالآله تبرمج برشاش= تقتل وترهب دون تسأل على ويش
قامت عليهم ديرة الفجر ببلاش= تخدم بني صهيون في كل تكويش
هذي هي امريكا وضوحٍ كما الشاش= ومن لاعرفها فوق عينيه تغبيش
مخدوع بشْعارات مجرم وبكّاش= عدل وتساوي .. والحقيقه تفاقيش
مهما تغيّر راسها.. مات أو عاش = اسلامنا وثرواتنا اهداف للطيش
ما ابقوا لنا حتى ولا باقي عراش= ويا ويل من يحتج يرسل له الجيش
الشعب لا منّه قبل راس غشّاش = فابحث تلاقي كل ابوهم دراويش
يسكت على غدره مخافته ينداش= خانع ذليل ولوعدم لقمة العيش[/poem]