قال الحكيم وكل قوله على ساس
 

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قال الحكيم وكل قوله على ساس= لاتكون لا ذيلٍ ولا بموقع الراس
فالذيل تابع جامع للنفايات = ومعلاق ما يخلى من اقذار وادناس
مهما انتفخ في يوم لابد خاسر=يقطع ويرجع للمذله والافلاس
والراس لو وقته مشى له على الكيف =في يوم يقلب جالبٍ كل الاتعاس
فاقنع برزقك ولا يتزايد طموحك=ومشيك عدال محيّر بعض الانجاس
وخلك بعيد عن امور السياسه= ترى السياسه بحر يحتاج لقياس
وما كل غطاس نجح في مرامه= للبحر اسرارٍ عصت كل غطاس
لايخدعك من قال حرٍ برايك = حر بنفسك وغير هذا بتنداس
رايك لنفسك لاتثق باي مخلوق=دام الفكر محسوب لو كان هوجاس
في وقت مابه لا ضمير ومبادي=الوقت للدولار في كل الاجناس
وقت به الانسان حيوان ناطق=يفرس لغيره لو قريب من الناس[/poem]

رد: قال الحكيم وكل قوله على ساس
 

وانت حكيم يادكتور
ماقلت الا الواقع الصحيح
شكرا لك
تحياتي

رد: قال الحكيم وكل قوله على ساس
 

صح لسانك يا دكتور

نص حكيم وهي عادتك الحكمه

لا هنت لا هنت

رد: قال الحكيم وكل قوله على ساس
 

صح لسانك وعتلى شانك
لاهنت
تقديري لك

رد: قال الحكيم وكل قوله على ساس
 

الطائر
صح السانك ملايين
ابيات رائعة وهادفه
لاهنت

رد: قال الحكيم وكل قوله على ساس
 

قال الحكيم الطاير اللي مهاجر
ابدع له ابيات كما در الالماس

صح لسانك ياوسيع المعرفة
انشهد انك قلت والقول حساس

رد: قال الحكيم وكل قوله على ساس
 

لايـخـدعـك مـــن قـــال حـــرٍ بــرايــك
حــر بنفـسـك وغـيـر هـــذا بـتـنـداس

الله الله

حكيم ومبدع كعادتك

صح لسانك

تقبل مروري

رد: قال الحكيم وكل قوله على ساس
 

شكرا منيع
على كريم المرور
لاهنت
تحياتي

رد: قال الحكيم وكل قوله على ساس
 

نص لايكتبه الا حكيم

كفو يابوعبدالله