منتديات الفطاحله - ياسعود عسى دياركم علها السيل

[poem=font=",6,black,normal,normal" bkcolor="transparent" bkimage="http://www.fatahilah.com/mwaextraedit2/backgrounds/25.gif" border="double,4,black" type=1 line=0 align=center use=ex num="1,black""]
يـاســعــود عـــســـى داركــــــم عــمــهــا الــســيــل=عــقـــب الــبـــروق الــلـــي تــكــاشــف جـهـتــهــا
عــطــنـــي جــمــيـــع اخــبـــارهـــا بـالـتـفـاصــيــل=عــــــســــــى الــــــرجــــــوع الـــتـــالـــيـــة ســيــلـــتـــهـــا
لـــعـــلـــهــــا دايـــــــــــــم تــــــصـــــــب الــهــمــالــلـــيـــل=عــــــلــــــى الــــــفــــــروع جـــبـــالـــهـــا واوديــــتــــهـــــا
دار ربـــــــــو فـــيـــهـــا الــــرجـــــال الــمــشــاكــيــل=مـــــن مــاضـــي الايـــــام مـــــا احـــــد شـمـتــهــا
حـــمـــايــــة الـــخـــايــــف وصـــبـــابــــة الـــهــــيــــل=وعــــــوق الـسـمــيــن الــلــلــي تـــمـــوح ذنـبــتــهــا
لــو كــان مــا رجــي مــن وراهـــا محـاصـيـل=مـــيــــر الـــرجــــال تـــحــــب مـــــــن سـامـعــتــهــا
وفـــــــي ضــفــهـــم راع الــعــيـــون الـمـكــاحــيــل=الـــلــــي يــــــــذوب الــقـــلـــب مــــــــن سـلـهـمـتــهــا
إلــــى اقـبــلــت قـــــام يـتـكـفـكـف دجـــــا الـلــيــل=كـــــــــــــل الـــــــديـــــــار الــمـــظـــلـــمـــة نــــورتـــــهـــــا
وإلـــى ادبـــرت غـطــت جـسـدهـا المـجـاديـل=بــــيــــن الــخـــلايـــق لـــــــــو تــــعـــــرى كــســتــهـــا
أن كــفـــتـــه مــــثــــل الــغـــصـــون الـمـحــامــيــل=وان فــــلـــــتـــــه قــــــــــــــام يـــتــــثــــنــــى تـــحــــتــــهــــا
كــنـــه سـبــيــب الــلـــي لــيـــا مــاحـــت الـــذيـــل=راســـــــــــــه تـــــــعـــــــدى راســـــــهـــــــا وارقـــبـــتــــهــــا
صــفـــرا وهـــــي بــعــذارهــا ســمــعــت الــخــيــل=اشــــــد مـــــــن ضـــــــرب الـــدفــــوف أرجـفــتــهــا
وقــامــت تـشــيــل بـنـفـسـهـا بـالـسـمــاء شــيـــل=وصـــــاح الــنــذيــر وســـبـــق الــخــيــل جــتــهــا
خـيــالــهــا دايـــــــم عـــلــــى خــصــمـــه الــمـــيـــل=إلـــــــــى فـــــــــرق رجـــلـــيـــه عـــــــــن مــعــرقــتــهــا
شـــــيــــــخ مــضـــريـــهـــا لـــنــــطــــح الــمــقــابــيـــل=صــــــــــوب الـــــخــــــلا بــعــنــانــهـــا مــاعــفــتــهـــا
تـــفــــرح بـــــــه الــــلــــي مــــاروراهــــا ريــاجـــيـــل=وصـــكـــت عـلــيــهــا خـــيــــل قـــــــوم وخــذتــهـــا
قـــــــــــــــوم تـــــقـــــفـــــوا جـــــلـــــهـــــا والـــمـــخـــالـــيـــل=أقــــــفـــــــوا عــــــلـــــــى خــلــفـــاتـــهـــا واجــنــبـــتـــهـــا
وابــــطــــت فـــــــــزوع مـســحــبــيــن الـشــمــالــيــل=وجـــــاء مـــــن يـــــرد الــبـــل عـــلـــى راعـيـتــهــا
عـــــن كـبــدهــا يـجــلــى الـــصـــدا والـبـهــاذيــل=الـــــى لــفـــت فــيـــه الــصـــدف مــــــن بـخـتــهــا
ونــــــادى لـــهـــا يــــــام الــحــلـــق والـخــلاخــيــل=ويــــــــــن اتـــــجـــــاه الـــــقـــــوم يــــــــــوم اقــتــفــتــهـــا
وقـــــامـــــت بـــــذرعـــــان زهـــتـــهــــا الــمــفــاتــيــل=تـــنـــعــــت وراهــــــــــم لـــــيـــــن وكــــــــــد نــعـــتـــهـــا
وقــــامـــــت تــــزغـــــرد بــالــغــنـــاء والـــمـــواويــــل=وجــــاه الــدهــاش وشــــاش مـــــن غـطـرفـتـهـا
ولـــحـــق بــســيــفٍ لـمـعــتــه مـــثـــل الأســتــيــل=وصــفـــراً إلــــــى جــــــات الـــحـــلاة أطـمـرتــهــا
وأومــــــى بـــهـــم مـــثـــل الـــهـــوى بـالـمـخـايـيــل=وضــاقـــت بــهـــم جـــــرد الــســهــال وسـعـتــهــا
مـــن راح مــاعــود ومــــن طــــاح مــــا شــيــل=وقـــطـــم الـــحـــذا راجــــــت عـلــيــهــا غـبــرتــهــا
فـيــمــا مــضـــى واوردتــهـــا ضــــــرب تـمـثــيــل=لــــوكـــــان دورات الـــــزمـــــن كــــــــــد مــحــتـــهـــا
دنـــيـــا تـــفـــرق شـــمـــل جـــيـــل بـــعــــد جـــيــــل=قـــــدامــــــنــــــا كـــــــــــــــــم عــــــــاالـــــــــم فــــرقــــتــــهـــــا
دارت بــــنـــــا الايـــــــــام مــــثـــــل الــمــحــاحــيــل=عـــنـــهـــا نــــحـــــت فــــيـــــه وعـــــنـــــي نــحــتـــهـــا
نــــحـــــت ولاجـــتـــنـــي خــــطـــــوط ومـــراســـيـــل=وإلــــــــــــــى كــــتـــــبـــــت رســـــــالـــــــة مـــاقـــرتــــهــــا
لاكــــــــن قــــــــرار الــــحــــب مــافـــيـــه تـــعـــديـــل=لـــــو عــشـــت بـالـدنـيــا إلـــــى آخـــــر سـنـتـهــا
يـبـقـى عـلــى مـــا كــــان لــــو طــالــه الـطـيــل=رســـــــــــــمٍ بــــذاكــــرتـــــي وفــــــــــــــي ذاكــــرتـــــهـــــا
هاض الضمير وقلت من عر ض ماقيل=واخــــيــــر مــــــــن ســــــــرد الــعـــلـــوم اثــمــرتــهـــا
اخـــتــــرت مـاتـصـصــلــح عــلــيـــه الـتـعـالــيــل=عـــنــــد الـــرجــــال الـــلــــي تـــصــــوغ أمـثـلـتــهــا
بــعـــض الـــرجـــال يــقــابــل الــكــيــل بـالـكــيــل=وبــــعـــــض الـــــرجـــــال تـــحـــدهــــا مــعــرفــتــهــا
والــــنـــــاس بــالــلــلـــي مــاتــعــرفـــه جــهــاهــيـــل=ويــــبــــيــــن غــــــيــــــب قـــلـــوبـــهــــا بــالــســنــتــهـــا
وتــــعـــــرف فــصــيـــلـــة دمـــــهـــــا بـالـتــحــالــيــل=وتــــبــــيـــــن جــنــســيــاتـــهـــا مــــــــــــــن لـــغـــتــــهــــا [/poem]

للشاعر عبدالله بن زويبن الحربي

[poem=font=",6,black,bold,normal" bkcolor="black" bkimage="http://www.fatahilah.com/mwaextraedit2/backgrounds/25.gif" border="double,4,black" type=1 line=0 align=center use=ex num="1,black""]
ياراكب اللـي يـوم تسمـع وشيشـه=وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة=وتبيـن أنيـابٍ سـوات المناقـيـش
يمرج مـع البيـدا إمـراج الخريشـة=إلى أمرجت بين الوحـش والنواحيـش
مـن عقـب ماهـي للمنايـا وليشـة=بيـن الصقـور ومبهمـات النواتيـش
حيت حيـاة اللـي بتالـي الحشيشـة=عقب الدرك شرب القـراح النقاريـش
جمسٍ يربح كـل مـن حـط شيشـة=يتعـب بتعبيتـه طـوال الخراطيـش
إلى وقـف يكـوي الكبـود الغشيشـة=وإلى مشى ما يلحقه مومـي الريـش
برقٍ من العـارض جذبنـي رعيشـه=يـوم يتـلالا بالمـزون المراهـيـش
وأثره مـا يسقـي الكبـود العطيشـة=يبرق ويرعد مير مدري علـى ويـش
لا تحتـزم باللـي ضلوعـه هشيشـة=اللي ليا سمـع النـداء صـد تطنيـش
لا تحتـزم بـه لـو تحيـزم بخيشـة=ما يقطـع الدِيـان ركـض الأكاديـش
وبيـتٍ بليـا سـاس مثـل العريشـة=يطيـح لـو لمـع ببويـه و ورنيـش
وجرد السهـال الخاليـات الوحيشـة=اللي تطوى فـي شجرهـا الحنافيـش
أخير من ضله ،،، وبعـض المعيشـة=يعافها الطيب ،، ويفرح بهـا الديـش
وقال المثل مامن ورى طلع بيشة= عيشه وراس الضبـي مـا بـه عرامـيـش[/poem]

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="1,black""]
ياعلي قـول ولا لـواردك ملطـوم=ياراعي الخرمـة حديـد البقومـي
عندي علوم وخابـر عنـدك علـوم=وتبـي تعلمنـي وتاخـذ علومـي
لا كن انا ماني رفيـق لـك اليـوم=أنـا رفيـق للشقـاء والهمـومـي
البارحـة واليـوم ماجانـي النـوم=بيني وبينه مثـل حـرب النجومـي
سهران طول الليل لا أرقد ولا أقـوم=أقالـب الجنبيـن تقـل محمومـي
وأن نمت صحاني من النوم جاثـوم=اللـي يصحـي غارقيـن الحلومـي
الله على اللي مقدمـه تقـل مبـروم=شد الخواجـه مـا بديـه هشومـي
ماجِيب عـن السمكرييـن مصـدوم=ولا قيل هـو مسيـوم ولا نسومـي
مقوس الصـدام وجنوطـه كـروم=فكسار منـوة كـل راعـي لزومـي
إلى مشى بالخـط والخـط مزحـوم=يروج مثل السيـل بيـن العقومـي
بالوصف كنه فـارس يمنـع القـوم=يرخي العنان ولا يحـزم الكمومـي
فـارس وشيـخٍ للمغاويـر زيـزوم=قـدام شيخـان العبـي والختومـي
شيخ بكفه رمح مسقـى ومسمـوم=أما مـن‎ ‎الدوشـان وإلا الفرومـي
وإلى أعترض خطه لشعبان وحـزوم=يشبـه لسبـاحٍ يغـوص ويعومـي
ما قص له لوحات بحروف وأرقـوم=إلا سنـد جمـرك بدفـع الرسومـي
أبيه عن دارٍ بهـا الصـدر مكتـوم=يبعد مسايـه قبـل أمـزع هدومـي
لأرضٍ يساقيها من الشبـط ديمـوم=ومن أول الوسمي عليهـا قدومـي
فياض وجبالٍ لهـن طـور ورجـوم=ملس المراقي مكنعـات الخشومـي
ما فقست بلجوفهـن بيضـة البـوم=مرفى الحرار مخاشرات السهومـي
ماكنـي إلا عايـشٍ دايـم الــدوم=إلـى رقيـت مناطحـات الغيومـي
أرتاح وألقى متعة الطيـر بالحـوم=يوم الهوى ينفض شماغي وتومـي
وياعلي أنا قبلك عن الشعر أبا أصوم=زينه وشينـه مبعـدٍ عنـه حومـي
وش عاد ابا بالشعر والشعر مظلوم=وإلى سمعت الناس اردوا عزومـي
اللي ليا سمعـوا شريـط أم كلثـوم=من الطرب كـل ٍ يطـق البهومـي
هيضتني يا ذخر من يذبـح الكـوم=في ساعةٍ فيهـا البخيـل مهزومـي
يقلط وهو كنه على الوجـه مرثـوم=يطيح وجهه مع وجيـه الرخومـي
وأصل البخيل خمام معطى ومحـروم=وكفه ليا جـات اللـزوم محزومـي
والنـاس بالأفعـال فايـز ومذمـوم=وإلى النواصي ما عليهـا وسومـي
وأنته مع أهل الطيب لك حظ وقسوم=وعن الردى في كل حال محشومـي
لك مسهمٍ بالطيب ما هـوب مثلـوم=ياطيب الرفقـة شريـف السلومـي
وتم الكلام اللي من الراس منظـوم=وعسى حياتك ( يازميلي ) تدومـي
وإن مت جعلك من سنا النار معصوم=في جاه غفـار الذنـوب الرحومـي[/poem]

[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="1,black""]

يا وجودي وجد مجروح الفـؤادي=من هنوف ثوبهـا يجـرح نهدهـا
شافهـا بالملعبـة يـوم العيـادي=طشت الشيلة وماحت فـي جعدهـا
كنهـا بالملعبـة صفـرا تـرادي=بالحبـال اللـي ملـواتٍ عقدهـا
سمعت أصوات العزاوي والهنـادي=من عياطير السطر يطفـر زبدهـا
تحتري شيـخ ٍ يقـود ولا يقـادي=منكفٍ بطماعـةٍ لحـق و طردهـا
لحقوا الفرسان بظهـور الجيـادي=وكل راعي مهـرةٍ ركـب ولكدهـا
لابةٍ تقلط علـى جمـع المعـادي=مير ربي عاقهـا وأطفـى سعدهـا
خيلهم يم الخـلا عقـب الطـرادي=ما تبقي مـا يبقـى مـن جهدهـا
روحت مثل النعام مـع الحمـادي=يوم سمعت صوت خيـال ٍ رهدهـا
بنت شيخ ٍ ما ينافـس بالشـدادي=كلمتـه كـل القبيلـة تعتمـدهـا
ما تلد بعينها في شخـص عـادي=ولا يسود الغابة إلا حكـم أسدهـا
أتفق معها علـى غيـر الفسـادي=ايتزوجها .. وياخذهـا .. بيدهـا
فوق خبرا جمعـت كـل البـوادي=كل من علـم بهـا شـد ووردهـا
سيلتها يـوم هـل قـران حـادي=مزنةٍ كبر القطـاة أصغـر بردهـا
وكل مدة قيضهم والوضـع هـادي=وأن حصل له فرصة جدد عهدهـا
لين قام الحـر ينقـص والبـرادي=يتزايد والمـزون أوحـم رعدهـا
ناحـرت لديارهـا قطـم التـوادي=أورحت ريح الحيـا يمـت بلدهـا
وأرسلوا عساس للعلـم الوكـادي=ثم جاهم فـي علـومٍ مـا بعدهـا
ما بعدها غير صوت اللـي ينـادي=وكل راعي خيمـةٍ شلـع وتدهـا
وقربوا حمـر الونيتـات الجـدادي=والبيوت السود طاروا في عمدهـا
أستخفـوا تقـل قافيهـم هجـادي=كل ما جو مصغر ٍ شالـوا ولدهـا
مالهم يـم الغنـم شـف ومـرادي=مـا شقـوا بنعيمهـا ولا نجدهـا
روحت قطعانهـم مثـل الجـرادي=تتعب الحساب ما يحصـي عددهـا
والهوى معروف شـيٍ لا إيـرادي=والنتيجة موسفة ما أحـدٍ حمدهـا
يتسرب مع حـلاه مـن المبـادي=سم حيـة والفـراق أمـر وأدهـى
لو صبر راع الهوى صبرالمهـادي=الجروح تبيـن لـو أنـه جحدهـا
أنطلق مع دربهـم حاديـه حـادي=وكل ما جاء نزلـةٍ مـر ونشدهـا
لين بـاد ولا لقـى علـمٍ وكـادي=باهت الأخبار عنهـم مـا وجدهـا
كنت غادي وأحسب المـدّل غـادي=والنتيجة تنكشف لو طـال أمدهـا
كنت أغني مـع مغنـي يابـلادي=وأحسب أن اسمي مسجل في سندها
لين عُرِضت للمسـاوم والمـزادي=عكس ما جاء في كتاب اللي مهدها[/poem]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="1,black""]
لي حاجة عيت تحقـق مـن العـام=عيا يطيب الحـظ لـو قلـت أظنـه
يفـز فـزة غاتـر عقـب مـانـام=جنـه حلـوم مزعجـه وأيقظـنـه
وجدي على تحقيقهـا وجـد صـدام=علـى يديـن بـالـولاء بايعـنـه
وبلاده اللـي ماعرضهـا للاسـوام=وعرش الرئاسة والجيوش المرنـه
اللي قذايفهـا تعـدت ورى الشـام=شاميـر يـوم ولايـتـه روعـنـه
وبيوته اللي من سيراميـك ورخـام=خطط وصممهن علـى كيـف فنـه
ماتنتـعـدد تكلفتـهـن بـالارقـام=ماهـو مواطـن عايـدي يبهضنـه
حاكم من الحكـام ويصـدر الخـام=دار السريـة والــدول يدعمـنـه
متريّس لـه دولـة شعبهـا اقسـام=ويلعب على القسمين شيعه وسنـه
مخلـي ٍ شيخانهـم تقـل خــدام=يمشون خلفه خـوف ماهـو محنـه
ملا البيوت مـن الارامـل والايتـام=وملا السجـون المظلمـة والمجنـه
ياليـن طشنـه مقـاديـر الايــام=مـن النجـوم النايـفـة نزلـنـه
مثل الوليشة بين عـدوان الاسـلام=من كـل صـوب كلابهـم ينهشنـه
او وجد عـود يرتكـي كـل ماقـام=على كفوف يديه مـن كبـر سنـه
الليا غفـل بايامـه الماضيـه هـام=والليا انتبه من غفلته ( جر ونّـه )
من عقب ماهـو للمغاويـر مقـدام=الليـا غـزا صـم الرمـك يتبعنـه
ومروبع يزمـي مثـل عـرق لـزام=الليا اقبلن شيـب الغـوارب نصنـه
بظهورهن ربـع كريميـن وحشـام=الليا جذبهـم صـوت نجـر يدنـه
يجذب له الغايـب وسمـوه عـزام=من كثـر مايجـذب شراريـب بنـه
اليوم كل اللي بقـي جلـد وعظـام=والمال خمس اشياه والبيـت عنـه
ولاله عيال ينصرونه الليـا انظـام=الا بنـات ٍ بالهضاااايـب شـونـه
ياقلـب خلـك للروابـع والاوهـام=رفيـق درب وكـل هــم ٍ تبـنـه
والا انتفض واربط محقـاك بحـزام=وعن قوم ( وش سويت ) خافيك كنه
والشر عنك خـلاف والخيـر قـدام=والصبر في وقـت المعانـاة سنـه[/poem]

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="1,black""]
يالله ياللي عـروق العشـب تنعشهـا=عقب الضما بالمطر من غيثك الناشي
يـارازق النـاس ياساتـر فواحشهـا=يامحيي المدركيـن اللـي بالانعاشـي
تفرج لنفس قـزت والهـم ينجشهـا=نجشة لسـان اللهب لـدلال هتاشـي
صفرٍ على الجمر والصالـي يغوشهـا=وقودها السمر ماهو رمث وقشاشـي
الهـم والضيـق والتفكيـر طفشهـا=ولاعاد به صبر كل الصبـر متلاشـي
الهـم لـه وقـت نيبانـه تناهشهـا=ربَع بها ليـن عرمشهـا تعرماشـي
لاشك مادام نفسـي فـي حشايشهـا=ماعاد أنـا مجـلٍ للفـرم مطراشـي
ابنحر اللـي زلـول ايـران يفرشهـا=وغزايز الحيل يكنفها علـى الحاشـي
شيـخ يسـد اللـوازم مايطنشـهـا=الليا عطاها قفـاه العفـن واللاشـي
كل المراجل ولـد محسـن محوشهـا=يوم أن بعض الشيوخ حيام وعطاشي
صيتـه فخـر للقبيلـة مايعبشـهـا=تفخر بذكرة من الخفجي الليا الطاشي
وعند الحكومـة قضاياهـم يناقشهـا=حميـة منـه لامرشـي ولا راشــي
نفسه مرد الثنـا والطيـب يدهشهـا=وصحيح من قال راع الطيب شواشـي
يدين الاعـداء ليـا طالـت يكلبشهـا=ليَـن لربعـه وبالعـدوان بطـاشـي
أنتـه حويـت المراجـل ماتنوشهـا=وابوك بالطيب قبلـك مالـه معاشـي
الليا اعتزا والمعارك طـاش طايشهـا=ماعاد ياقـف بوجهـه كـل هواشـي
الخيل تجفـل الليـا منـه تنهمشهـا=تقفي واهلها يجيهم ذعـر وخراشـي
القهـر بقلوبهـا والهـم ناحشـهـا=واللي قعـد عنـه ماللعلـم نباشـي
شرايـد القـوم ماتدفـن ولايشـهـا=منها سباع الخـلا والطيـر يعتاشـي
لو هي بعصر مضى كنـي معايشهـا=حقايـق ماعليهـا غيـم وغطاشـي
بالشعر من صفحة التاريـخ أهمشهـا=والصدق مابه جدال ونفـي ونقاشـي
بيوت شعر على القرطـاس أنقشهـا=منقوشة مثل نقش الزري بالشاشـي
ماهي همايا من الصفحـات لاطشهـا=ولا سقت فيها ثمن . . دينه ولا كاشي
نفسي عن الشعر اجوعها واعطشهـا=ماداني اللولشـه مـع كـل لولاشـي
الا الليا شفـت بـه شـي يحمشهـا=اطفيت نيران قلبي من مطـر جاشـي
يامير جتك العلـوم وجـاك طارشهـا=وابعطكيها على الطاير وانـا ماشـي
ذكرت بعض الامور وقمـت افتشهـا=وكثرت علي الهموم وجيت منحاشـي
مـن كـل جانـب مفتحـة درايشهـا=ابنسف الحمل فوقك وافرش فراشـي[/poem]