راع الــغـــنــــم وهامـور الاسهم
 

[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الكرم حكرٍ على اليمنا الصخيه = والصخا طبعٍٍ بعربين المجاني
مرةٍ لفو ضيوفٍ بضحويه = وفعت اهلّي مرحبا باللي لفاني
وطبعنا عقب النبا والشاذليه = نكرم الخطار بالحيل السماني
رحت يم فريح ابدّين طليه = خابر بشبكه ذبايح من زماني
يشتري ويبيع والناس الوفيه = تنطحه وانا ليا جيته عطاني
ويوم جيته وان مرحانه خليه = والطيور تحوم ماكن شي كاني
ورحت له فالبيت والصدمه قويه = وقدم عيني واجب طوال اليماني
قالو انه فالصباح وفالعشيه = منشغل في سوق الاسهم يا فلاني
وغيّر اسمه في سجل التابعيه = انس لسم فريح واسم فريح هاني
ورحت يم البنك وليا هالبليه = طايرات عيونه ازهم ما يراني
وفي يده مويه ويابستن شفيه = مختلف ما كنه الا شخص ثاني
قلت له سلام قال اصبر شويه = مشتري بالنقل وسهمه في طماني
وبالمكيرش والمكيرش في نحيه = حظي النحس امتحني وابتلاني
وزين وجهك جايني ياهالوذيه = لا وتبغالك طي في هالمكاني
قلت انا صاحبك لكن لد فيه= واجب الضيفان ياهاني حداني
قال انا ابي هذي وضيعت ذيه = كل مملك راح مني في ثواني
استدنت من المريكي فوق ميه = ولفني هامور مدري كيف جاني
ولاني لحالي مسوي هالسويه = كل من في صالة الاسهم يعاني
فالبدايه طيح ياراع الرديه = وآخر المشوار ماجاني كفاني
ولا بقالي لا كثير ولا بليه = ضاعت الهقوه وضيعت الاماني
وابعود لليال الاوليه = واكتب اسم فريح واكنسل لهاني
وعفت منه ورحت يم صحيب ليه = ويسر الله واجب طوال اليماني[/poem]

رد على: راع الــغـــنــــم وهامـور الاسهم
 

سعود القت
صح لسانك
رائعه وجزله ياسعود
هذي حال الناس كلهم لين جاهم تسونامي وأدبهم وخلا الواحد يرد عليك قبل ماتزهمه هههههههههه
الله لايهينك
تحياتي

رد على: راع الــغـــنــــم وهامـور الاسهم
 

صح لسانك اخي الشاعر سعود
لاهان راسك راااائعة
سلمت وسلم شعرك
دمت بخير

رد على: راع الــغـــنــــم وهامـور الاسهم
 

:)


وغيّر اسمه في سجـل التابعيـه
انس لسم فريح واسم فريح هاني

سعود القت

صح لسانك وفكرك المبدع


تحيتي

رد على: راع الــغـــنــــم وهامـور الاسهم
 

كفوووووو ياسعود

صح لسانك وقلبك

والله يعدلها وانا اخوك

لاهنت

تحياتي وودي

رد على: راع الــغـــنــــم وهامـور الاسهم
 

[glint][glow=FFFFFF]رحت يـم فريـح ابدّيـن طليـه
خابر بشبكه ذبايح مـن زمانـي
يشتري ويبيع والنـاس الوفيـه
تنطحه وانا ليا جيتـه عطانـي
ويوم جيته وان مرحانـه خليـه
والطيور تحوم ماكن شي كانـي
ورحت له فالبيت والصدمه قويه
وقدم عيني واجب طوال اليماني [/glow][/glint]


الله الله الله ...........................عليك اخى سعود
قصيدة فى منتهى الروعة والابداع كالعادة
تسلم لنا اناملك اخى
واتمنى منك الا تحرمنا من ابداعاتك القادمة
اختك
كريمة

رد على: راع الــغـــنــــم وهامـور الاسهم
 

الشاعر سعود
صح لسااانك وفكرك
وبيض الله وجهك
قصيدة جميلة بكل بساطة
تسلم اخى
وارجو ان تتقبل مرورى واعجابى
تحياتى لك

رد على: راع الــغـــنــــم وهامـور الاسهم
 

مشكووور اخى الشاعر سعود
على هذا الابداع
قصيدة عن جد روعة وقوية من شاعر متمكن
تسلم خوى
ودمت بود

رد على: راع الــغـــنــــم وهامـور الاسهم
 

[FONT="DecoType Naskh Extensions"][SIZE="6"][COLOR="DarkRed"][CENTER]
سعود القت اين ماتذهب بشعرك لا تفارقه الجزاله
اخي
عانقت هذه الباذخه فـ0 أسرت بي بين طيات جمالها وعذوبة كلماتها
ورست بي على ضفاف الأبداع والتميز كل ما قمت بالقراءة
رجوت ان تطول بي المسيره لا ارتوي بها
اخي الغالي
مرحبا بهذه الدرة الثمينة الرائعة هذه الباذخه
..جمالها في كمالها وتمامها .. اخذتنا الى مافوق السحاب
ونحن نتمتع بهذا 0 الجوا الرائع من الأحاسيس ....اعلم اني من المتابعين لنزفك ..
وقد سعدت بقرأة هذه القصيدة المدويه ..وهنا لا يسعني إلا أن اشكرك 0000000 بما متعتنا به
000 فـ صح بوحك دوما وابدا صح لسانك مدد بلا عدد
لك الود بلا حد
اخوك/سراب الرحل[/CENTER][/COLOR][/SIZE][/FONT]

رد على: راع الــغـــنــــم وهامـور الاسهم
 

سناعيس
صح بدنك وشكرا على الاطراء
مع خالص التحايا