استجب لي
 

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
منّ الزمان وخافقي بات معلول=يارب ماغيرك يجب فاستجب لي
من فضل جودك والرجاء فيك موصول=ماخاب من يدعيك يارب مبلي
انا لغيرك مارفع الكف مذلول = اما انت لك بالقلب من خوف رَجْلي
عيني بصيره صاحبت كف مفلول=ماغير بعض احيانها يقترب لي
اسالك يالي من بديعك زهى اللول=ياباسط الدنيا لعاقل وخبلي
ارسل علينا رحمتك كل منزول=واحفظ لنا دينك وبارك بدخلي
ياغافر الزلات ياصاحب الطول = يامن لعلمك بان للعين جهلي
يارب ضاق الصدر فاسمح لي القول=يالي بنورك نوّر الكون خجلي
النضره صارت ساكنه بين الارجول=روس النعام مدسسه تحت رملي
من كل صوب الفتنه تختال وتجول=والشر يسعى بين الامصار عجلي
اشوف دنيانا بها الهرج والغّوْل= فيها الفساد وعمها اليوم دجلي
العاقل اصبح بعض الاحيان مغزول=حتى الحليم احتار فيها ويغلي
الكذب صدق وصادق القول معزول=والقلب بين ركامها صار وجلي
شوف الحفاه تطاولوا بالبناء هول=يارب ثبت بين الاهوال عقلي
فيها الفضائيات لابليس مرسول=والحاسب الي فيه للناس هجلي
والاتصال اغوى بثابت ومنقول=حديد يرسل كل غثه وجزلي
واشوف بالدنياء صدى العقل مجهول=واشوف متكدر بها كل نهلي
لاواهني الي بها مايرى زول=ولا يرى فيها جرايم وقتلي
متزينه للادمي كنها الغول =تخفي سنون الغدر في كل سهلي
من حبها عافته من حول الى حول=ومن حبته خلته بالناس قفلي
حبيتها مره ومرات لاحول = قنعت منها دام باشد رحلي
يكفي بها مسكن من الطين مطلول=وطاعة الرحمن للعبد فضلي[/poem]

رد: استجب لي
 

العزيز الغالي اخي فلاح بن منشار سلمه الله


اللهم بيومك المبارك هذا اقبل دعاء عبدك واقبلنا معه ياسميع ياعليم


الله الله يابو محمد ابتهال جميل وافكار بها من بعد النظر والتأمل الشيء الكثير



لاهنت وبيض الله وجهك
حبيتهـا مـره ومــرات لاحــول
قنعـت منهـا دام بـاشـد رحـلـي
يكفي بها مسكن من الطين مطلـول
وطاعـة الرحمـن للعبـد فضـلـي


ختامها مسك

سلمت ودمت ومليوووووووووووون صح السانك ولايكفون


تحيتي
مع اسمى ايات الشكر فائق التقدير واطيب المنى رعاك الاله

رد: استجب لي
 

الاخ الفاضل / صدى الالهام
صح لسانك لاهنت
نص شعري راقي جدااااااا
به الكثير من الشاعرية والتمكن
من شاعر جزل
لله درك يافلاح
تسلم ويسلم فكرك يالغالي
تحياتي
أخــــــــوك
س / ص

رد: استجب لي
 

فلاح
صح السانك ملايين
قلت فأصبت وهكذا الدنيا طرادها مايلحق والناس مفتونين بها
الله يستجيب لدعائك امينننننننننننننننننن
شكرا لك اخي

رد: استجب لي
 

ابيات رائعة
ربي يرعاكم
تحياتي لكم

رد: استجب لي
 

[size=6][font=Simplified Arabic][color=#4B0082]لاواهنـي الـي بهـا مـايـرى زول
ولا يـرى فيهـا جرايـم وقتـلـي
متزينـه للادمـي كنـهـا الـغـول
تخفي سنون الغدر في كـل سهلـي
من حبها عافته من حول الى حـول
ومن حبتـه خلتـه بالنـاس قفلـي
حبيتهـا مـره ومــرات لاحــول
قنعـت منهـا دام بـاشـد رحـلـي
يكفي بها مسكن من الطين مطلـول
وطاعـة الرحمـن للعبـد فضـلـي



الشاعر/صدى الالهام

سلمت وصح لسانك
جزلة من شاعر جزل
مصافحة متميزة من شاعر متميز
ويارب يقبل دعاك
تحية طيبة[/color][/font][/size]

رد: استجب لي
 

[COLOR="DarkRed"]وطاعـة الرحمـن للعبـد فضـلـي

ايبلله

الاخ الشاعر الزهراني

صح الله لساانك

ابدعت واجدت

[/COLOR]

رد: استجب لي
 

تسلم يالبدراني على هذه الدرر
والله يستجيب دعاك ان شاء الله
والدنبا فيها الخير وفيهاالشر .تحياتي

رد: استجب لي
 

حتى الحليـم احتـار فيهـا ويغلـي
الكذب صدق وصادق القول معـزول
والقلب بين ركامهـا صـار وجلـي


[COLOR="DarkGreen"]الله الله الله الله يابن منشار
صح لسانك صح لسانك خالجت انفس وحكيت بالسن لافض فوك ولا عاش حاسدوك.

اسمح فهذه الرائعه لابد وان تُقرأ.[/COLOR]

رد: استجب لي
 

[size=5][align=center]
[color=#0000FF]

ارسل علينـا رحمتـــك كـل منـزول
واحفظ لنـا دينـك وبـارك بدخلـي [/color]

[color=#8B0000]ياغافـر الـزلات ياصـــــاحـب الطـول
يامن لعلمـك بـان للعيـن جهلـي [/color]
[color=#008000] ,,,,,,,,,,,[/color]

[color=#800080]
صح لسانك يالشاعر صدى الالهام

إبتهال جميل و مليء بالوجدانيات الرقيقه

صح لسانك يا شاعرنا الرائع [/color]
[color=#008000] دمت بخير [/color]
[color=#FF1493]مع التحية لك [/color]

،،،

[/align][/size]