منتديات الفطاحله - دنيا تقلب ولا ندري بحروتها

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - دنيا تقلب ولا ندري بحروتها (http://ftahilah.com/showthread.php?t=172893)

دنيا تقلب ولا ندري بحروتها

بالصوت
[RAMS]http://up.ftahilah.com/up/uploads/Mine/Dinia.rm [/RAMS]
دنيا تقلب ولا ندري تواليها

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دنيا تقلب ولا ندري بحروتها=ايام نضحك بها وايام نبكيها
ياما خدعتنا وتهنا في متاهتها=نطرد وراها ولا نحسب لتاليها
كم من بليد تجي لها في وجاهتها=وكم من ذكي لقى نفسه بدانيها
وكم حر يشكي لهيب من قساوتها=وكم ثعلب صار ذيب في مفاليها
جربتها في حلاوتها ومرارتها= ولقيتها خادعه محد يجاريها
ان اقبلت شفت شيٍ من سعادتها= وان ادبرت شفت نحس من بلاويها
تعمي نفوس البشر من قل دبرتها =تركض وراها ولا تحسب خطاويها
تمشي نفاق ولو تظهر ديانتها = تبي المكاسب ولا تخشى لباريها
النفس اذا عودت تحيا بقناعتها = تغنيك عن حاجة من نذل تبغيها
تقنع برزقك ولا تمشي بخدعتها = تعيش مرتاح نفسك ما توطيها
ومهما الليالي تضدك في تعنتها = فالصبر درعك ولو تعلن تحديها
"دع المقادير تجري في اعنتها"= وليا تذمر من اقدار تلاقيها
مابين غفوات عينٍ والتفاتتها = يغير الله من حالٍ تعانيها
واكسب نفوس البشر تكسب مودتها= طيب وتواضع وبسمه ما تخليها
ومهما تعانيه من بعض بعداوتها = حلمك عليها يغير من تجافيها
وللنفس حقٍ فلا في يوم تكبتها = اضحك وافرح ودور ما يسليها
وايا وياك تعطيها لشهوتها = ابليس يبغاك تمشي في شهاويها
ومهما تألم بنار تحس حرقتها = لاتبد حالك وتكشف عن خوافيها
اسرار نفسك معك في يدك ملكتها= واذا طلعت منك ما تملك نواصيها
ولا ضقت من دار تدري ويش علتها = فانظر حواليك لديار بمآسيها
حتى ولو شفت من يعتاد سرقتها = فلا هوب مانع لأرزاقٍ توافيها
في يوم يرحل ويدفن تحت تربتها= ويترك كنوزه لمنهو ما تعب فيها
الارض لله محييها ومنبتها = ومن خاصم الله خسران بتواليها
والدين لله والخلق بتشتتها = كلٍ يحاسب على اعمال يبديها
فلا يخدعك من يدور يوم فتنتها = يمكن عميلٍ وخدامٍ لاعاديها
يكفر لهذا وهذي من كتابتها = عن جهل والا يتاجر في فتاويها
عيشتك في دار تدري وش ثوابتها= امن وامان ولا تجهل خوافيها
اخير من ديرة تغريك سمعتها = وهي شعارات تخدع من يراعيها
العدل بالارض معدومٍ بساحتها= والظلم يحكم بقاصيها ودانيها
لكن ربك كفيل في حمايتها = يمهل ولا يهمل الظالم لاهاليها
يالله انا طالبك نفسي تثبتها = على الشهاده اذا نادى مناديها[/poem]