ماهو برنامجكم ليوم الــعــيــــــد ؟ ؟ من فضلك ادخل وشارك ...
 

[frame="9 90"]*

[CENTER][SIZE="4"][COLOR="Navy"][IMG]http://almisk.net/images/esm.gif[/IMG]

[COLOR="Black"][SIZE="5"]السلام عليكم ورحمة الله وبركاته[/SIZE][/COLOR]

تقبل الله منا ومنكم صالح الأعمال

أسأل الله أن يتمم لنا شهرنا بالرحمه والمغفره والعتق من النيران

وأسأله أن يعيد علينا رمضان سنين عديده وأزمنة مديده ونحن نرفل

بالأمن والإيمان والصحه والعافيه

[COLOR="DarkSlateGray"]اخواني وأخواتي أعضاء بيت الفطاحلة

لا أُطيل عليكم[/COLOR]

فكره أتت في بالي حبيت طرحها بين أيديكم

[COLOR="Red"][SIZE="5"]الفكره ومضمونها هو :[/SIZE][/COLOR]

[COLOR="Blue"]بما أن العيد على الأبواب .. حبيت نستعد لهذا اليوم

ونستفيد من أفكار بعضنا للبعض

على كل من يدخل أن يسجل لنا ماهو برنامج العائله لديهم

ليوم العيد ؟[/COLOR]

[COLOR="DarkRed"]( أين يجتمعون ؟ وماذا يصنعون اثناء تجمعهم؟ وهل يقيمون مسابقات العاب ؟

كل مايطري عليكم نزلوه هنا )[/COLOR]

الغرض هو أن نستفيد ونفيد من أفكار بعضنا للبعض وسعة الصدر والوناسه

في إنتظار ردودكم لاهنتوا ولاعدمتكم

ان شاء الله أنا راح أطرح لكم برنامج عائلتنا لكن بعد ماشوف ردودكم

[COLOR="DarkOrchid"]تقديري للجميع

اختكم / شوق[/COLOR][/COLOR][/SIZE][/CENTER][/frame]

كل عام وانتي بخير

ياشوق


برنامجي

اصلي العيد

واذهب لزيارة الاقارب

ولو بكمل طالت السالفه


مشكوره على الموضوع

[COLOR="Navy"]هلا عبدالله

نبي تكمل نبي سوالف طويله

لاعدمتكم[/COLOR]

هلا شوق كل سنه وانتي بصحه وسلامه
فكره رائعه راح يستفيد منها الكثير
بالنسبه لي العيد جدا بسيط نجتمع مع الاهل في بيت واحد للعائله في منطقه خارج الرياض
نتبادل السلام ويوزع على الكبير والصغير الحلويات بانواعها يعني كل يجيب عيده ويوزعه
طبعا يكون فيه بعض المسابقات بس تكون في اخر النهار ينظمها اشخاص معينين بالعائله بس تكون مسابقات بسيطه وليست متكلفه .
بالنسبه لي اجمل مافي العيد الصلاة في المسجد لها نكهه خاصه .
ووشكرا لك ياشوق واعاده الله علينا وعليكم بالصحه والعافيه.

[COLOR="DarkSlateGray"]هلا فيك

أحلى الكلام

تقبل الله منا ومنك

عيدك مبارك قبل الزحمه

برنامجكم بسيط لكن اتوقع شكله حلــو متعه في بساطه

<<<<< تنتظر أحلى الكلام تعزمها على عيدهم ودها تشوفه عن قرب ههههههه

يسلموووو أحلى الكلام على الرد غاليتي

تقديري

شوق[/COLOR]

السلام عليكم ورحمة الله وبركاته

كل عام وأنتم بخير وعافية رمضان شارف على الخروج وكلها أيام ويودعنا وكلنا ألم وأمل أن نكون ممن تقبل

الله صيامهم وقيامهم ومن عتقائه من النار أمين -------ثم يأتي يوم العيد ليبعدعنا حزننا علىفراق رمضان

وقدقال رسوالله صلى الله عليه وسلم :{للمؤمن فرحتان فرحةٌبصيامه وفرحةٌ بفطره}

أما برنامجنا يوم العيد كان زمان له فرحة في نفوسنا لايضاهيها فرحة من وعيت الدنيا والعيد عندجدي

خارج منطقة الرياض ويجتمعون جميع الأقارب لازم لأن جدي له مكانة كبيرة في العائلة

والعيد يحطونه الساعة الثامنة صباحاًيعني لازم الحضور بدري وهذا إللي يميز جمعة العي عن باقي ا لجمعات

ثم نتبادل السلام والتهاني وتوزيع مالذ وطاب من الحلويات لدرجة إنه يجي العيد الثاني وأنا مابعد كلت كل

الشكولاتة:p التي حصلت عليها وطبعاً ما ننسى الشروخة والصواريخ والقنابل بأنواعها نوافير وطعمية وبن لادن

هههههههه والقاعدة البازوكةفحم خخخخخخخخخ أسامي عجيبة غريبة --------وفي النهاية كل واحديروح لبيتهم

وثوب العيد مخرق مثل المنخل:eek: طبعاً من الألعاب النارية ؟؟!!!:D

وثاني يوم العيد يطلعون الجماعة في مزرعة كبيرة لجدي يرمح فيها الخيل ويضيع الواحد فيها

وينصبون فيها خيام زيادة على البيت لأنه في الليل لازم نطلع برا القصر ونقعدفي الخيام ونشب النار

والكل يشارك في صب الشاهي والقهوة والألعاب النارية كل واحد يحاول يكون متميز عن الأخر

والطبخ الغداء عند الطباخ والعشاء إختياري يبون مندي أو خفايف أومقلقل ومكلف به الرجال الحريم مدلعات

مع أن الشغالات مضيقات المطبخ بس يغسلن البيالات والفناجين ومن بعد صلاة العشاء تبدأ الألعاب النارية

والمسابقات الثقافية بين النساء والرجال ---ومسابقات الألعاب لللأطفال والكبار مع توزيع الهدايا

إللي المدفوع ثمنها مسبقاً {قطة 100للمتزوجين فقط} والفايض من الفلوس يخيرونك تأخذه أويذهب للجمعية

الخيرية وبعدوجبة العشاء يبدأ السامري عند الرجال وطبعاً البنات يطلون من ورى رواق الخيمة:D :p

ومع فتحات الحبال أدري بتقولون وش ذا الهبال:eek: :p وتستمر الحال على ماهي عليه حتى تنتهي

إجازة العيد وقبل المدرسة بيوم كلٍ يتوكل على الله ويروح لبيته وصلى الله علىسيدنا ونبينا محمد عليه أفضل

الصلوات والتسليم وعلى أله وصحبه أجمعين


شوق تسلمين على الموضوع الحلو:)

السلام عليكم

وكل عام وانتم بخير

برنامج يوم العيد زي كل سنه نصلي العيد

ونروح لبيت واحد من العائله ,,,,,,, أول العيد كان في شارع صغير ( سكه ) بس غيروا النظام

( تعرفون إحنا كثيرين كننا خلية نحل إذا إجتمعنا )


ونسلم على الأقارب ونتعيد عندهم

النظام أول كلن يجيب عيده معه بس اللحين لا اللي جامعنا في بيته يقول العيد علي

بعدين نروح نسلم على الشياب والعجز والخالات والعمات كلن في بيته

وأهم شي في العيد حلاوة العيد ولا وش العيد بدون حلاو

[QUOTE=أم زياد]وبعدوجبة العشاء يبدأ السامري عند الرجال وطبعاً البنات يطلون من ورى رواق الخيمة:D :p

ومع فتحات الحبال أدري بتقولون وش ذا الهبال:eek: :p [/QUOTE]



[CENTER][COLOR="DimGray"]أم زياد

يتسع المكان لكل بنت تطل ولا فيه سرا كلن يمسك دوره :p

صراحه برنامجكم يشبه برنامجنا بس بدون رواق وطلت بنات :D

اختصرتي علي الطريق;)

برنامج حلووو رائع

تسلمين خيتو على البرنامج المفصل الحلو

تقديري

شوق[/COLOR][/CENTER]

مشرفتنا الفاضلة شوق

اولا كل عام وانتي والجميع بخير

والعيد خارج الوطن لاطعم له ولا تعرف ان في عيد الا تذكرك قريب او عزيز واسعدك بالاتصال


تحياتي دمتي بخير

[COLOR="Purple"][B]شوووق ...

والله موضووع حلوووو فديتج

اممممممم

بصراحه العيد عندنا شيييييييي والله

طبعاً من الليل أبدأ أعلق الزينات والورود والبالونات الملونه واللمبات الصغيروناااات <== والله امووت في

هالحركات

واخلي بيتنا روضة اطفال مو بيت خخخخخخ

المهم واجهز الزمازم <== يعني براد القهوة والشاي

واوصي اخوي يجيب البيتفور والبقلاوة والتورته غير حلويات العيد وهدايا الأطفال

واذا ذا جا صباح العيد نلبس أحلى جديد ونصلي صلاة العيد <== ياحلااااااوة

وعقبه نرجع البيت وزوجة اخوي مرتبة الأوضاع وحاطه في مجلس الرجال ( المشب ) قهوتهم وشاهيهم وحلوياتهم

ومجهزه حقات الحريم بعد ونبدأ نزور جيراننا بالترتيب ونعايدهم ونروح بيت بيت لجماعتنا

لأن كلنا في حاره وحده ^___^ ونسلم على الشيبان والعجايز واكيد يعطونا عيديات <== عمتي دايم تعطيني

خمسميه وان شاء الله هالعيد الف طماعه انا صح خخخخخخخخ

اممممم وش بعد هذرتي واجد بس يالله اكمل

وعقبه نرجع لبيتنا بعد مانهد حيلنا ونرتاح شويه وتبدأ العزايم والردح والرقص ^___^

وعقب نروح زيارات خارج المنطقه لقرايبنا اللي بعيد ونروح للملاهي

ووووووووووووووووووووووووووو والشريخيات نسيتها انا مااستغني عن الصاروخ والفحم ^__^

لازم اشتريه وهذي اللي تطلع ألوان في الليل مادري وش اسمها ابوي يولعها في ليلة العيد ..

وبس تعببببببببت والله

: ) [/B][/COLOR]

[QUOTE=مالقيت اسم يعجبني]السلام عليكم

وكل عام وانتم بخير

برنامج يوم العيد زي كل سنه نصلي العيد

ونروح لبيت واحد من العائله ,,,,,,, أول العيد كان في شارع صغير ( سكه ) بس غيروا النظام

( تعرفون إحنا كثيرين كننا خلية نحل إذا إجتمعنا )


ونسلم على الأقارب ونتعيد عندهم

النظام أول كلن يجيب عيده معه بس اللحين لا اللي جامعنا في بيته يقول العيد علي

بعدين نروح نسلم على الشياب والعجز والخالات والعمات كلن في بيته

وأهم شي في العيد حلاوة العيد ولا وش العيد بدون حلاو[/QUOTE]

[CENTER][COLOR="DarkOrchid"]هلا مالقيت اسم يعجبك

ياحلو عيدكم بسيط زين فيه حلاو بس وش نوع الحلاو بلجيكي غير مغلف ولا حلاو جدات

هههههههههههههه

يسلموووووو على المشاركه يكفي ان عيدكم كله صلة رحم سلام على الاقارب هذا بحد ذاته

فرح

تقديري

شوق[/COLOR][/CENTER]

[COLOR="DarkSlateGray"][SIZE="4"]الأخت الفاضله شوق

كل عام وأنتي بخير
موضوع جدا رائع
لمعرفة التباين في طريقة الاحتفال بالعيد

وأنا عن نفسي والعائله والأقرباء
نقوم بإستئجار استراحه كبيره في الرياض طبعا قبل العيد بفتره كافيه لأننا يمكن نقعد بها ونتوهق ولا نلقى استراحه اذا ماحجزناها بدري ... المهم لازم يكون فيها قسمين للنساء والرجال ويشترط أن يكون في قسم الرجال ملعب لكرة القدم
نجهز أنفسنا بعد صلاة العيد للتوجه الى هذه الاستراحه ونجتمع هناك ونعايد بعضنا ونحتسي شيئا من القهوة مصحوبة بحلاو العيد طبعا ومن ثم نجهز الموائد التي جمعت من كل عائله وعادة ما تكون من الأكلات الشعبيه ثم بعد ذلك نتبادل الأحاديث كل يتكلم من جهه وكل يتكلم بجواله لمعايدة من هو خارج الرياض من جهة أخرى وعادة ما يتسبب ذلك في إزعاج بعضنا بعضا هههه وبعد ذلك يقوم الكثير ومحاكيك واحد منهم للأسف في التفنن في اللألعاب الناريه من صواريخ وطعميه وكبريت وفراشات وقذائف تصحي الميت الله يدفع البلا ونكون وكأننا في تورا بورا خخخخخخخخخ وكل هذا مع ملاحظة أننا لم ننم ليلة العيد طبعا .. انتي عارفه نوم في النهار وشي طبيعي لا يأتينا النوم ليلة العيد وعندما تشير الساعة الى 11 صباحا يكون الأغلبيه منا دايخ <<<<<<< قل نوم وازعاج وصواريخ وشروخ وكثر كلام بس كل واحد منا مايدقق لأنه أصلا بيكون في نفس الحاله . وعادة اللي قلبه فضيخ يقدر ينام له شوي والغالبيه مايقدرون ونستمر الى المساء ومن ثم نجهز أنفسنا للعب كرة القدم عاد تعالي الله لايوريك نلعب وكل واحد يشوت الثاني ويخلي الكوره لأننا دايخين خلقه وكل واحد يتهم الثاني انه هو الغلطان والقاضي بيننا أصلا يبي له قاضي ولاهو فاضي :D
ولكن والحق يقال بأن هذه الطريقه توفرعلى أنفسنا عناء المشاوير للسلام والمعايدة لبعضنا بعض في أماكن متفرقه من الرياض ومثلك عارف الرياض ومشاويره بس والله وناسه مره :D

المعذره على الكلام بالعاميه بس أحس انها أحسن شيء لإيصال الفكره
:) :) :)
كل عام وانتم بخير

تحياتي[/SIZE][/COLOR]

شوق حبيبتي

طرح راائع تسلمين الله يعطيك العاافية يا رب

واما حنا برنامج العيد حقنا اننا نروح نجتمع كلتا ببيت جدتي ويبدون يجون الناس ويسلمون علينا


وصراحة انا مره خقيت على عيد ام زياد

ما ودكم نجي نعييد معاكم صراحة هذا العييد ولا بلاش :p

شوق حبيبتي المكان يوسع مية من الحبايب:)

وتدرين فتحات حبال الخيمة عدي وخربطي :D خخخخخخخخخ----------وإللي مع الدريشات الصغيرة

ولاماقلت الباقي إستحيت ;) والله كل ماسمعنا منهم أغنية نقازية شاشو هالبنات وياللا هات يارقص :eek: ً

ورى هالرواق :rolleyes: هههههههههههاها:p :p


الريم هلاوالله -------------------حياكم العيد عيدين إذا جيتي وشفناكي:)

[QUOTE=المغترب]مشرفتنا الفاضلة شوق

اولا كل عام وانتي والجميع بخير

والعيد خارج الوطن لاطعم له ولا تعرف ان في عيد الا تذكرك قريب او عزيز واسعدك بالاتصال


تحياتي دمتي بخير[/QUOTE]

[CENTER][COLOR="Blue"]هلابك المغترب

وانت بخير وعافيه

تصدق والله العظيم كسرت خاطري <<<< عطوفه

ياليتك هنا مع اهلك بالعيد

واعتبرنا بالمنتدى قلوبنا معاك

وراح نعايدك ونفرح قلبك ونعوضك

الله يردك سالم لأهلك

تقديري

شوق[/COLOR][/CENTER]

[QUOTE=مشاعر][COLOR="Purple"][B]
طبعاً من الليل أبدأ أعلق الزينات والورود والبالونات الملونه واللمبات الصغيروناااات <== والله امووت في

هالحركات

واخلي بيتنا روضة اطفال مو بيت خخخخخخ

: ) [/B][/COLOR][/QUOTE]

[CENTER][SIZE="2"][COLOR="DarkSlateGray"]هلابك مشاعر

بيتكم اتخيله مثل فصلي يوم كنت بثاني ابتدائي فصل (أ) كنا ننافس فصل (ب) بالزينات:D [/COLOR][/SIZE][/CENTER]

000
[QUOTE=مشاعر][COLOR="Purple"][B]وعقبه نرجع البيت وزوجة اخوي مرتبة الأوضاع وحاطه في مجلس الرجال ( المشب ) قهوتهم وشاهيهم وحلوياتهم

ومجهزه حقات الحريم بعد [/B][/COLOR][/QUOTE]

[CENTER][SIZE="2"][COLOR="darkslategray"]مشاعر ... وهالضعيفه زوجة أخوك وراها ماتروح معاكم تصلي

ترتب لكم :D مالكم خاتمه :D

000[/COLOR][/SIZE][/CENTER]

[QUOTE=مشاعر][COLOR="Purple"][B]ونسلم على الشيبان والعجايز واكيد يعطونا عيديات <== عمتي دايم تعطيني

خمسميه وان شاء الله هالعيد الف طماعه انا صح خخخخخخخخ

[/B][/COLOR][/QUOTE]
[CENTER][SIZE="2"][COLOR="darkslategray"]أخاف عيديكم من هالشيبان والعجايز حلاو منتهي صلاحيته تتوهقون بالعيد

ماتطلعون تتمغصون وحالتكم حاله :D تعرفين كبار بالسن مايدرون متى ينتهي يخزن بالغرفه

متى ماجا وقته وزع بلا صلاحيه بلا هم :D

000[/COLOR][/SIZE][/CENTER]

[QUOTE=مشاعر][COLOR="Purple"][B]

اممممم وش بعد هذرتي واجد بس يالله اكمل

وعقبه نرجع لبيتنا بعد مانهد حيلنا ونرتاح شويه وتبدأ العزايم والردح والرقص ^___^

وعقب نروح زيارات خارج المنطقه لقرايبنا اللي بعيد ونروح للملاهي

ووووووووووووووووووووووووووو والشريخيات نسيتها انا مااستغني عن الصاروخ والفحم ^__^

لازم اشتريه وهذي اللي تطلع ألوان في الليل مادري وش اسمها ابوي يولعها في ليلة العيد ..

وبس تعببببببببت والله

: ) [/B][/COLOR][/QUOTE]

[CENTER][SIZE="2"][COLOR="darkslategray"]نبي هذركم كله لاتخلون شي مخزن

نحب هذركم :D

مشاعر ... شجاعه منتي مثلي أخاف حتى من الثوم إذا رموه البنات قريب لي صرخت سمعوني الرجال:D

يسلموووووووووووووو مشاعر عيد رائع برنامجه

عيدكم مبارك قبل الزحمه وانتبهي لايجيك إصابه من الشروخه ;)

تقديري

شوق[/COLOR][/SIZE][/CENTER]

صباح الخييييييييييييييير


اول ما يطلع فجر العيد تشوفون الخبصه بالبيت

اللي مضيع ثوبه واللي ماحلق

واللي واللي


المهم عيدنا عفسه في عفسه

وبصراحه انا برنامجي دايم كل عيد اذا كان الجو اوكيه

اسلم على البابا والماما واعايدهم واقعد اول عيد بالبيت استقبل وودع

ثاني عيد اجهز اغراض الكشته ونكشت اسبوع حول الااسبوع


يعني اغلب العيد بالبر
هههههههههههههههه


شيييييييييييييييييي


تحياتي


اخوك

[COLOR="Sienna"]مساء الخيييييييييييييييير حبيبتي_ شوق

يعطيك العافيه على الطرح الرائع ....وكل عام وأنتي بخير يا قمر

أنا عن نفسي بيوم العيد الصباح أجلس أتزين وأتكشخ اللين يجون اهلي من صلاة العيد وإذا جوا نجتمع كلنا

أخواتي وأخواني نعايد ونسلم حق بعض ونوزع حلويات وحركات العيد لبعض بعدين نصور مع بعض علشان

تبقى ذكرىو إذا جت الساعه <8>نروح أحنا الحريم لأستراحة واحد من أقاربنا نجتمع كلنا فيها وكلن يجيب

عيده معه وإذا جت الساعه<11 >نطلع ونروح نعايد اللي في بيوتهم ونمر بيت بيت وإذا جاء في الليل نطلع أحنا

وأخواتي وأخواني للإحتفالات اللي في الرياض والمنتزهات اللي في الثمامه ونتعشاء مع بعض وثاني يوم الليل

مسوين أحنا وأقاربنا الحريم قطه في إستراحه داخل فيها الطقاقات والقهوجيات والعشاء ونطيطات للبزارين

وانوااااع الوناسه والفلللللللللللله ولا أنسى الصواريخ اللي ثلاث أيام مانذوق فيها النوم منها


~~~وكل عـــــــــــــــــــــــــام وأنتم بألف خيـــــــــــــــــــــــــــر~~~[/COLOR]

شوق
كل عام وأنتم بخير
دائماً يوم العيد يتكرر ببرنامجه على مر السنين (العادات والتقاليد) إلا في حالة السفر خارج الوطن
صلاة العيد ثم معاودة الأهل والأقارب ومن ثم غداء العيد حيث أنني أسكن في البيت الكبير والقيلولة ومن ثم يبدأ عيد الأطفال بالذهاب للألعاب والتمشيات وآخر الليل مهدود حيلك وتستلم المخده .
تحياتي

الف شكر
على ماجاد به قلمك
تحياتي الطيبه