منتديات الفطاحله - الألــــفـــــيــــــــــــه

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - الألــــفـــــيــــــــــــه (http://ftahilah.com/showthread.php?t=29119)

الألــــفـــــيــــــــــــه

[poem=font=",6,black,bold,normal" bkcolor="transparent" bkimage="http://www.fatahilah.com/mwaextraedit2/backgrounds/160.gif" border="none,4," type=2 line=0 align=center use=ex num="0,black""]
ألفاً أولف يوم كلاً يولف من شاعراً عفوي ولاهو متكلف=والشعر لا جاء موعده ما يتخلف من هاجسي ابدع جزيل المثايل
والباء بَواخر لهفة الشوق سرنا بنرسي على شطر الغرام فبحرنا=والعالم الله وين يمة سفرنا بين الجنوب وشرق وألا شمايل
والتاء تراودني طيوف الحبيب اللي يحضر ايام ثم يتغيب=توني بعمري شاب وشفني بشيب ماجاك ماجاني يلي تسايل
والثاء ثمان سنين ادور وصاله وياويل قلبي منه واعزتاله=يامل قلبي منه حالته حاله كلاً ينول وعيد ماهو بنايل
والجاء جروح القلب تنزف نزيفي روف بجريحك وانقذه يا وليفي=انت عذاب القلب همي وريفي شفني على لاماك صايل وجايل
والحاء حسبت إني معه ما نتباعد رغماً على كل الوشاه الحواسد=واثر المفارق له بوارق رواعد وقلبي يناشدني وعيني تخايل
والخاء خليلاً ما يقدر خليله ودك تحطه فوق جمر المليله=وأظن هذي به قليله قليله ومن يشعل فتيله يطفي فتايل
والداء درست الحب ثمن تعلمت ويا ما من أسباب المحبه تحطمت=وياليتني يا صاحبي ماتكلمت في هذي الدنيا لقينا الهوايل
والذاء ذبل شوقي لمنهو إحتريته راح العمر واقول ليته وليته=ياكم تال العصر رجماً رقيته وأنوحله من فوق روس الطوايل
والراء ربيع القلب شوف الحبايب إللي بهم قلبي شفوقاً وذايب=ماجوز أنا عنهم ولاني بتايب لوهو يحول اليوم حايل وحايل
والزاء زماناً فات ليته يعودي عقب المفارق والعنا والصدودي=في غيبته صبري تعدى الحدودي لو قلوب أهل المحبه ملايل
والساء سمعت الحب قتل من الناس وآمنت يوم حبيتلي عذب الأجناس=واليوم قلبي فيه تسعين هوجاس وانا أحسبه ماهوب ملحق زمايل
والشاء شرابيك المحبه غليظه تحميك من برد الحبيب ومقيظه=وبعض الأوادم بالمحبه حظيظه لو إن كلاً مابحياته كمايل
والصاد صوته هيض الشوق فيه سجيتبه سجت هل السامريه=يا بعد عبله وضحى والعامريه مابغى سواكم مانبيلك بدايل
والضاء ضواني من جبينه وخده وأظلم علي بشعره اللي لحده=وجماله إللي بين هاته ووده أبو رموش جيوش منها قتايل
والطاء طرالي بالهوى ماطرالي مادامني مغرم بزين الدلالي=وينك يا عنتر وأبو زيد الهلالي كلأ على عزمه يشد الرحايل
والظاء ظلام الليل كم فيه تهتاض لا صرت بالاشعار فتال نقاض=كم أتمنى للعشق حاكم وقاض حتى نبى نكثر عليه الرسايل
والعاء علومي بالمحبه كثيره يوماً بعضهم لامحبه وغيره=ولاني من اللي بايحاً بالسريره أقولها ولاني مدور جمايل
والغاء غياب إللي ملكني وداده فيه النكاده مالقيت السعاده=كنه يحاربني بحرب الاباده لاقلت هانت جاني الضيم عايل
والفاء فديت اللي عيونه مدعج إللي يبا يحاججني من قبل لاحتج=ابو ثمانن فلج أغنج وأبلج حبه سطى بين الضلوع النحايل
والقاء قويه يوم تغدر وتجحد وأنا الذي هاقيك من هذي أبعد=صحيح قالوا كل شين وله حد وكذ قالوا إن الحب مابه عدايل
والكاء كوانا الشوق لين إحترقنا ويا ليتنا يا صاحبي مافترقنا=سبحنا فبحر العشق لينن غرقنا وكماً غريقاً بالسنين الأوايل
واللام لا جاء من صوب خلك معاتب راجع مع وش كان قايل وكاتب=ترى المحبه إلها نظام ومراتب وملح الصداقه شرهتاً مع زعايل
والميم متى تشرق علي شمس الأحباب وإليا متى حالي كما حال الأغراب=طالت مسافات الشقاوي والأتعاب يا من يساعد في جميع الوسايل
والنون نموت ألفين مره ونحيا للي سحرنا بالهوى سحر عليا=وأنا أشهد قلوب المحبين عميا وأنا أشهد إن الحب يفعل فعايل
والها هوى قلبي وودي وشفي منهو أحبه يبادل حبي وعطفي=وعلى الوشاه يكون دايم بصفي وإللي يحفظون الموده قلايل
والواو وينه يوم جمع المواليف يوم إن كلاً مع حبيبه على السيف=يا كيف يتركني مع الهم يا كيف ولجل المحبه حاملين الثقايل
واليا يلي ماتعرف الحب خله ترا المولع كل يوم متوله=يعني على ماقيل علته عله يوريك يا مولعَه نجوم القوايل[/poem]