منتديات الفطاحله - عزي لحالك يا وليـدي وأنـا ابـوك

منتديات الفطاحله (http://ftahilah.com/index.php)

- الشعر المنقول(خاص بالشعر النبطي) (http://ftahilah.com/forumdisplay.php?f=334)

- - عزي لحالك يا وليـدي وأنـا ابـوك (http://ftahilah.com/showthread.php?t=25726)

عزي لحالك يا وليـدي وأنـا ابـوك

[rams]http://www.qassimy.com/up/users/star/shook.rm[/rams]

[poem=font="Simplified Arabic,5,red,bold,normal" bkcolor="transparent" bkimage="../backgrounds/21.gif" border="inset,10,red" type=0 line=0 align=center use=ex num="0,black"]
يا مل عيـنٍ فـي محاجيرهـا شـوك=والقلب به عن لـذة النـوم تكـاك
لا دك في قلبي مـن الهـم داكوك=جاوبت طربات الحمايم علـى الـراك
عزي لحالك يا وليـدي وأنـا ابـوك=كان الزمان اللـي وطانـي توطـاك
إفهم وصاتي يا وليـدي وأنـا ابـوك =دامك صغير وغايـة العلـم يقـراك
تراه ما ينفعـك عمـك ولا أخـوك=لا صار ما تقضي لزومـك بيمنـاك
وربعك إن بان الخلل فيـك عافـوك=أقرب قريب ٍ لك من النـاس يشنـاك
إن كثر مالك صدقواّ لك وطاعـوك=وإن قل ما بيديك شانـت حلايـاك
لو تطلب الما عندهم كان ما أسقـوك=إبعد مزارك عـن وطنهـم ومربـاك
وإن طاب حظك صدقوّا لك وحبوك=وإن بار كلن ما يبـي غيـر فرقـاك
وإلا إعترض لك من صروف النياصوك=كلن تبـرا منـك ماهـوب ويـاك
هراجة المجلـس إلـى جيـت وروك=منـازل ٍ تطـرب نظيـرك بدنيـاك
وإذا قضى منـك اللـوازم وخلـوك=تفرقوا وأنت إحتمل كل مـا جـاك
كنك سراج البيـت للنـور شبـوّك=وإلى إنقضى اللازم حدا الربع طفـاك
وألا كما ليمونـة الحمـض مصـوك=وإلا قضى منها الطعـم فرغـوا ذاك
واللي يجي من رفقته ريب وشك=ـوكإحذر عنه ليـاك تصـدف بمسـراك
وإلا جفوك أهل الوطن وإستخفـوك=قلّع غريسك منـه وإهـدم ركايـاك
تراك لو تنجع عـن الربـع صعلـوك=أحسن من اللي تلتجي بـه وياطـاك
عطهم وضيفهـم إلا منهـم جـوك=وإغلق ضميـرك لا تعلـم بقصيـاك
إن طبت ما حبوّك وإن عبت زالـوك=تمضي حياتـك ناقـل ٍ داك بـرداك
وإلى نفوك مـن الوظيفـه وعافـوكخفـتّ موازينـك وكلـن تهقـواك
وإصحى لخلان الرخـا لـو تغالـوك=إعرف ترى أطيبهم إلى إحتجت يجفاك
كنك خوي مقيط دهووك وأغـووك=وحقك عطاك رشاك وأقفى وخـلاك
وإحذر عن العلة ترى الحق مـدروك=مثل العمل يدركك ما منـه فكـاك
وإن كان عدوانك على الضيق حدوك=فإخصم طلابتهم بعجفـاك وقـداك
وإن كانهم لمشـرّف الحـق ماشـوك=ناظر مطاليع الفـرج قبـل مبـداك
وإن طاوعوا شيطان الأنفس وهانـوك=فإصبر على البلوى ودفنـك رزايـاك
زرهـم تـراك إليـا تونيـت زاروك=إن ما بديت لصاحب السـو يبـداك
ما دامهم ما طاوعوا لـك وعرفـوك=إضرب على الكايد إلى عمست ريـاك
لو هذبوك إمن المصـاوب وضـدوك=ما يذبحونـك قبـل تدنـي منايـاك
وإحلم على الجاهل ترى الحلم مبروك=وقم للضعيف اللي من الظيم ينخـاك
وإدمح خطاجيران بيتك إلـى أوذوك=ترى القصير وحرمـة الجـار بحمـاك
عطهم لوازم حقهـم لـو تناسـوك=في كل ما يصلـح لدينـك ودنيـاك
وقم للضيوف اللي لفوا لك وضافوك=أغلى كرامتهم حجاجـك وبشـراك
وإعرف ترا مالك للأضياف مشـروك=لولاه يطلب حاجته منك مـا جـاك
وقم للرجال إن رايعوا لك وحبـوك=وإحشم خويك وأكرمه عند ملفـاك
وإلى إعتبرت بسيرة النـاس كفـوك=ما كثر من شي أتعبـك ثـم عنـاّك
ولولا تبـات بهـمّ دنيـاك مظنـوك=ما طاب لك ما دام لك وإفتهـم ذاك
لو يطلبون إخفايك الناس ما أخفـوك=الرجل مثل النجم في كـل الأفـلاك
وصلاة ربي عـدّ الأوراق والشـوك=أو ناض بـراق ٍ ومـا هـل سفـاك
على الذي ما فيه ريب ٍ ولا شكـوك=محمـد ٍ مـا دك بالقلـب دكــاك [/poem]

[size=5]الشااعر :سليمان الشريم رحمه الله[/size]