قصة حقيقية حدثت لي مع عمي والقعقاع في شهر ذي الحجة الماضي
 

السلام عليكم ورحمة الله

-----

في أحد الأيام ذهب معي عمي لزيارة صاحبنا وصديقنا القعقاع الذي غادر مدينة الرياض متوجة بحفظ الله ورعايتة إلى سدير

وفي الطريق السريع عمي رابط حزام الأمان ويقول وش فيك وأنا عمك يا كماند مستعجل وأنا أعطية ذيك النظرة وأقول له يا عمي لو تفك الحزام لا تفشلنا :mad: وبعدين الخط طويل ونبغى نوصل بدري وبعدين يالشين فك حزام الأمان لو لا قدر الله صدمنا وجاك الدفاع المدني بيطلعك من السيارة وشلون راح يطلعونك وأنت متربط ؟؟

رد علي ببرائة لم أشاهد مثلها : تتوقع أموت ترى وراي عيال وأسرة ومسؤوليه ؟؟؟ :confused:

قلت شف بغض النظر إنك عمي أنا إنسان صادق وصريح على هذي السرعة شيء طبيعي تموت داخل السيارة وإذا ما مت والله ستر عليك راح تصير مشلول وإلا فيك بلاء :rolleyes:

عشان كذا فك الحزام عشان ما يتعبون و يقطعون سيارتي إذا جو يطلعونك وأخر شيء تطلع ميت :eek:

نظر إلي عمي بحزن بالغ وقال تكفى ياكماند خفف السرعة وأقرب محطة بأباشر عليك ببسي باااااااارد وكروسون بالجبن

نظرت إليه ثم قلت له : والله ميب شينة بس أنا متعود إذا مسكت خط سريع أكل جالكسي أبو ريالين وعصير الربيع فواكة :cool:

قال أبشر بإلي يرضيك الله ياخذك :mad:

قلت له : وش دعوى تخيل إني مت ألحين والسيارة تمشي بالله وش بيكون موقفك ؟؟؟
تبي تشوف وش صار فيني وإلا تجحدني وتمسك الدركسون ؟؟:eek:

قال لي: لا يكثر هرجك ورى ما تهدي ونتفاهم ؟

وبالطبع خففت السرعة إلى 180 عشان يركد وما يزعجني كل شوي هد خفف السرعة

المهم وصلنا سدير وإتصلت على القعقاع وقلت له

هاه يابو جاسر وينك ؟؟

قال إنت إلي وينك ؟

قلت أخلص أنا واقف عند بقالة أسمها تموينات وبقالة وفتحة وحدة على الشارع

الولد بغى يطلع لي من الجوال ويصفقني

يقول كل البقالات مكتوب عليها تموينات وعلى الشارع

قلت له طيب لا تهاوشني أنا على الشارع العام وطاق الأنوار وبجنب السيارة واحد يحبحب في الأرض ويشبه عمي إلي قد شفتة :p

قال يالله جايكم ألحين وبالفعل ثواني ونشاهد القعقاع ومعة عشر طعشر بزر في صحن الونيت حق المزرعة


-------------------------------

ذهبنا إلى المزرعة وإسترحنا قليلاً بين أشجار النخيل والطماط والجح

وكما تعلمون بأن أهل سدير يتصفون بالكرم ما قصر أخوي القعقاع ذبح لنا ذبيحتين
وجونا ناس ما ندري منهم وأنواع السواليف بعدها قررنا التجول في سدير وضواحيها ( لأن ما عمري طبيتها وتمشيت فيها على رواق )

وعندما غابت الشمس وأصبحت الساعة العاشرة ( ترانا رايحين في ذي الحجة) طلب منّا القعقاع الحضور لـ سهرة فنية ( يعني قال تعالوا فيه طقطقة اليوم ) شغل سامري .

ذهبنا لمشاهدة الإستنزال ( إلي فيهم جن )

لم نجلس طويلاً لأن أحد المستنزلين أصبح يصارخ ويقول ليش تجيب عمك!!
<=== بيصفقة عمة

قررنا مغادرة المكان وعدنا سريعاً للمزرعة ( تكينا شوي ) يعني جلسنا ثم غلبنا النعاس

وخلدنا للفراش ( مع إنه كنّا نايمين على فرشة خضراء فيها ورود حمراء وشرشف كاروهات وفي الدكة )

قال أيش قال برا براد وهوى ربي وش زينه ( مع إن النامس لعب في حسبتنا في الليل والذبان لعب لعبته الصبح ) :(

وفي صباح اليوم التالي ذهبنا بين أشجار النخيل لنشرب القهوة ونأكل التمر

ذهب القعقاع لإحضار القليل من قشطة التاج بنكهة الفراولة اللذيذة المكبوب عليها قليل من سكر الأسرة الناعم الشهي ( لأنها زينة مع التمر المكنوز )

وفي هذة الأثناء أخذت زمزمية القهوة وجلست أمخمخ عليها طبعاً عمي جالس يتفرج على النخل والتمر إلي يتدودل

بدون قصد سقطت الزمزمية ( طاحت )من يدي وإنسكبت القهوة على الزولية وإنكسرت من الداخل

نظر إلي عمي وقال لي : عمى يعميك ، فشلتنا مع الرجال ؟؟

وفجأة وصل القعقاع ونحن لم نخبأ ( نوزي ) الزمزمية المكسورة

والمدهش في الموقف بأن عمي أول ما شاف القعقاع جاي من بعيد صار يصايح وينادية

يقول له : إلحق إلحق ترى كماند كسر زمزمية أمك الجديدة


أنا : :eek:

لا أدري ماذا أفعل أو ماذا أبرر تلك الحادثة .

وصل القعقاع ووقف ينظر لزمزمية ويقول :




[IMG]http://gareeb33.jeeran.com/ka.jpg[/IMG]


ألحين وش بأقول لأمي يالنكبات



بعد هذا الموقف قررت مغادرة سدير بعذر ( أمي تبي تروح لجدتي وما عندها أحد يوديها )

عدنا إلى الرياض سالمين ومعنا كرتون تمر وكم حبة جح ( تعرفون صعب نروح لسدير وما نجيب معنا شيء )



والسلام ختام

---------------------------

القصة من نسج الخيال

يعني لحد يصدق

ولو ما دخلت المنتدى أعرفوا إني تصفقت وصارت بي عاهه مستديمة

وعشان تكونوا في الصورة ترى عمي هو السبب :(





تحياتي للجميع

أخوكم كماند

[quote]ومعة عشر طعشر بزر في صحن الونيت حق المزرعة [/quote]


شكلها مجمع عيال السدير كلهم لستقبالك انت و عمك

[quote]من قشطة التاج بنكهة الفراولة اللذيذة المكبوب عليها قليل من سكر الأسرة الناعم الشهي ( لأنها زينة مع التمر المكنوز ) [/quote]

ما تلاحظ المقطع هذا دعاية و بقووووة

ما بقى إلا تقول الزمزمية ام نقطه حمراء

بس والله قصة خيالية طريفة..بس الصوره قوية هههههههههه

يا ويلك من القعقاع (( الله يرحمك ))

لو فرضنا إن اللي معك هو عمك والعبارة السابقة عن حسن نية لأنك لست متأكد من وضعه ، فبعض العبارات تكشف إنك خيال في الدكة ، يعني على الكيبورد ، وراء الباب ما من ظهره ، وإلا اتحداك تسوي أي مما ذكر أدناه وهو قدامك ..
لكن مادامت سواليف وفي الإقلاع .... اقلع على كيفك ..

قايل لك ... على طول ركضت واضفت ...
من خاف سلم تخاف احد يعلم عمك ...

تسلم كماندا علي خيالك الواسع للقصه
استمر بانتظار الجديد والاروع
لك تحياتي

هههههههههه اثارة صراحه ..
بس ماعرفنا لكم الحين هي صدق ولا كذب

خخخخخخخخخخخخخخخخخخخخخخخخخخخخ:)


والله قصه رايقه وأنا أشك أن تكون تسذبيه خخخخخخخخخخخخخخخخخخ:)

كوكو بوبو طاااااااااااااااااااط :)

على كلن كماند إبداع خخخخخخخخخخخخ:) وانتظر قصتي مع القعقاع :)

عمك هذا ما شاء الله عليه شكله خويك الروح بالروح:rolleyes:

بس ما اتفقنا تحط صورتي >__<

خخخخخخ

عاد هذا شكل كماند اول ما جيته بالبزران(فيصل-حماد-عثمان):o

[IMG]http://www.lucasoman.com/images/funny/wtf.jpg[/IMG]

ننتظر المغامرات الثانية..

[QUOTE]على كلن كماند إبداع خخخخخخخخخخخخ وانتظر قصتي مع القعقاع [/QUOTE]

و حنا ننتظر بعد...

:pلووووووووووول


صرااحه قصه مره حلووه

والله منتب هيين تكتب وتتخيل!

يعطيك العافيه وتسللم عللى القصه الي امتعتنا فيها مره ;)

ووش رايك القصه الجايه تكتب قصه يكونون فيها الفطاحله والفطحولات كلهم!؟<==بتوهقه:p

والله انك منتب سهل ياكماند بس ماقلت لي وشلون كلتوا الجح بصوت والا بدون صوت خخخخخخخخخخ
على فكره ترى ماله طعم بدون صوت

يازين سواليفك


وسلم لي على عمك سلامن كثير

وخله يروح معي ذا الأربعاء >> دزيم انه يفلفل الموتر ويذوقنا الجالكسي والبرنقز

هلا أختي أحلام الخيال



يا شيخة أسكتي تراني جلست أسلم عليهم واحد واحد عشان ما يرجمون سيارتي ولا يرقون فوقها

<==== عندة دبلوماسية

وبالنسبة لزمزمية أم نقطه حمراء وش ورانا نطريها في قصة جاية ولا يهمك

أما سالفة الله يرحمك

من جد أسمحي لي أقول

يا حبك لـ الشر



تحياتي لك أختي أحلام الخيال


أخوك كماند :)

هههههههههههههههههههههههههههه

<==== جاه شد عضلي في ركبتة من الضحك


أنا أسف إني ما فصّلت في القصة وكيف مريت علية وكيف صرفني في البداية :rolleyes:



[QUOTE] فالعبارات التالية تكشف إنك خيال في الدكة ، يعني على الكيبورد ، وراء الباب ما من ظهره ، وإلا اتحداك تسوي أي مما ذكر أدناه وهو قدامك [/QUOTE]

إنلحس مخي يا عيال :D


قبل أن أكمل الرد يجب أن نتفق بأن الأباء يتقبلون المزح من الأبناء لأن العلاقة تكون صداقة أكثر من أب وأبنه

وأيضاً يجب أن أوضح نقطة مهمة بأن العلاقة بيني وبين عمي ( علاقة لا تشوبها المجاملات ) ولاحظ بأن كلمة عمي لازلت أستخدمها ( كـ إحترام وتقدير ) أما الكلمات الأخرى فهي ردود فعل طبيعي وعلى حسب الموقف والحالة التي تجسدها الشخصيات في القصة ;)

[QUOTE]قايل لك ... على طول ركضت واضفت ...
من خاف سلم تخاف احد يعلم عمك ...[/QUOTE]

لا تخاف بس عندي أخطاء إملائية وحبيت أعدلها

شوف متى نزلت القصة ثم وقت التعديل ثم شوف رد أختي أحلام الخيال :rolleyes:


بس ما قلت لي وش رايك بالقصة بشكل عام ؟؟

لي مستقبل وإلا ؟؟؟؟؟؟؟؟؟؟؟ :p

تحياتي لك أخوي المشرف العام

أخوك كماند

بصراحه روعه القصه
قعدت اتخيل شكل الددسن والبزارين
خخخخخخخخخخخخخخخ

بس دامني قريت قصتك وانا جوعانه فانت ملزوم ترسل لي جالكسي بس ابو ريال
<<ماتحب تكلف على أحد


ماقلت لي وشلون كلتوا الجح بصوت والا بدون صوت خخخخخخخخخخ
على فكره ترى ماله طعم بدون صوت
وقسم بالله انك صادق
هع هع هع

الخنساء لؤلؤة المنتدى

أشكرك على ( الدعم المعنوي )

وأنتي أيضاً لا تحرمينا تواجدك الرائع

( بس بيني وبينك قرأتي القصة كلها ) ؟؟؟؟؟

ههههههههههههههههههه

قهر كان ودي تعلقين على الأحداث

يالله الجايات أكثر إن شاء الله


تحياتي لك وإحترامي

كماند

القصة جميلة وفيها بعض الإقلاع اللطيف ، لكن انتبه لاتطب في مطبات يجي من يجيرها لك بطريقة ثانية ،
فبعض الألفاظ قد لاتتناسب حتى مع الكتابة الإقلاعيه ، لأنه حتى لو كان اللي معك ماهوب عمك ولكن رجل كبير في السن ، القارئ ، رايح يحط في باله انطباع قد لايكون فيك ..

حياك الله أخوي نسناس الهوى


لا والله القصة أنا مألفها من راسي ولا فيها شيء صحيح ما عدا سالفة إني أحب أسرع إذا كنت مسافر ققط

وراح أنزل موضوع عن السرعة داخل الرياض وخارجة ( يعني الخطوط السريعة ) بالصور والشرح الممل

<=== بيخرب شباب المنتدى :)



نصيحة فنية

إذا شفت لي موضوع في الإقلاع لا تصدقة

ترى خيالي واسع ولاعب في حسبتي شوي ههههههههههههههههه


تحياتي لك أخوي نسناس الهوى



كماند

هههههههههههه


[quote]فبعض الألفاظ قد لاتتناسب حتى مع الكتابة الإقلاعيه ، لأنه حتى لو كان اللي معك ماهوب عمك ولكن رجل كبير في السن ، القارئ ، رايح يحط في باله انطباع قد لايكون فيك ..[/quote]

هذة أنا أتفق معك تماماً فيها ولا أجادلك

تحياتي لك أخوي الطائر المهاجر

أخوك كماند

قلت أخلص أنا واقف عند بقالة أسمها تموينات وبقالة وفتحة وحدة على الشارع


ههههههههههههههههههههههه حلوه هذه ما شاء الله ذكي :)


القصه كلها حلوه وما شاء الله عندك خيال واسع تصلح تألف رواايات

يعطيك العافيه اخوي كماند

وبأنتظار جديدك :)

هلا أخوي ذيب سنافي

والله تسذبية لا أحد يصدق وش دعوى

يا شيخ ألحين إذا ركب معي أبوي في السيارة وطلع صوت الجرس ( 120 )

ألتفت علي وقال وراك مسرع عسى ماشر ملحوق ؟؟

أنا عاد أستخف دمي وأقولة يا رجال وسع صدرك

عاد هو ما يعطي فرصة أكمل إلا وهو مهاوشني :(


وقصتك مع القعقاع

أنتظرها بفارغ الصبر


تحياتي لك وإحترامي

أخوك كماند

القعقاع

ههههههههههههههههه


[quote]عمك هذا ما شاء الله عليه شكله خويك الروح بالروح[/quote]

إلي يشوفك يقول ماقد شفته أبداً ههههههههه

وبعدين تعال هنا

بالله وش وجة الشبه بيني وبين الصورة إلي أنت حاطها ؟؟

هههههههههههههههههههههههههههه

يمكن الشبة الوحيد هو :


إن بوهتي طايرة ؟؟؟

هههههههههههه


تحياتي لك يالقعقاع

أخوك كماند

هلا أختي الريم


[quote]صرااحه قصه مره حلووه

والله منتب هيين تكتب وتتخيل!

يعطيك العافيه وتسللم عللى القصه الي امتعتنا فيها مره [/quote]

ما بعد شفتي شيء


<==== بايعها بتراب

الأحلى إنها أعجبتك بس الله يستر من إلي جاي


[quote]ووش رايك القصه الجايه تكتب قصه يكونون فيها الفطاحله والفطحولات كلهم!؟<==بتوهقه[/quote]

أبداً عادي جداً وما عندي مشكلة

بس الحد الأقصى بالنسبة لي إني أكتب 4 شخصيات أساسية في القصة وباقي الشخصيات ما تاخذ حقها صح

وأحب أكتب عن شخصيتين أكثر شيء لأنه أسهل وما تشتت الواحد في قرائتها

تحياتي لك يالريم

أخوك كماند

هلا أخوي كامل الأوصاف


[quote]والله انك منتب سهل ياكماند بس ماقلت لي وشلون كلتوا الجح بصوت والا بدون صوت خخخخخخخخخخ
على فكره ترى ماله طعم بدون صوت[/quote]

أول شيء ترانا ما كلنا الجح مثلثات مثل العادة

لأن القعقاع قطع لنا جحة بسكينة النخل ( الكبيرة البيضاء كانك تعرفها )

يعني شغل نص دائرة

أما الصوت والسعابيل فـ حدث ولا حرج

بس ليه الجراوة ( جمع جروة ) وفيه ناس يسمونها شمام


ما يطلع فيها صوت مثل الجح ؟؟؟

هههههههههههههههههههههههههههههههه


تحياتي لك أخوي كامل الأوصاف


أخوك كماند

هلا أخوي أبو وفى ماعنه خفى

[quote]يازين سواليفك [/quote]

هههههههههههههه

أحرجتاني


[quote]وسلم لي على عمك سلامن كثير[/quote]

يبلغ إن شاء الله والله يستر

[quote]وخله يروح معي ذا الأربعاء >> دزيم انه يفلفل الموتر ويذوقنا الجالكسي والبرنقز[/quote]

ما أظنه بيخاوي أحد بعد ذا السفرة إلي سافرها معي

وبعدين وين بتروح ذا الربوع ؟؟

أما برنقلز ما يحبة

يقول يخرب السنون وموب زين

تراه من عشاق ( لوزين ) يعني يعجبك


وإذا تبي أخاويك

قدام

هههههههههههههههه


تحياتي لك وإحترامي

أخوك كماند

[quote=كماند]الخنساء لؤلؤة المنتدى

أشكرك على ( الدعم المعنوي )

وأنتي أيضاً لا تحرمينا تواجدك الرائع

( بس بيني وبينك قرأتي القصة كلها ) ؟؟؟؟؟
كماند[/quote]

اخوي كماند

نعم قراءت القصه واعجبتني كثيراً كبدايه لك

طبعا انا مااجاملك الآن لكن بالفعل طريقة سرد القصه رائعه كثيراً

واتمنى منك التوفيق والاستمرار لان لك مستقبل في هذا المجال باإذن الله

لك تحياتي

يامرحبا ومسهلا بابو الخيال كله

والله مشاء الله عليك بدعه <ابداع >

يعني من جد القصه رائعه وخياليه لا وفوق الخيال