(( 47 )) + (( 51 )) = (( 98 ))
 

[frame="9 90"][align=center][CENTER][size=6][font=DecoType Naskh Swashes]
::: [COLOR="blue"]بسم الله الرحمن الرحيم[/COLOR] :::
اخواني الكرااااام
قبل كل شي وبدون قصور بالكل المرء لابد له من الاعتزاز بقبيلته وكل قبيله ومعروف ان فيها حقها
من رجالها وكل القبائل لايهضم حقها فلها من الامجاد مثل ماعليها
اسمحولي بقصيده استثارني فيها الشاعر/ غالب بن زيد ابوكتيفه العصيمي
يمتدح القبيله مما اجبرني لمجاراتها بقصيده مماثله
امل ان تنال الاستحسان

اخوكم
عوض العتيبي[/font]
[/size]
[/CENTER]
[/align]
[QUOTE=! غالب بن زيد ابو كتيفه !;108156]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حي الله اللي لفاني يوم دوّرته=ضيفٍ بعد ماانصرم ثلثين من ليلي
جاني يبشر بشوفتكم وبشرته=بالوقفه اللي تنومس كل حلحيلي
وشبيت ناري وقهويته وعطرته=بالعود والمستكا والبن والهيلي
وطبيت به روضة افكاري وخيرته=بين الغزايز صعيبات المناويلي
وهمست فاذنه بما اريده وحذرته=قدام ماابديله علومي ويبديلي
اما يجاوز حدود اللي تصورته=ولا يجنب ولا اتعب له مراسيلي
وسليت سيفي وكم الثوب شمرته=حان الوعد والوعد مافيه تاجيلي
واسهرني الهاجس المطنوخ واسهرته=كن الحميّا من اقصى السيف توميلي
وطلبت ربي ووحدته وكبرته=يجعل سفرنا وطرقتنا تساهيلي
سار القدم في طلب ربعي وسيرته=اطوي المسافات بالكيلو وبالميلي
في لازم الربع كل الصعب سخرته=واعرف ليا وين تاصل بي مواصيلي
انا ليا طال مشواري تقاصرته=كن المسافه من الفرحه تغنيلي
وليا بدا علم عن ربعي تصدرته=بالشعر والعرف وعلوم الريجيلي
وليا حضرنا وكلٍ جاب مقدرته=والله ليبطون ماشربوا فناجيلي
نجم ليا نشت راس الضلع دمرته=تبرد بي كبود وكبودٍ مغاليلي
واللي يهاذر ماتزعجني مهاذرته=لو قال انا اللي وانا اللي ما يحاليلي
تراه حجمه صغيٍر لو تكابرته=نثيلةٍ في مسيل وشالها السيلي
تضحك على لحيته ناسٍ مدبرته=يسهي عن الفرض ويصلي التنافيلي
ما يعرف الدرب ميمنته وميسرته= ولا يعرف المقفيات من المقابيلي
هيكل رجل والثياب البيض ساترته=ويعد نفسه من عداد المشاكيلي
مايدري انه غبي والناس خابرته=وتعرف عن شخصه ادق التفاصيلي
والشعر ياسامعين الشعر وش كرته=لو مااذكر فعول ربعي ويش يعنيلي
شعرٍ تناشت به الافكار وامطرته=على سموع الحفل مثل الهماليلي
سلام يامشيخة راسي ومفخرته=يالاد عاصم عطيبين المفاعيلي
في حفل حمدان كل الفكر حضرته=حفلٍ يجمّل وزاد الحفل تجميلي
حضور شيخ فعول الطيب شاهرته=من وقت طلمس وعبدالله وجبريلي
شيخ ربوعه لوقت الضيق ذاخرته=تلقى الذرى غي جنابه والمقاييلي
كبيرٍ اسمه ووقفاته مكبرته=الاصل عاصم وابوه وجده عقيلي
وليا نشدت الزمان القى بذاكرته=صليل سيف وعزاوي وركضت خيلي
مجدٍ بني عمي عتيبه مسطرته=في صدر الايام يبقى جيل عن جيلي
كم شيخ قومٍ جريٍ في مغامرته=عزمه يذلل قوي العزم تذليلي
ترامه اليوم نجد وصبح نافرته=يطلع لها شيخٍ اطيب منه بالحيلي
يوم الصناديد في نجد متشابرته=ولهم على نجد واطرافه مداهيلي
قبايلٍ تطّحن والحرب مسعرته=تكتال من بعضها وترجّح الكيلي
قامت عتيبه وكل الوضع غيّرته=لطامة العيّلا ذباحة الحيلي
واللي يبا نجد واللي فيه شطّرته=بهجف الكراسي وبالحدب المصاقيلي
قوم ليا حولت فالجمع بعثرته=وشيوخنا فالدجى مثل القناديلي
لا جا نهارٍ تغطي شمسه غبرته=للشلف ملحم وللبندق نواجيلي
واللي براسه سطر حنا دكاترته=بعد النشاط يتراجع فاتر الحيلي
وندله اللي ظروف الوقت قاهرته=خوي جنب وقصير وضيف ودخيلي
حنا رموز الفخر حنا عباقرته=حنا نجوم الجهات الجدي وسهيلي
برقا وروق الذي ماصار صيرته=يوم المنازل ويوم الحط والشيلي
ايام واكوان والعاقل محيرته=تضيق فيها المخارج والمداخيلي
قدام عبدالعزيز تدور دايرته=وتويق شمسه على روس الاقاذيلي
شيخ حكم نجد وعتيبه مناصرته=لهم على الخيل تكبيرٍ وتهليلي
وابطلب الله في عفوه ومغفرته=يغفر لعبدالعزيز معدل الميلي
وسلام يامشيخة راسي ومفخرته=ربعي عتيبه عطيبين المفاعيلي[/poem]
[/QUOTE]
[align=center][CENTER][size=6][font=DecoType Naskh Swashes]
::: [COLOR="blue"] وفيما يلي مجاراتي له [/COLOR] :::
[/font]
[/size]
[/CENTER]
[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
حي الله اللي مخاشرني وخاشرته= لاعكرن المشارب جم صافيلي
صاحب وفاء وان طلبني ماتعذرته =ماشح في مطلبه لو فالبرازيلي
وحنا مطاليبنا ماهيب عاسرته = لو نرسله لليهود افجع إسرائيلي
ياكم من ليلتن في حال سامرته=واوجزلي الترجمه منهج وتحليلي
يطيعني وان نخيته جاب نادرته= وعلى وفاء هاجسي مبغى معاديلي
اليا بدأ لازمي فالراس وادرته= غذ الفكر من جزيلات المباهيلي
وردت عدن ضوامي كل صادرته= وشربت من جمته عذب المناهيلي
ماني بمن قوم ناظرني وناظرته= اللي على لحن ياعيني وياليلي
اللي شبابه هدر دنياه واخرته = وراحت حياته هبا من دون تحصيلي
اشوش للطيب يوم الطيب عاشرته=والا الردا مانصبت اله المحابيلي
لاشفت راع الردا قدمي تحاقرته = وطلبت ربي يشيله من ورا النيلي
وان شفت راع الوفاء بالطيب وقرته=واخرست قوم الشمايت والعواذيلي
ويوم الشعر حان والاحساس فجرته=وبانت بعيني جزيلات التماثيلي
دنيت طرس القلم وادنيت محبرته= وناديت للهاجس برفع التكاميلي
وشديت حيلي وجزل القاف طورته= ليننها بينت لي كل تشكيلي
واخترت مالاق منها لاقت اثمرته = فريدة النوع تحسب من محاصيلي
انحت صخر والمحيط ان شفته ابحرته=ماهاب طول المسافه يوم تطريلي
كله لجل شاعراً معناه فسرته =ثم شاش راسي على جر المواويلي
لابداع شامخ وحانت لي مناورته = وسقت القوافي وبالله التواكيلي
بطرقاً مشابه لطرقه يوم باشرته= لين القوافي نحت يمي جواديلي
القافيه محدثه والقصد كررته = وقامت تلافى على فكـري محاميلـي
ماكنها غير شيك ان قمت جيرته =ماينقصه غير توقيعي وتسجيلي
كله على شان مضمونن تخيرته =بالعين شوفه صفا من دون دربيلي
مجدن خلد بالفكر ماظن غادرته =سيفاً مع الرمح واخيولاً مصاهيلي
هذا وانا من لهم بالجود بادرته= الاد شيبان في حلن وترحيلي
فهود(ن) مغذاه جنح الليل نورته=عدوهم يونس بطرفه سماليلي
لادق وقت الخطر للكل صافرته= ربعي بوقت اللزوم الهم منازيلي
ربعي عتيبه قرار المجد سمرته= في صدر الايام بعزوم الحلاحيلي
انجاز واعجاز والايام فاكرته=مايدخل الشك فيه ولا الدهاويلي
يوم المنازع ترى حنا جبابرته = للخصم معنا حياته في غرابيلي
كم طامعاً في فقارة نجد حدرته=حقايقه ماتحرف مثل الانجيلي
وكم شيخ قوماً لفى لحتفه ومقبرته=وامسى بلحد الجلد وسط الغراميلي
وكم فارساً قدمنا والقدره اعثرته= لوكان عزمه شديد وفعله امهيلي
وفالسلم حنا من النخوه معاصرته=تنسج بنا امثال واخيار الاقاويلي
في حكم من قوته للعالم اظهرته =بـ أرادة منزل القران تنزيلي
اللي بشبه الجزيزه ظلت اشجرته= وخلا القبايل تحت حكمه مظاليلي
وحد بحدب(ن) صليب العظم باترته = وقدح الفسايل من افواه المشاعيلي
ياكم فصيحن نشب هرجه بحنجرته= لوكان سلطة لسانه تصخر القيلي
عوداً حكمها وقدرة ربي انصرته= عزايمه تشبه اطيور الابابيلي
في هزم الاشرم بعد بانت مجاهرته= بالمعصيه واللجو لقوة الفيلي
واسلومنا كل فعلن زين حاصرته = للخصم علقم وللصاحب معاسيلي
للجار حقاً علينا في موازرته =من اصغر عتيبي ليا حد الكواهيلي
من دون حق القصير ابليس داحرته= حقه يجي كاملاً مافيه تقليلي
ماضاع اله حق والهيلا مقاصرته =وابليس ملعون وايدينه مكابيلي
وللضيف حشمه وطيباً وسط مجمرته=بعد الشحم واحتسى بن المعاميلي
ولدخيلنا مزبنن في حفظ واترته = لامن بداله من ايامه تهاويلي
بصدورنا مزبنه وانشيل عاثرته =لوكان حوم المنايا له جناديلي
واللي هموم الزمان بحال كدرته=يلقى السعد والاناسه والتعاليلي
عند القبايل وكلن دون حاضرته=الطيب مايملك بصك وتواكيلي
وهذا كتابي به المضمون حررته= خواطرن نظمها مثل السلاسيلي
للنشرمعدودت(ن) واخطابها اشرته =اخراج فكري ومن نظمي وترتيلي
[/poem][/frame]

رد: (( 47 )) + (( 51 )) = (( 98 ))
 

ياسلام

ياسلام

صوت وصدى ولا اجمل ولا اروع

ابداع يفوق الوصف

قصايد شامخه

لله دركم من شاعرين جزلين

صح لسان الشاعر غالب ابو كتيفه

وصح لسانك ياعوض


اعجابي واحترامي

رد: (( 47 )) + (( 51 )) = (( 98 ))
 

صح لسانك اخي الشاعر عوض
لاهان را سك قصيدة رائعه
صوت وصدى رااائعين
والنعم فيكم وبجميع
القبيله
سلمت وسلم شعرك
دمت بخير

رد: (( 47 )) + (( 51 )) = (( 98 ))
 

[B][COLOR="Blue"]صح لسانك

ونعم فيك وفي قبيلتك


نص وافي في الفخر


تقبل اعجابي

دمت بخير[/COLOR][/B]

رد: (( 47 )) + (( 51 )) = (( 98 ))
 

عوض العتيبي
صح لسانك ولسان الشاعر
والنعم بالجميع
قصائد رائعه وجزله
الله لايهينكم

تحياتي

رد: (( 47 )) + (( 51 )) = (( 98 ))
 

الله الله الله



ياعوض




صح لسان أبو كتيفه وصح لسانك




جزاله +سبك+حبك



تحياتي وفي انتظار القادم

رد: (( 47 )) + (( 51 )) = (( 98 ))
 

[size=4][color=#008080]عوض العتيبي

صـــوت و صـــدى يتألقان بإداع و تميز منفردين
بين صفحات أفردت سطورها لتحتضن هطولهما المبدع و رقيهما المميز

دام لنا الصوت و سلم صداه[/color][/size]

رد: (( 47 )) + (( 51 )) = (( 98 ))
 

والله صوت وصدى ولا أجمل

والا أروع ولا أبدع


بيض الله وجيهكم

رد: (( 47 )) + (( 51 )) = (( 98 ))
 

الأخ الشاعر/ عوض العتيبي

صح لسانكونعم فيك وفي لابتك

ولاتهون باقي القبائل

وبالفعل مجارات رائعه

الله يعطيكم العافيه أثنينكم

تقديري,,,,,,

رد: (( 47 )) + (( 51 )) = (( 98 ))
 

عوض العتيبي
صح السانك والسان ابو كتيفه
صوت وصدى فأقين الوصف
قصائد طيبة جزلة
لاهنتو جميع

رد: (( 47 )) + (( 51 )) = (( 98 ))
 

ونعم والله بك وبربعك


وصح لسانك ياعوض

مجاراه وافيه من وافي


ابدعت ياشاعر

لاهنت

فائق الاحترام

رد: (( 47 )) + (( 51 )) = (( 98 ))
 

[color=#000000][font=Simplified Arabic][size=4][align=center]


عوض العتيبي ..؛
صح لسانك وعلا شانك ..؛
ونعم فيك و في غالب وجميع القباايل ..؛
لا هنت ..؛

[/align][/size][/font][/color]

رد: (( 47 )) + (( 51 )) = (( 98 ))
 

[COLOR="Navy"][I][B]
الشاعر / عوض العتيبي

صح لسانك ولسان الشاعر

كفيت ووفيت

بيّض الله وجهك

قصائد رائعه وجزله

تحياتي وتقديري ،،،[/B][/I][/COLOR]

رد: (( 47 )) + (( 51 )) = (( 98 ))
 

عوض العتيبي

صوت وصدى رائعين
صحت السنتكم وبيض الله وجيهكم
جزاله×جزاله
خلفها مبدعين

دمتم بخير حال

رد: (( 47 )) + (( 51 )) = (( 98 ))
 

صح لسانك
ابيات غايه في الابداع
وغايه في الروعه

رد: (( 47 )) + (( 51 )) = (( 98 ))
 

بوح رائع جدا

لاهنت ولاهان مغليك

صح لسانك مليون

تحيتي لك

رد: (( 47 )) + (( 51 )) = (( 98 ))
 

لاهنت وصح فكرك
على هذه المجاراة الرائعه
تقديري واحترامي

رد: (( 47 )) + (( 51 )) = (( 98 ))
 

صح لسانك ولسان الشاعر


ونعم ونعم ونعم دايم
ونعم ونعم ونعم دايم
ونعم ونعم ونعم دايم


تحياتي

رد: (( 47 )) + (( 51 )) = (( 98 ))
 

الشاعر عوض العتيبي صح السانك بيض الله وجهك قصيدة رائعة وجزلة ,,,
صح السان الشاعر غالب بن زيد ابو كتيفه قصيدة رائعة وجزلة ,,,
ابداع ووصف جميل ومعاني راقية ,,, تحياتي لشعار المبدعين ,,,

رد: (( 47 )) + (( 51 )) = (( 98 ))
 

تسلم اخى على طرحك الرائع

ننتظر جديدك الأروع

رد: (( 47 )) + (( 51 )) = (( 98 ))
 

[color=#FF1493]
[frame="7 80"]
[size=5] السلام عليكم ...
الاخ الكريم/ عووووض
صح لسانك وجاد بيانك
ولاهنت ولاهان منطوقك
تقبل حضوري وتواضع مروري
فيض ودي يالغلا فديتك
محمد بن عما ر
[/size]
[/frame]
[/color]

رد: (( 47 )) + (( 51 )) = (( 98 ))
 

صح لسانك ولاهنت

ابيات جميله ورائعه

رد: (( 47 )) + (( 51 )) = (( 98 ))
 

جزله كالعاده من شاعر جزل
لاهنت وبيض الله وجهك

تحياتي

رد: (( 47 )) + (( 51 )) = (( 98 ))
 

الله الله


صح السنتكم جميعا


جزاله وابداع


لاهنتم

وتقبلوا تحياتي

رد: (( 47 )) + (( 51 )) = (( 98 ))
 

قصيده شامخه وابدعت بالمجاراة ياعوض
وسبعة انعام بك وبلابتك والف صح لسانك

رد: (( 47 )) + (( 51 )) = (( 98 ))
 

صح لسانكم الاثنين والنعم بكل القبايل تحياااااااااااااااااااااتي

رد: (( 47 )) + (( 51 )) = (( 98 ))
 

صح لسانك ولاهنت

ونعم فيك

مجاراه جميله من شاعر اجمل

تحياتي لك ..

رد: (( 47 )) + (( 51 )) = (( 98 ))
 

صح لسانك


فخر يستحق الإشادة


لك الشكر ولحرفك الإعجاب

رد: (( 47 )) + (( 51 )) = (( 98 ))
 

ترفع لمزيد من الردود التي تستحقها
صح لسانك واعتلى شأنك
ولاهان راسك
تحياتي واحترامي

رد: (( 47 )) + (( 51 )) = (( 98 ))
 

ترقم علنى ههههههههههه

صح لسااااااااانك
مدد بلا عدد

صعوووووووب

رد: (( 47 )) + (( 51 )) = (( 98 ))
 

قصيده لاتمل


مليون صح السانك

وعلا شانك


لاهنت



تحيتي وتقديري

رد: (( 47 )) + (( 51 )) = (( 98 ))
 

[center][color=purple]راااااائعه من شاااعر راااائع

صح فكرك احسااااااسك

دمت وداااااام عزك[/color] [/center]

رد: (( 47 )) + (( 51 )) = (( 98 ))
 

صح لسانك ولسان صاحبك
ولاهنت ولاقلت الا الصواب ونعم بجميع القبايل
والعشاير كل فيه حقه
وفيت وكفيت ولله دركما والسلام

رد: (( 47 )) + (( 51 )) = (( 98 ))
 

عــــــــــــوض العتيبي

صح لسانك شاعرنا

و اعتلا شانك

قصيدة مميزة

لاهنت

رد: (( 47 )) + (( 51 )) = (( 98 ))
 

[font=arial narrow][size=5][color=darkgreen]صوت وصدى راائع من شعراء رائعين[/color][/size][/font]
[font=arial narrow][size=5][color=darkgreen][/color][/size][/font]
[font=arial narrow][size=5][color=darkgreen]صحت قلوبكم والنعم بالجميع[/color][/size][/font]
[font=arial narrow][size=5][color=darkgreen][/color][/size][/font]
[font=arial narrow][size=5][color=darkgreen]دمت وداااام حرفك[/color][/size][/font]
[font=arial narrow][size=5][color=darkgreen][/color][/size][/font]
[font=arial narrow][size=5][color=darkgreen].[/color][/size][/font]

رد: (( 47 )) + (( 51 )) = (( 98 ))
 

للتميز عودة
سلمت
وصح لسانك على الرائعة

صعوووب